Aepa Gemae 27:27 - The Keyagana NT and 25 OT books

²⁷ Yekopuʼa eno haopaletiʼmo haeno neʼnegenoʼaeʼmo kukenaʼaleʼmo atu faino afitenoʼaeʼmo alino auleno ateʼniye. Alagi lama ge huve, huno, mafaʼneʼnimo alagepa atuʼamoʼmo Ala kava neʼmoʼa alino auleno ateʼniya hoyafatiʼmo neʼaiya agufa alagepa atumo aiʼniye.

Aepa Gemae 27:27 ပူးပေါင်းရင်းမြစ်များ

Aepa Gemae 26:12

Aisakiʼa ani mopaleʼmo avina yaʼmo hakaleʼnigeno Ala kava neʼmoʼa ha maeno alino auleno ateʼnigeno neʼyaʼmo hageteno ani kafugafiʼmo magoʼe huno asole neʼyaʼmo afole aiʼniye.

Aepa Gemae 27:15

Lipeka nopiʼmo Iso kukena yaʼamo maleʼniya yapatiʼmo ageno alagepa kukenamo alino henaga mafaʼneʼamo Yekopuʼmo vaino ateʼniye.

Aepa Gemae 27:26

Neteno Aisakiʼa hunoʼaeʼmo, mafaʼneʼnimogae, huno, hemenimo eka nahaopaletiʼmo nahaeka no, huno huʼniye.

Aepa Gemae 27:39

Afoʼamo Aisakiʼa ha painoʼaeʼmo, kokamo alagepa mopaleʼmo ohanesigeno kokuʼnapati lao yaʼmo hoyakafiʼmo emiʼnoʼmegaiye.

Aepa Gemae 48:10

Isaleliʼa ago kosuna leʼniyaʼmofeʼmo aulagamo hosuʼnigeno oʼageʼniye. Yosefeʼa afoʼamo haopaleʼmo anavalelino eʼnigeno Yekopuʼa ananu kiteno hanaeno neʼniye.

Aepa Gemae 48:15

Yekopuʼa Yosefefeʼmo alino auleno atetenoʼaeʼmo ani ge huʼniye. Lotoʼnimo Emalehamuʼe afoʼnimo Aisakiʼeʼmo Goti aulagaleʼmo maiʼnaʼae. Ani Gotiʼa muki afinaʼmo maime maime eʼnova afinaʼmo neʼyaʼmo namilineno hemeniʼeʼmo neʼnamiye.

Samu 65:10

Kagaemo asole koʼmo alika ateʼnanageno ailino emineno muki hoyafiʼmo aiʼnigeno mopafilagamo aniʼmo haneʼniye. Aniʼmoʼa falu otesiya kavaʼmo nehigeno neʼyaʼmo alagepa huno afole neʼaiye.

Salomoni Yokemae 2:13

Fiki yosamoʼa aepa faino alagamo aeʼnigenoʼaeʼmo nofiʼmoʼa ausemo heʼnigeno alagepa atumo aiʼniye. Nahau nayamopafiʼmo neʼnahaiya aʼnimo kanale alagepa aʼnimogae, huno, he tika egetaʼao uguʼae.

Himulu 11:20

Aisikiʼa agesamo afino fatago huʼniya kavatetiʼmo afole aisiya kavatefeʼmo Yekopuʼe Isoʼefeʼmo hunoʼaeʼmo, Gotiʼa alino auleno lanateno, huno hana paiʼniye.

Himulu 6:7

Koʼmo mopafiʼmo aino uno nelamigenoʼaeʼmo neʼyaʼmo nehageya mopamoʼmo hoyamo neʼvaiya vayaʼmo hapa maeʼnigeno Gotiʼa, ani agufa mopaeʼmo alino auleno neʼate.