Aepa Gemae 26:3 - The Keyagana NT and 25 OT books

³ Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Aepa Gemae 26:3 ပူးပေါင်းရင်းမြစ်များ

Aepa Gemae 12:7

Ala kava neʼmoʼa Emalemitegamo afole aiteno ina ge huno ha paiʼniye. Nagaemo mani mopamo aliʼna kaginago vayaʼmo apamiguve, huno ha paiʼnigeno Emalemiʼa agaetegamo afole aiʼniya Ala kava netefeʼmo ofalinimo nehaya agufa yafa hiʼyalamuʼmo huʼniye.

Aepa Gemae 13:15

Muki ani ageʼnisana mopamo kagaeʼe kaginago vayaʼeʼmo lapamiguve.

Aepa Gemae 13:17

Inagi he tika muki mopaʼaleʼmo uka haisanategamofi emikesanategamofi visanategamofi esanategamofi huka umenitata huka ageteka alagi kamisuva mopamo ago, huno ha paiʼniye.

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Aepa Gemae 17:19

Gotiʼa, haʼao, huno, Selaʼmo akamoʼmo ve mafaʼne alino ategaiyanagi agiʼamo Aisakiʼae huka ato. Nagaemo agaeʼe agae akamelegati aginago mafaʼneʼamogiʼenagi huʼna muki afinaʼmo hanege hanege huno hanesiya kotalakemo hu malegauve.

Aepa Gemae 17:8

Hemenimo maiʼnana mopamo Kenani nofi vayaʼai mopalekeʼmo kalagaʼmo eka maiʼnane. Hiyaʼmonanafa mani muki mopaʼamo kagaikagi kaginago vayaʼenagi huʼna lapamisugeno alagi lapakaitapi mopamo hanesigeʼna Gotitapimoʼnamo maiguve.

Aepa Gemae 20:1

Emalehamuʼa aniletiʼmo ataleno hoga haopalegamo uno Kanesi taoniʼe Su koʼeʼmo aluga alugamo hanetaʼageno folagapiʼmo aʼamo Selaʼeʼmo maigeʼana halate inaleti atale uʼana Gela taonifiʼmo kalaga hageʼana uʼana kalaga vayaʼmo maiʼnaʼae.

Aepa Gemae 25:11

Inagi Emalehamuʼa ago falitegenoʼaeʼmo Gotiʼa Aisakiʼmo alino auleno ateʼniye. Aisakiʼa Mia Lahai Loi ani keli kotuʼmo haopaleʼmo maiʼniye.

Aepa Gemae 26:12

Aisakiʼa ani mopaleʼmo avina yaʼmo hakaleʼnigeno Ala kava neʼmoʼa ha maeno alino auleno ateʼnigeno neʼyaʼmo hageteno ani kafugafiʼmo magoʼe huno asole neʼyaʼmo afole aiʼniye.

Aepa Gemae 26:14

Agaemo asole sipisipi anagaʼamo maige pulumaka anagaʼamo maige asole aliʼya vayaʼamo maige huʼniyaʼmofeʼmo Filisatini vayaʼmogi apaipa kafa haeʼnae.

Aepa Gemae 26:24

Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Aepa Gemae 31:3

Inagi Ala kava neʼmoʼa Yekopufeʼmo hunoʼaeʼmo, halate uka afokamo kotegamo nofi vayakaʼeʼmo maiʼnegeʼna kagaeʼeʼmo magokepi lokaeʼna maino, huno ha paiʼniye.

Aepa Gemae 35:12

Nagaemo Emalehamuʼe Aisakiʼeʼmo anamiʼnova mopamo hemenimo kagaeʼe kaginago vayaʼeʼmo lapamiguve, huno ha paiteno

Aepa Gemae 39:2

Ala kava neʼmoʼa Yosefeʼeʼmo lokaeno maiʼniyaʼmofeʼmo Yosefeʼa muki huʼniya kavaʼamo alagepa kavaʼageʼmo afole aiʼniye. Aliʼyaʼmo afoʼamoʼmo Isipi nofi vekamo nopiʼmo maiʼniye.

Aepa Gemae 39:21

Kalavusifiʼmo maiʼniyaʼmonanafa Ala kava neʼmoʼa agaeʼeʼmo lokaeno maiʼneno hau huno ateteno ha maeʼniye. Ala kava neʼmoʼa kalavusi nopiʼmo neʼyagaiya vekamoʼmo Yosefefeʼmo hausiya agufa aipa agesamo amiʼniye.

