Aepa Gemae 26:31 - The Keyagana NT and 25 OT books

³¹ Egaʼamo gotilamiyapiʼmo he tiʼa apagoʼyamo ataleteʼapa magokepiʼmo kotalakemo huʼnae. Aisakiʼa alino apateʼnigeʼa apaipamoʼmo falu huʼnigeʼa uʼnae.

Aepa Gemae 26:31 ပူးပေါင်းရင်းမြစ်များ

Aepa Gemae 14:22

Huʼniyaʼmonanafa Emalemiʼa Sotomi kini vekaeʼmo ha painoʼaeʼmo, Nagaemo Ala kava neʼmo Gotiʼa aeno apaka seno anaga Gotiʼa muki kokuʼnapi yanagi muki ma mopafi yanagi huno agaiʼa yaʼmo haneʼniya vekalefeʼmo nagoʼyamo ataleʼnaeʼmo,

Aepa Gemae 19:2

Agaemo hunoʼaeʼmo, Ala vekalane, huno, nagae notegamo eʼao. Nagae nopiʼmo etana lanaiyamo sese hutesaʼageta havaegaune. Inagi netepiʼmo he titana ugaʼae, huno huʼniyana, Haʼao, laʼagaemo manileʼmo aliʼa anupa huʼa neʼmaiya yateʼmo havaegauʼae, huʼana huʼnaʼaʼmonanafa

Aepa Gemae 21:14

Inagi egaʼamo gotilamiyapiʼmo Emalehamuʼa neʼyaʼmo aliteno meme agufa kepiʼmo aniʼmo he fiteno alino Hega agiʼnaleʼmo kofino ateʼniye. Emalehamuʼa mafaʼneʼamo Isameliʼmo avaleno Hegana amiteno alino hanafaitalegeʼana uʼnaʼae. Inagi Hegaʼe mafaʼneʼaʼeʼmo kaʼme koʼmo Miyasima kotegamo fikumo uʼnaʼae.

Aepa Gemae 21:23

Inagi hemenimo kagaemo Goti agiʼaletiʼmo kagoʼyamo ataleteka aigofe kavaʼmo nagaetegamo osuge mafaʼneʼnilegamo osuge naginago vayaʼaitegamo osuge huguve huka huvo. Nagaemo kalaga vekamo kagaetegamo alagepa kavaʼmo huʼnova kava huka nagaetegaʼe mani eka maiʼnana koteʼeʼmo alagepa kavaʼmo huguve, huka naha paiyo, huno huʼniye.

Aepa Gemae 21:27

Inagi Emalehamuʼa sipisipiʼe pulumakaʼeʼmo apavalelineno Amimelekiʼmo amitegeʼanaeʼmo anakaemo kotalakemo huʼnaʼae.

Aepa Gemae 22:3

Inagi gotilamiyapiʼmo Emalehamuʼmo he tino ago usiyafeʼmo noki afuʼamo alino alagepa huteno Aisakiʼe neya vekalaʼmo aliʼyaʼamo neʼaliʼa vekalaʼeʼmo apavaleʼniye. Ofalinimo kaesiya atamo lagino aliteno Gotiʼa ha paiʼniya haopalegamo uʼniye.

Aepa Gemae 25:33

Yekopuʼa hunoʼaeʼmo, He, alagi lama gemo nehuvanageʼna afaʼa kamiguve, huka kagoʼyamo ataleteka naha paiyo, huno huʼnigenoʼaeʼmo Isoʼa agoʼyamo ataleteno kamiguve, huno huteno amiʼniye.

Aepa Gemae 26:32

Ani afinakeʼmo Aisaki aliʼyaʼamo neʼaliya vayaʼmo eʼa Aisakifeʼmo ha paiʼapaeʼmo, Mago ani keli kotuʼmo kafiʼnonageno malelino aniʼmo haineʼniye, huʼa ha paiʼnae.

Aepa Gemae 31:44

Inagi egetaʼao. Laʼagaemo kotalakemo hu malegauʼae. Hu maletetaʼaeʼmo mago yafaʼalumo alitaʼa ai malesuʼageno kotalakemo hu malesuʼa getiʼaeʼmo faigoko gemo huno kagaefeʼmo kaha paige nagaefeʼmo naha paige hugiye, huno ha paiʼniye.

Aepa Gemae 31:55

Gotilamiyapiʼmo Lepaniʼa he tino a mafaʼneʼalaʼe agiyoʼamogiʼeʼmo hapaeno neteno alino auleno apateteno apataleno atagineno koʼalegamo uʼniye.

Himulu 6:16

Mago vayaʼmo ago aeno apakaseʼniya vekamo agiʼaletiʼmo lokiya gefatiʼmo huʼnageʼa afiteʼapaeʼmo, vae, huʼa, alagi lama gemo nehae, huteʼa ge noʼnae.

1 Samiyo 14:24

Ani afinaʼmo Soloʼmo ani gemo hunoʼaeʼmo, Hemenitogeʼmo nagaemo kame vayaʼnimogi hosu kavaʼapimo anonaʼapilefeʼmo kayoʼmo apamiguve. Hemenimo neʼyaʼmo oʼneta afaʼa maiʼnigeno yegemo uno lamino faleno. Neʼyaʼmo nesiya vekamo lifana huʼna ategauve, huno huʼniye. Huno huʼniyaʼmofeʼmo magoke vekamoʼmo neʼyaʼmo oʼneʼnigeʼapaeʼmo muki Isaleli vayaʼmo ani kana yaʼmo aliteʼa lokiyaʼapimo ohaneʼniye.

1 Samiyo 20:3

Ha paiʼnigeno Neviniʼmo hunoʼaeʼmo, Ala kava neʼmo alagi afaʼa maige kagaemo afaʼa maige hutana maiʼnaʼana afokamoʼmo aise afinaʼatomo kamitimo namagigiye. Afokamoʼmo kageʼniyana kagaemo nagaefeʼmo kahauʼnigeno kageʼniye. Agaemo hunoʼaeʼmo, Lapakaemo Yonatanifeʼmo ani hisuva kavafeʼmo ha opaiyo. Fiku yanageno aipamoʼmo kana hugiye, huno hapa paiʼniye.

1 Samiyo 30:15

Huno ha paiʼnigeno Neviniʼmo ge huno afinoʼaeʼmo, Kagaemo afaʼa navalelika ani Emaleki vayaʼaitegamo ugapiye, huno ge huno afi geʼnigenoʼaeʼmo, Kagaemo Goti agiʼaletiʼmo polomasi gemo hukaeʼmo, Nagaemo kamitimo okamagige yagaino nekateya vekamo kavaleʼna oʼamige huguve, huka hutegeʼnao, nagaemo kavaleliʼna uguve.