Aepa Gemae 3:10 - The Keyagana NT and 25 OT books

¹⁰ sapa sapa hulika eʼnageʼna afiteʼnaekeʼmo nagufalagaʼageʼmo maiʼnovaʼmofeʼmo koli huteʼna eʼna fala kiʼnove, huno huʼniye.

Aepa Gemae 3:10 ပူးပေါင်းရင်းမြစ်များ

Aepa Gemae 2:25

Ve kanoʼe a kanoʼeʼmo anakufalagaʼageʼmo maiʼnaʼaʼmonanafa anavagagemo osuʼniye.

Aepa Gemae 3:11

Gotiʼa agaefeʼmo ge huno afi geʼniye. Haiya kava huka nagufalagaʼageʼmo maiʼnove, huka kageʼnane. Ina laʼmo kaha paiʼniye. Nagaemo oʼno, huʼna kaha paiʼnova yosa alagamo neʼnapiye, huno afi geʼniye.

Aepa Gemae 3:7

Neʼnaʼagenoʼaeʼmo anaulagamo ayakeʼnigeʼana anakeʼanaeʼmo, laʼagufalagaʼageʼmo maiʼnoʼae, huʼana anaketeʼanaeʼmo fiki yosamo haitamo hakeʼana anakufaleʼmo aiʼana ati kaesaʼa yaʼmo vaiteʼana hapiʼnaʼae.

Samu 119:120

Nagaemo kagaefeʼmo koli nehugenoʼaeʼmo nagufamoʼmo atete nehiye. Alika fako nehana kavakaeʼmo koli nehuve.

Hatu maeno apate'niya gemae 20:18

Hakalu huteno alino alave huteno aeno haleʼnigeno pikulimoʼmo age aiʼniya kavaʼmo muki vayaʼmogimo ageteʼa afiʼnae. Avefatiʼmo alopa halinamo aiʼnigeʼa ageteʼapaeʼmo koli huteʼa aveletiʼmo ataleʼa alime alime uʼa afagiʼaleʼmo he tiʼa maiʼnae.

Hatu maeno apate'niya gemae 20:19

Apakaemo Mosesefeʼmo ha paiʼapaeʼmo, Kagaekeʼmo laha paigeta afino. Gotiʼa laha paisiyaʼmoʼmo fiku yanageta faligune, huʼa huʼnae.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Hatu maeno apate'niya gemae 32:25

Eloniʼa hosu kavaʼmo osisayafeʼmo huno apatafauno oʼapateʼnigeʼa kame vayaʼapimogi apaulagaleʼmo apavagage hisiya kavaʼmo huteʼa alagi ge oʼafisaya agufa vayaʼmo maiʼnageno Moseseʼa apakeʼniye.

Aiyeya 33:14

Saiyoni taonifiʼmo maiʼnaya vayapatiʼmo hosu kavaʼmo nehaya vayaʼmogimo koli huʼa maiʼnae. Aigofe vayaʼmogimo hapau aiteʼapaeʼmo apamoʼyamo neʼaiye. Apakaemo huʼapaeʼmo, Lagaepatiʼmo ina lagimo leno pasaga neliya atafiʼmo maige maige huʼa maigae. Lagaepatiʼmo ina lagimo yu oseno lege lege huno neʼmaiya ata koteʼmo maige maige huʼa maigae, huʼa nehae.

Aiyeya 57:11

Lapakaemo ina lafeʼmo koli huʼnayaʼmofeʼmo nagaefeʼmo aigofe gemo naha paiteta nagaefeʼmo lapake kaniʼnigetapa lapaipafiʼmo nagaefeʼmo lapakesamo noʼafiye. Yatala afinaʼmo ge osuʼna afaʼa maiʼnovaʼmofeʼmo nagaefeʼmo koli nosafiye.

1 Yoni 3:20

Yuʼilaga mafaʼnetimoʼmo, hosu kavaʼmo nehae, huno nehisigenoʼaeʼmo Gotiʼa yuʼilaga mafaʼnetimo ago aeno agaseno muki kavatimo ageʼniye.

Leveleseni 16:15

Yesuʼa hunoʼaeʼmo, Afiyo, huno, kumayaʼmo neʼaliya vayaʼmo neʼaya kava huʼna emiʼnesugeʼapaeʼmo hapau aigae. Apakufalagaʼageʼmo maiʼnisageno apavagage osisiyafeʼmo apau okaleʼa kukena yaʼapimo alagepa huʼa hu maleteʼa yagaiʼa neʼmaisaya vayaʼmogi Goti aulena vayaʼmo maiʼnae, huno huʼniye.