Aepa Gemae 27:29 - The Keyagana NT and 25 OT books

²⁹ Vayaʼmogimo aliʼyakamo aliʼa kategae. Muki kotega vayaʼmogimo kagae kaiyafiʼmo maigae. Kagaemo konagakamogiteʼmo yagaika apatesanageʼa kaiyafiʼmo maigae. Ala kava neʼmoʼa muki vayaʼmogi kagaemo aliʼa hosu huʼa katesaya vayaʼaifeʼmo lifana huno apategaiye. Ala kava neʼmoʼa aliʼa auleʼa katesaya vayaʼaina aulena gemo hapa paigiye, huno ha paiʼniye.

Aepa Gemae 27:29 ပူးပေါင်းရင်းမြစ်များ

Aepa Gemae 12:3

Kaha maesaya vayaʼmo aliʼna aulena apategauve. Lifana huʼa katesaya vayaʼmo lifana huʼna apategauve. Kagaetetiʼmo muki ma mopafi nofi vayaʼmo auleʼna vayaʼmo maigae, huno ha paiʼniye.

Aepa Gemae 25:33

Yekopuʼa hunoʼaeʼmo, He, alagi lama gemo nehuvanageʼna afaʼa kamiguve, huka kagoʼyamo ataleteka naha paiyo, huno huʼnigenoʼaeʼmo Isoʼa agoʼyamo ataleteno kamiguve, huno huteno amiʼniye.

Aepa Gemae 27:30

Ani gemo huno ha paitegenoʼaeʼmo Yekopuʼa ago ataleno uʼniye. Neʼvigenoʼaeʼmo anile Isoʼmo yahaofilagatiʼmo eno avaʼyi huʼniye.

Aepa Gemae 27:37

Aisakiʼa Iso geʼaleʼmo aeno atagaina huno ha painoʼaeʼmo, Nagaemo ala vekamo aliʼna ateʼnovanageno agaemo yagaino kategaiye. Nagaemo muki konagaʼamogimo aliʼyaʼamo alisaya vayaʼmo maigae, huteʼna ago aliʼna auleʼna ateʼnove. Nagaemo neʼyaʼe nofi alagafati aniʼeʼmo alisiyafeʼmo aliʼna auleʼna ateʼnove. Mafaʼneʼnimogae, huno, Kaha maesiya kavaʼmo na agufa kavaʼmo hisuve, huno huʼniye.

Aepa Gemae 27:40

Kagaemo naipekaletiʼmo neʼyakaeʼmo kahauya huge alagepa huka maisana kavafeʼmo kahauya huge hugane. Kaganakamo aliʼyaʼamo alitekaeʼmo maika falu osuganaʼmofeʼmo henagaʼamo geʼamo amagika atalesanagenoʼaeʼmo yagaino okategaiye, huno ha paiʼniye.

Aepa Gemae 37:10

Agaemo ani alagamuna gemo afoʼamoʼe nepuʼamogiʼefeʼmo hapa paiʼnigeno afoʼamoʼmo ge hauteno, Mani alagamunamo na agufa alagamuna ageʼnane. Nagaegi itakamoʼagi nepukamogiʼenagi huta kagaeteʼmo ape huta katesupiye, huno afi geʼniye.

Aepa Gemae 37:7

Lagaemo mukiʼamo mago hoyafikeʼmo maiʼneta vitimo hayaeʼnonana nagae viti hayamoʼmo aeno he tino haneʼnigeʼa lapakae viti hayamoʼmo nagae viti hayaleʼmo he tiʼa faiʼa vego huʼa ateʼneʼa ape huʼa ateʼnae, huno hapa paiʼniye.

Aepa Gemae 9:27

Gotiʼa Yefetiʼmo ha maenageʼa mafaʼne anagaʼamo asole vayaʼmo afole aiteʼa Semi aginago vayaʼai seli nopiʼmo aiʼa atagu faeʼa maiyo. Kenaniʼa Yefeti aliʼyaʼmo alisiya vekamo maino, huno huʼniye.