Aepa Gemae 48:21

Isaleliʼa Yosefefeʼmo ha painoʼaeʼmo, nagaemo falisuva kanaʼnimo alagi hogo huʼniye. Hogo huʼniyaʼmonanafa Gotiʼa lapakaeʼeʼmo magokepi lokaeno maiʼneno lapakinago vayaʼai mopaleʼmo halate afaʼa lapavalelino ugiye.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

Samu 105:8

Agaemo muki afinaʼmo agaiʼamo hu maleʼniya kotalake geʼaeʼmo agesamo afiteno oʼataleno akame nehiye. Vayaʼmo afole aite afole aite hume hume neʼvisagenoʼaeʼmo afole aigiye, huno huʼniya geeʼmo age okanino agesamo neʼafiye.

Samu 105:9

Agaemo Emalehamuʼeʼmo kotalakemo hu maleteno Emalehamu mafaʼnemo Aisakifeʼmo ani kavaʼmo huguve, huno hu maleteno Aisaki mafaʼnemo Yekopufeʼmo hanege hanege huno hanesiya kotalakemo hu maleʼniye.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Hatu maeno apate'niya gemae 2:24

Apakaemo aliʼa apamalagiʼnagenoʼaeʼmo Gotiʼa afiteno Emalehamufenagi Aisakifenagi Yekopufenagi huno Kenani kotega mopamo lapamiguve, huno hapa paiʼniya kotalakeʼaeʼmo agesamo afiʼniye.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Hatu maeno apate'niya gemae 6:4

Nagaemo apakaeʼe kotalakemo magokepi hu maleteʼnaeʼmo inagi nagaemo Kenani nofi vayaʼmo kalaga vayaʼmo uʼa maiʼnaya mopamo aliʼna apamiguve, huʼna hapa paiʼnove.

Hatu maeno apate'niya gemae 6:7

Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.

Hatu maeno apate'niya gemae 6:8

Nagaemo Emalehamufenagi Aisakifenagi Yekopufenagi huʼna mopamo lapamiguve, huʼna hapa paiʼnova koteʼmo lapavaleliʼna uʼna ani mopamo lapamisugeno lapakaitapi mopamo hanegaiye. Ala kava neʼmoʼnageʼmae, huka hapa paiyo, huno ha paiʼniye.

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Aiyeya 43:5

Nagaemo lapakaeʼeʼmo magokepiʼmo maiʼnovaʼmofeʼmo koli osiyo. Nagaemo lapakinago vayaʼmo yegemo haine neʼeya haopalegatiʼmo apavaleliʼna ege yegemo uno lamino nefaleya haopalegatiʼmo apavaleliʼna ege huʼna aliʼna anupa huʼna apategauve.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Filipai 4:9

Nagaemo aliʼna lapaya maleʼnogetapa alita lapaipafiʼmo maleʼnaya gemo akame hiyo. Nava gemo afiteta nehuva kavaʼmo ago nageʼnayanagi nakame higenoʼao Gotiʼa laipamo alino falu nehiya kavaʼmo aepa vekamoʼa lapakaeʼeʼmo magokepi lokaeno maino.

Himulu 11:9

Agesamo afino fatago huʼniya kavatetiʼmo Gotiʼa polomasi gemo ha painoʼaeʼmo, mago mopamo kamiguve, huno ha paiʼniya kotegamo alu nofi vayaʼai mopaleʼmo kalaga vekamo seli nopiʼmo maiʼniye. Gotiʼa Emalehamufeʼmo, fikumo kaha maeʼna kamiguve, huno ha paiʼniya polomasi gemo hana paiʼniya vekalaʼmo Aisikiʼe Yekopuʼeʼmo seli noʼapifi noʼapifiʼmo magokepi lokaeʼa maiʼnae.

Himulu 6:17

Ani kavakana huno Gotiʼa lapa maegauve, huno hapa paiʼniya vayaʼmogi huʼapaeʼmo, Gotiʼa halate alu gemo osugiye, huteʼa alagepa huʼa afisayafeʼmo agaiʼa agiʼaletiʼmo agoʼyamo ataleteno huʼniya geʼalefeʼmo agesamo afitenoʼaeʼmo, ani kavaʼmo afaʼa afole aigiye, huno hu maleʼniya geleʼmo alino lokiya vaino ateʼniye.