Aepa Gemae 3:13 - The Keyagana NT and 25 OT books

¹³ Ala kava neʼmo Gotiʼa a kanoeʼmo ge huno afi geʼniye. Na kava higeka ani kava hane, huno ge huno afi geʼnigenoʼaeʼmo, Nagaloʼyavemokeʼmo humi nateʼnigeʼna neʼnove, huno ha paiʼniye.

Aepa Gemae 3:13 ပူးပေါင်းရင်းမြစ်များ

Aepa Gemae 12:18

Kini vekaʼmoʼmo Emalemifeʼmo ge huʼnigeno egenoʼaeʼmo ina ge huno ha paiʼniye. Nagaetegamo na agufa kavaʼmo huʼnane. Na kava higekaeʼmo aʼnimo maiʼniye, huka naha opaiʼnane.

Aepa Gemae 44:15

Yosefeʼa apakaefeʼmo ina ge huno huʼniye. Lapakaemo na agufa kavaʼmo huʼnae. Nagaefeʼmo lageso huʼniya yaʼmo ageno neʼaliye, hutapa oʼnageʼnafiye, huno huʼniye.

Yona 1:10

Ani gemo afiteʼapaeʼmo sipifiʼmo aliʼyaʼmo neʼaliya vayaʼmogi lusi kava huno apamoʼya aiʼnigeʼapaeʼmo, Kagaemo lusi hosu kavaʼmo huʼnane, huʼa ha paiʼnae. Hogoteno yasimo oʼaliʼnigenoʼaeʼmo Yonaʼa hunoʼaeʼmo, Nagaemo Ala kava netegatiʼmo ataleʼna naune hetaleʼna neʼove, huno hapa paiʼnigeʼa ago afiʼnayaʼmofeʼmo lusi hosu kavaʼmo huʼnane, huʼa ha paiʼnae.

Yoni 18:35

Pailatiʼa hunoʼaeʼmo, Yu nofi vekamo maiʼnofiye. Haʼao, Yu vekamo oʼmaiʼnove. Kagae nofi vayaʼmogiʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo kalavusi huʼa kateteʼa kavaleliʼa eʼnagi kagaemo na agufa kavaʼmo huʼnane, huno afi geʼnigeno

Lomu 7:11

Hosu kavaʼmoʼa kaʼmo agetenoʼaeʼmo keʼaepa geletiʼmo humi nateteno namagiʼnigeʼna faliʼnove.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

1 Timoti 2:14

Sataniʼmo Atamuʼa humi oʼateʼnifa Ivikeʼmo humi ateʼnigeno Goti keʼaepa geʼamo ago amagino ataleʼniye.

1 Samiyo 13:11

Samiyoʼmo Solofeʼmo ha painoʼaeʼmo, Kagaemo na kavaʼmo huʼnane, huno ge huno afi geʼnigenoʼaeʼmo Soloʼmo hunoʼaeʼmo, Nagaemo apakovana vayaʼmo ago nataleʼa muki haopalegamo uʼeʼa huʼnageka kagaemo egauve, huka lekana paiʼnana afinaʼmo oʼmeʼnanageʼa Filisatini vayaʼmo Mikimasi taonifiʼmo aliʼa anupa huʼa maiʼnayaʼmofeʼmo nagesa alaʼamo afiʼnove.

1 Samiyo 15:15

Soloʼmo geʼaleʼmo ina ge huno aeno atagaina hunoʼaeʼmo, Apakaemo ati vayaʼnimogimo Amaleki vayaʼaitegatiʼmo apavaleliʼa eʼnae. Apakaemo muki sipisipi anagaʼe muki pulumaka anagaʼeʼmo kamitimo hapaeʼnayaʼmonanafa hogote alagepa afuʼamo Ala kava neʼmo Gotikamotefeʼmo ofalinimo hisayafeʼmo apavaleliʼeʼnae, huno ha paiʼniye.