Aepa Gemae 3:16 - The Keyagana NT and 25 OT books

¹⁶ Gotiʼa a kanoeʼmo ha painoʼaeʼmo, kagaemo kaipaguʼeʼmo maisana afinaʼmo lusi kana yaʼmo kamiguve. Kagaemo mafaʼnemo alika ategefe hisana afinaʼmo lusi kava huno kagafu kigiye. Anaukamofeʼmo alagikeʼmo kahaʼye hugiyanageno yagaino kategaiye.

Aepa Gemae 3:16 ပူးပေါင်းရင်းမြစ်များ

Aepa Gemae 4:7

Alagepa kavaʼmo hisanageʼnaeʼmo amuse huʼna kateteʼna kavalegauve. Hosu kavaʼmo huʼnisanaʼmoʼmo hosu kavaʼmoʼa katafausiyafeʼmo eno kipateʼmo yagaino maiʼniye. Hosu kavaʼmoʼa yagaino katesiyafeʼmo hauʼniyaʼmofeʼmo kagaemo hosu kavaʼmo aiyafi oʼmaika aeka aga so, huno ha paiʼniye.

Esata 1:20

Mani gemoʼmo muki neʼyagaina kotegamo aino atagu faeno uneno hisigeʼapaeʼmo muki aʼne anagaʼmogimo afiteʼa anauʼapimogi geʼapimo afigae. Aʼnemogimo apaki haneʼniya anauʼapimogi geʼapiʼe apaki ohaneʼniya anauʼapimogi geʼapiʼeʼmo afaʼa afigae, huno ha paiʼniye.

Samu 48:6

Eʼa apamoʼya aiʼa maiʼnae. Aʼnemogimo mafaʼnemo aliʼa apatesayafeʼmo apakafu nekiya kava huno apakafu kiʼniye.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Yoni 16:21

Aʼnemogimo mafaʼnemo aliʼa apatesayafeʼmo huʼnaya afinaʼmo apakafu kiʼnigeʼapaeʼmo yulagefa neʼaiyaʼmonanafa aliʼa apateteʼapaeʼmo apakafu kiʼniya kavafeʼmo apakesa oʼafiʼa mafaʼneʼapiekeʼmo apamogaga neʼaiye.

1 Kolitiyani 11:3

Nehuvaʼmonanafa mago gemo afisayafeʼmo nahauʼniye. Gotiʼa Kalaisi agenopagana huno maiʼnenoʼaeʼmo yagaino neʼate. Kalaisiʼa muki Kalisitini ve anagaʼmogi apakenopagana huno maiʼneno yagaino neʼapate. Ve anagaʼmogimo aʼne anagaʼmogi apakenopagana huʼa maiʼneʼapaeʼmo yagaiʼa neʼapatae.

1 Kolitiyani 14:34

Lapakaemo muki siosiʼale siosiʼaleʼmo alita anupa huta maisaya afinaʼmo aʼne anagaʼmogimo ge osuʼa afaʼa maigae. Aʼnemogimo ge osuʼa afeʼalumelaga maisaya kavaʼmo haneʼniye. Keʼaepa gemoʼmo ani agufa gemo huʼniye.

1 Kolitiyani 7:4

Aʼnemogimo apakaiʼapi apakufaleʼmo yagaiʼa oʼapategafa anauʼapimogigeʼmo yagaiʼa apategae. Ani kava huʼa vemogimo apakaiʼapi apakufaleʼmo yagaiʼa oʼapategafa aʼneʼapimogigeʼmo yagaiʼa apategae.

Kolosi 3:18

Aʼnemogitapae, huʼna, Ala kava nepiʼmo maiʼnisaya aʼnemogimo hisaya agufa kavaʼmo hutapa anautapimogi apaiyafiʼmo maiʼnetapa geʼapimo afiyo.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.

1 Timoti 2:13

Gotiʼa hogoteno Atamuʼmo alo huteno Iviʼmo alo huno ateʼniyaʼmofeʼmae.

1 Timoti 2:15

Amagino ataleʼniyaʼmofeʼmo aʼnemogi apakesamo afiʼa fatago huge hapau apayamopafiʼmo hapauge apaote kavaʼmo huge vayaʼmogi apakesayafeʼmo apamoʼya aige huʼa maime maime neʼvisagenoʼaeʼmo Gotiʼa mafaʼneʼamo alino ateʼnigeno emineʼniya kavatetiʼmo apakufamo alino katino apateteno hapau vaigiye.

Taitasi 2:5

Aliʼa apaya malesageʼa venemo aʼnemogimo afiteʼapaeʼmo apaipa apakesaleʼmo alagepa huʼa yagaiʼa atege yaveyave apaipa apakesa afige noʼapifiʼmo alagepa aliʼyaʼmo alige yuna apaipa kalige anauʼapimogi apaiyafiʼmo maige hisageʼapaeʼmo muki vayaʼmogi Goti geʼaeʼmo huʼa faipa huʼa oʼategae.