Aepa Gemae 3:15 - The Keyagana NT and 25 OT books

¹⁵ Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Aepa Gemae 3:15 ပူးပေါင်းရင်းမြစ်များ

Aepa Gemae 49:17

Nagaloʼyavegana huno ka agiʼnaleʼmo maiʼneno hosimo neʼesigenoʼaeʼmo aiyafiʼmo haesigeno hosileʼmo fai maiʼnisiya vekamo akamelegatiʼmo asagauno aigiye.

Aiyeya 53:12

Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.

Aiyeya 7:14

Ala kava neʼmoʼa agaiʼamo afole aisiya kavafeʼmo alagena kavaʼmo alino lapave ligiye. Afiyo, huʼna, mago saufa aʼmafaʼnemo veʼeʼmo lokaeno ohavaeʼniya aʼmafaʼnemoʼmo aipaguʼeʼmo maiteno ve mafaʼnemo alino ategaiye. Ani mafaʼneeʼmo agiʼamo Imanuveliʼae, huʼa hugae. Ani agimo aepaʼamo Gotiʼa lagaeʼeʼmo magokepi lokaeno neʼmaiye.

Neniyo 9:26

Inagi sigisiti tuʼa sotamo utesigeʼa Mesaiya vekamo agoti huʼa ateteʼa amagisageno faligiyaʼmonanafa agaiʼalefeʼmo ofaligiye. Falitesigeʼapaeʼmo afole aisiya kini vekamo ami vayaʼamogimo eʼa Yulusalemu taoniʼe mono noʼeʼmo heʼa halagape vaiʼa atalegae. Alopa aniʼmoʼa ani heteno muki yaʼmo alinino neʼviya kava huno ani kamemoʼmo muki yaʼe vayaʼeʼmo alinino ugiye. Gotiʼa hu maleʼniya alopa kana yaʼmo afole aime aime neʼvisigenoʼaeʼmo ani kamemoʼmo hano hugiye.

Maika 5:3

Afole aigiyaʼmonanafa Gotiʼa vayaʼamo kame vayaʼapimogi apayapiʼmo apatesigeʼa maime maime neʼvisagenoʼaeʼmo mago a kanomoʼmo mago ve mafaʼnemo alino atesigeʼa ani mafaʼnemo nofi vayaʼamo logufaʼa Isaleli vayaʼmo Isaleli vayaʼaitegamo aiʼa atagineʼa egae.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Matiyu 1:25

agaeʼeʼmo magokepi lokaeno ohavaeno aote maime maime neʼegenoʼaeʼmo mafaʼnemo alino ateʼniye. Yosefeʼa mafaʼneʼamo agiʼamo Yesuʼae, huno ateʼniye.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Matiyu 13:38

Hoyamo haneʼniya kava huno muki ma mopamo haneʼniye. Alagepa avina yaʼmo haneʼniya kava huʼa Gotiʼa yagaino neʼapateya vayaʼmo maiʼnae. Hosu inoʼmo haneʼniya kava huʼa hosu vekamo vayaʼamo maiʼnae.

Matiyu 23:33

Nagaloʼyave vayanagi nagaloʼyave afamo anaga vayane, huʼna, Gotiʼa agoti huno lapatetenoʼaeʼmo, hosu vayaʼmo maiʼnae, huno hisigetapa ata kopiʼmo uta lamigae. Haiya kava hutapa faita kasalo paegae.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Maki 16:18

vayaʼmo nehapaeya nakaloʼyavemo atafauge hugae. Ina kava huʼa vayaʼmogi neteʼa nefaliya aniʼmo nesayana ofaligae. Kaita hapauʼnisiya vayaʼai apakufaleʼmo apayaʼmo maleʼneʼa aliʼa hapageʼa apategae, huno hapa paiʼniye.

Luki 1:76

Kagaemo mafaʼneʼnimogae, huʼna, hogote vekamo aeno apaka seʼniya vekalegatiʼmo geʼamo alinineno aeno hakalo huno hapa nepaiya vekae, huʼa kagi aegae. Kagaemo Ala kava neʼmo esiya kaʼmo alagepa huka valika ateʼnisanageno egaiye.

Luki 10:19

Afiyo, huʼna, nagaloʼyaveʼe sokopiyoniʼeʼmo lapaiyaletiʼmo aeta latapaisayafeʼmo himamuʼnimo aliʼna lapamiʼnove. Kame vayatapimogi himamuʼapimo aeta apaka sesayafeʼmo himamuʼnimo aliʼna lapamiʼnovanageʼa muki vayaʼmogi afaʼa olahapaegae.

