Aepa Gemae 27:24 - The Keyagana NT and 25 OT books

²⁴ Agaemo, Alagi lama ge huka kagaemo mafaʼneʼnimo Isogamofiye, huno afigeʼnigenoʼaeʼmo Yekopuʼa, he, nagaekeʼmae, huno huʼniye.

Aepa Gemae 27:24 ပူးပေါင်းရင်းမြစ်များ

Aepa Gemae 27:23

Agaemo Yekopuʼae, huno ageno alagepa osuʼniye. Ayatalaʼmoʼa Iso ayatalakanaʼmo huʼniyaʼmofeʼmo alino auleno ateʼniye.

Aepa Gemae 27:25

Aisakiʼa hunoʼaeʼmo, Nagaemo aliʼna auleʼna katesuvafeʼmo ani neʼyaʼmo aliʼnikeka namigeʼna neno, huno huʼnigeno alinineno amiʼnigeno neʼnegenoʼaeʼmo nofi alagafati aniʼeʼmo amigeno neʼniye.

Mai'naya kavane 12:19

Aigofe gemoʼmo aise afinaʼmo hanegaiyaʼmonanafa lama gemoʼmo hanege hanege huno hanegaiye.

Mai'naya kavane 12:22

Ala kava neʼmoʼa aigofe gemo nehaya vayaʼaifeʼmo alagi ohauʼniyaʼmonanafa lama gemo nehaya vayaʼaifeʼmo hapaoke nehe.

Mai'naya kavane 30:8

Ma mopafi muki afa kavaʼe aigofe geʼeʼmo nagaetegatiʼmo alika afagitegamo yaga auka atalo. Kafu hisuva kavaʼmo osuge asole kagemi yaʼnimo hanesiya kavaʼmo osuge huvo. Na magi yaʼmo kamiguve, huka hisapi afaʼa namiyo.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Kolosi 3:9

Lapakaemo atafa vekatapimoʼmo atalege atafa vekatapimoʼa nehiya kavaʼmo atalege hutetapa saufa vekatapimo alita vaiʼnayaʼmofeʼmo konagatapieʼmo aigofe gemo osiyo. Gotiʼa saufa vekatapimo alo huʼniyanagetapa Gotina ageta aeto nehutapaeʼmo agaekana hutapa maisayafeʼmo saufa vekatapimo alino saufa vekamo hamaleno nelapate.

1 Samiyo 21:13

Koli huʼniyaʼmofeʼmo apaulagaleʼmo aeto agufa kavaʼmo huʼniye. Agaemo aigofe negi nagi kavaʼmo huʼniye. Agaemo taoni kegiʼya kipateʼmo avoʼmo kaege avayafatiʼmo afaʼa ateʼnigeno avanumoʼmo emineno avenanapa ayokateʼmo uno lamige huʼniye.

1 Samiyo 21:2

Neviniʼmo mono huno neʼapateya vekamo Ahimalekifeʼmo hunoʼaeʼmo, kini vekamoʼmo mago aliʼyaʼmo namiʼniye. Naha painoʼaeʼmo, Mago vekaeʼmo hisana kavafeʼmo alagi hapa opaiyo, huno alino huteno nateʼnigeʼna eʼnove. Nagaemo neya vayaʼnimo aliʼna apateʼnogeʼa mago koteʼmo uʼnae.

1 Samiyo 27:10

Eʼnagenoʼaeʼmo Nevinifeʼmo ina ge huno ge huno afinoʼaeʼmo, Hemenimo lapakaemo haiyategamo uta kamemo huʼnae, huno ge huno afigeʼnigeno Neviniʼmo ha paiʼniye. Mago afinaʼmo ha painoʼaeʼmo, Lagaemo hoga kotegamo uta Yuta vayaʼeʼmo kamemo huʼnone, huno huge, mago afinaʼmo ha painoʼaeʼmo hoga kotegamo uta Yelami vayaʼeʼmo kamemo huʼnone, huno huge mago afinaʼmo ha painoʼaeʼmo, Lagaemo hoga kotegamo uta Keni vayaʼeʼmo kamemo huʼnone, huno ha paiʼniyaʼmonanafa aigofe gemo ha paiʼniye.