Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aepa Gemae 26:7 - The Keyagana NT and 25 OT books

7 Maiʼnigeʼapaeʼmo ani kote ve anagaʼmogimo aʼaeʼmo ge huʼa afi geʼnagenoʼaeʼmo, Nasaʼnimoʼae, huno hapa paiʼniye. Koli huʼniyaʼmofeʼmo aʼnimo maiʼniye, huno osuʼniye. Agaemo, fiku yanageʼa Lipekatetifeʼmo kamitimo namagigae. Agaemo alagepa aʼmo maiʼnigeʼa alagepa apaulagamo neʼagayaʼmofeʼmo kamitimo namagigae, huno agesa afiʼniye.

အခန်းကိုကြည့်ပါ။ ကော်ပီ




Aepa Gemae 26:7
15 ပူးပေါင်းရင်းမြစ်များ  

Isipi kotegamo uʼa hogo nehuʼapaeʼmo Emalemiʼa aʼamo Selaifeʼmo ina ge huno huʼniye. Afiyo, huno, nagaemo hemenimo kageʼnovana kagaemo kanale aʼmo maiʼnane.


Nagaetefeʼmo kanale hisigeʼna kagaetefeʼmo afaʼa maisuvafeʼmo kahaoke hovanagi apakaefeʼmo hapa paikaeʼmo nasaʼnimoʼae, hukageʼmo hapa paiyo, huno ha paiʼniye.


Isipi vayaʼmogi kini vekaʼapimo aliʼyaʼamo neʼaliya vayaʼmogimo Selaiʼmo ageteʼapaeʼmo kini vekaeʼmo ha paiʼapaeʼmo, mago kanale a kanomo eno maiʼniye, huʼa ha paiʼnae. Inagi Selaiʼmo avaleliʼuʼa kini vekamo nopiʼmo ateʼnae.


Emalehamuʼa hunoʼaeʼmo, Mani kote maiʼnaya vayaʼmogi Gotifeʼmo koli nosayanageʼa aʼniletifeʼmo kamitimo namagigae, huʼna nagesamo afiʼnove.


Emalehamuʼa Gela taonifi vayaʼaifeʼmo hapa painoʼaeʼmo, Selaʼmo nasaʼnimoʼae, huno hapa paiʼnigeno Amimelekiʼa Gela kini vekamoʼmo mago vayaʼmo alino apateʼnigeʼa uʼa Selaʼmo avaleliʼa eʼnageno aliʼniye.


Emalehamuʼa hunoʼaeʼmo, Nasaʼnimoʼae, huno huʼniye. Aʼamoʼeʼmo hunoʼaeʼmo, Emalehamuʼmo nasaʼnimoʼae, huno naha paiʼniyaʼmofeʼmo mani a kanomo aliʼnovana hosu kavaʼmo huʼnove, huʼna oʼageʼnove, huno ha paiʼniye.


Ani a mafaʼnemo kanale aʼmafaʼnemogeno mago veʼeʼmo lokaeno ohavaeʼniye. Agaemo ani keli kotuteʼmo uno lamino aniʼmo he fino alinino haineʼniye.


Inagi Gotiʼa ina ge huno ha paiʼniyaʼmofeʼmo Aisakiʼa ataleno oʼuno Gela mopaleʼmo afaʼa maiʼniye.


Ani kote yatala afinaʼmo maitegenoʼaeʼmo Amimalekiʼa Filisatini nofi vayaʼai kini vekamoʼmo he tino yasi katetiʼmo ageʼniyana Aisakiʼa aʼamo Lipekaʼmo agufaleʼmo ame aliʼnigeno ageʼniye.


Liya aulagamoʼmo lokiya oʼvaiʼniyaʼmonanafa Lesoʼmo alagepa huno maiʼnigeʼa alagepa apaulagamo neʼagaya a mafaʼnemo maiʼniye.


Vayaʼaifeʼmo koli nehaya kavaʼmoʼmo aneʼaifiʼmo hegekana huno apatafaugiyaʼmonanafa Ala kava neʼmoʼa laha maegaiye, huʼa aliʼa amufa neʼamiya vayaʼmo alagepa huʼa maigae.


Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.


Anauʼapimogitapae, huʼna, Kalaisiʼa siosi vayaʼaifeʼmo hau ayamopafiʼmo hauʼnigenoʼaeʼmo falino apateʼniya kava hutapa aʼnetapieʼmo lapau lapayamopafiʼmo lapaino.


Lapakaemo atafa vekatapimoʼmo atalege atafa vekatapimoʼa nehiya kavaʼmo atalege hutetapa saufa vekatapimo alita vaiʼnayaʼmofeʼmo konagatapieʼmo aigofe gemo osiyo. Gotiʼa saufa vekatapimo alo huʼniyanagetapa Gotina ageta aeto nehutapaeʼmo agaekana hutapa maisayafeʼmo saufa vekatapimo alino saufa vekamo hamaleno nelapate.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