Luki 22:53

Nagaemo lapakaeʼeʼmo muki afinaʼae afinaʼaeʼmo alopa mono nopiʼmo maiʼnogetapaeʼmo oʼnatafauʼnayaʼmonanafa hemenimo lapakaemo ani kavaʼmo hisayafeʼmo hani nehiya kavateʼmo neʼyagaiya vekamo himamuʼaletiʼmo hisiya afinaʼmo ago afole aiʼnigetapaeʼmo nehae, huno hapa paiʼniye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.

Lomu 16:20

Gotiʼa alagepa huta neʼmauna kavaʼmo aepa vekamoʼmo malage huno Sataniʼmo lapaiya afeʼalumelagamo alino aeno latapaigiye. Ala kava netimo Yesu Kalaisiʼa fikumo lapa maeno lapamino. He, Lama ge.

Lomu 3:13

Lugoʼapimo kano kelimo aliʼa halo aiʼnageno atumo neʼaiya kano keligana huno haneʼnigeno hosu gemo afole neʼaiye. Apavenafuʼnaletiʼmo aigofe gemo nehae. Nagaloʼyaveʼmogi apavayafiʼmo analisa aniʼmo havai teʼniya kava huno hosu gemo apavayafiʼmo havai teʼnigeʼa geʼapiletiʼmo vayaʼmo neʼapamagiye.

Galesiya 4:4

Gotiʼa hu maleʼniya afinaʼmo afole aiʼnigenoʼaeʼmo Mafaʼneʼamo alino ateʼnigeno emineʼniye. Mago ma mopafi a kanomoʼmo alino ateʼnigeno Yu keʼaepa gemo afeʼalumelagamo maiʼniye.

Efasasi 4:8

Ani kavatefeʼmo Goti mukufi gemoʼmo hunoʼaeʼmo, Agaemo kamemo huno aeno apakaseteno apatafauno apavalelino anagamo uno haiteno alu ya alu yaʼmo fikumo alino vayaʼaina apamiʼniye, huno huʼniye.

Kolosi 2:15

Kalaisiʼa falitenoʼaeʼmo yagaiʼa neʼapataya vayaʼe ala kava vayaʼeʼmo agaiʼamo ago aeno apakaseteno kamemo hisaya yaʼapimo apayapatiʼmo hapafaleno nofi kino apateteno vayaʼai apaulagaleʼmo heno apavayu hulino uʼniye.

Himulu 2:18

Amalageka huʼnigeno agafu kiʼniyaʼmofeʼmo apamalageka nehiya vayaʼmo afaʼa hapa maegaiye.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

1 Yoni 3:10

Muki vayaʼmogi fatago kavaʼmo nosaya vayaʼmo Goti mafaʼneʼamo oʼmaiʼnae. Konagaʼapieʼmo nohapaiya vayaʼmogimo ani kavaʼmo huʼa Goti mafaʼneʼamo oʼmaiʼnae. Ani kavatetiʼmo Goti mafaʼnemo maiʼnafi Satani mafaʼnemo maiʼnafi huʼa apakegae.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

1 Yoni 5:5

Ina lagimo ma mopafi kavaʼmo kame huʼa aeʼa agasegae. Yesuʼa Goti Mafaʼneʼamo maiʼniye, huʼa apakesamo afiʼa fatago nehaya vayaʼamogigeʼmo kame huʼa aeʼa agasegae.

Leveleseni 12:17

Nagaloʼyavemoʼmo a kanoeʼmo lusi kava huno aipamo leno ateteno a kanomo mafaʼneʼamogimo Goti geʼamo akame huteʼa Yesuʼmo alino apave liʼniya gemo oʼataleʼa atafauʼa alagi nehaya vayaʼaitegamo kame huno apatesiyafeʼmo uʼniye.

Leveleseni 13:7

Agaemo Goti vayaʼaeʼmo kame huno apateteno aeno apakaseno muki nofi vayaʼaitenagi muki alu apakufaʼe alu apakufaʼe vayaʼaitenagi muki alu apake alu apakemo neʼaiya vayaʼaitenagi muki alu kotega alu kotegamo maiʼnaya vayaʼaitenagi huno yagaino apatesiyafeʼmo Gotiʼa afaʼa ategeno maiʼniye.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 20:10

Nevoʼmo apayate aliʼniya vekamo yafapiʼmo neleya sofa ata kotupiʼmo alino yaga auno ataleʼniye. Afela afuʼe aigofe aune vekaʼeʼmo maiʼnaʼa kopiʼmo alino yaga auno ataleʼniye. Apakaemo felugaʼe haniʼilagaʼeʼmo alagi apakafu kino hano osuno apakafu kige kige huno maigiye.