Samu 72:8

Solovala aniʼmo aluga aluga atupaleʼmo yagaino apategaiye. Alopa aniʼmo uno nelamiya aniteʼe mugagayaga faligaʼeʼmo muki vayaʼaiteʼmo yagaino apategaiye.

Aiyeya 45:14

Ala kava neʼmoʼa ina gemo hunoʼaeʼmo, Isipi vayaʼmogi aliʼyaʼapilefeʼmo moniʼapimo alige Kusi vayaʼmogi kagemi yaʼapimo alige hutapa maisageʼa Sepiyani kotega yatala vayaʼmogimo aliʼyatapimo aligae. Apakaemo seliletiʼmo kiʼa apatesageʼa lapakame huʼa eʼa apaleʼyamo faiʼneʼapaeʼmo, Lama gemo hutaeʼmo, Gotiʼa lapakaepiʼmo maiʼniye. Agaemo magokeʼageʼmo alagi Gotiʼa maiʼnigeno magoʼe huno alu gotiʼmo oʼmaiʼniye, huʼa nunumuʼmo hugae.

Aiyeya 49:23

Kini vayaʼmogiʼe kuvini aʼnemogiʼeʼmo itaʼapi afoʼapimogigana huʼa maiʼneʼa kagae mafaʼne anagaʼaiteʼmo yagaiʼa apategae. Apakaemo kagaetegamo eʼa kaiyafiʼmo mopafiʼmo ape huʼa apaleʼyamo faiʼneʼa ala kagikamo kamigae. Nagaemo hapa maesuvafeʼmo nagava neʼmaiya vayaʼmo afaʼa nagava maige apavagage huge huʼa oʼmaigayaʼmofeʼmo kagaemo nagaefekeʼmo Ala kava neʼmo maiʼniye, huka nagegane.

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 60:12

Haiya nofi vayaʼmofi haiya gamani vayaʼmogi yagaiʼnaya kegiʼyafiʼmo maiʼnaya vayaʼmofi huʼa lapaiyafiʼmo oʼmaige aliʼyatapimo oʼalige hisaya vayaʼmo alagi hano hugae.

Aiyeya 60:14

Kana yaʼmo aliʼa lapamiʼnaya vayaʼmogi ve mafaʼne anagaʼapimogimo eʼa lapakaeteʼmo ape hugae. Apakameʼyamo lapamiʼnaya vayaʼmogimo lapaiya agusalegatiʼeʼmo aliʼa asagauʼa lapategae. Apakaemo lapakaefeʼmo huʼapaeʼmo, Ala kava neʼmo taoniʼafiʼmo maiʼnaya vayane, huʼa huge Isaleli vayaʼai aote Vekamoʼmo taoniʼamo Saiyoni taoniʼmae, huʼa huge huʼa lapaki aegae.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Napa 23:8

Naha paiʼniyaʼmonanafa Gotiʼa lifana huno oʼapateʼniyaʼmofeʼmo haiya kava huʼna lifana huʼna apategauve. Ala kava neʼmoʼa, Lifana vayaʼmo maiʼnae, huno osuʼniyaʼmofeʼmo haiya kava huʼna lifana vayaʼmo maiʼnae, huʼna huguve.

Napa 24:18

Agaemo Itomu vayaʼmo aeno apaka sege Siya koteʼmo maiʼnaya kame vayaʼamo aeno apaka sege huteno apatesigeʼapaeʼmo Isaleli vayaʼmogi lokiya vaiʼa kame hugae.

Napa 24:9

Isaleli vayaʼmo laiyonigana huʼa havaeʼa maiʼnisageʼapaeʼmo mago vayaʼmogimo afaʼa aliʼa he tiʼa oʼapategae. Isaleli vayaʼmogitapae, huʼna, alino auleno lapatesiya vekamo aulena vekamo maigiye. Lifana huno lapatesiya vekamo lifana vekamo maigiye, huno huʼniye.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Matiyu 25:45

Afi gesagenoʼaeʼmo, lama ge lapa nepauve, huno, nagae vayapatiʼmo ina agufa naganaʼnimogitegamo ani kava osuʼnayaʼmofeʼmo nagaetegamo osuʼnae, huno hapa paigiye.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.