Aepa Gemae 26:24 - The Keyagana NT and 25 OT books

²⁴ Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 26:24 ပူးပေါင်းရင်းမြစ်များ

Aepa Gemae 13:16

Nagaemo kaginago vayaʼmo ani kahaepagana agufa vayaʼmo aliʼna afole aiʼna apategauve. Apatesuva vayaʼmo ani kahaepamo vayaʼmogimo lekana nopai kava huʼa kaginago vayaʼmo afaʼa lekana opaigae.

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Aepa Gemae 17:7

Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.

Aepa Gemae 17:8

Hemenimo maiʼnana mopamo Kenani nofi vayaʼai mopalekeʼmo kalagaʼmo eka maiʼnane. Hiyaʼmonanafa mani muki mopaʼamo kagaikagi kaginago vayaʼenagi huʼna lapamisugeno alagi lapakaitapi mopamo hanesigeʼna Gotitapimoʼnamo maiguve.

Aepa Gemae 21:17

Inagi Gotiʼa mafaʼne kanomoʼmo aviʼyaʼmo nehigeno afiʼniye. Goti enisole vekaʼamoʼmo kokuʼnapatiʼmo Hegafeʼmo keya aeno ge hunoʼaeʼmo, Na kava higekaeʼmo nehane. Koli osuvo. Gotiʼa mafaʼnekamo maiʼniyategatiʼmo avi neʼateya gemo ago afiʼniye.

Aepa Gemae 22:17

nagaemo aliʼna auleʼna kateʼnaeʼmo aliʼna auleʼna kategauve. Nagaemo kaginago vayaʼmo aliʼna afole aiʼna apatesuva vayaʼmogimo kokuʼnate kanefikana huʼa afole aige ani kahaepagana huʼa afole aige hugae. Kaginago vayaʼmogimo kame vayaʼapimo kamemo huʼa aeʼa apaka seteʼa taoniʼapimo aligae.

Aepa Gemae 22:19

Inagi Emalehamuʼa Aisakiʼmo avalelino aliʼyaʼamo neʼaliʼa neya vekalaʼanitegamo uʼnigeʼa Miyasima kotegamo atagineʼa uʼa ani koteʼmo Emalehamuʼmo alagi maiʼniye.

Aepa Gemae 24:12

Havaetagenoʼaeʼmo Gotifeʼmo hunoʼaeʼmo, Ala kava neʼmo ala vekaʼnimo Emalehamu Gotiʼamogae, huno, Kahao ke hove, kagaemo ala vekaʼnimo Emalehamutegamo alagepa kavaʼmo hisanafeʼmo mani afinaʼmo aliʼyaʼnimo alagepa huka alika afole aika ato.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Aepa Gemae 28:3

Gotiʼa muki lokiyaʼamo haneʼniya vekamoʼmo alino auleno katesigeka asole mafaʼnemo alika apatesanageʼa asole vayaʼmo aliʼa alu aiʼa maigae.

Aepa Gemae 30:27

Lepaniʼa geʼaleʼmo aeno atagaina huno ha painoʼaeʼmo, kahaoke hove, nagaemo kaulagaleʼmo fiku naha maeka namiʼnana kavakamo kahauya huʼna agesuvana nagaeʼeʼmo magokepi lokaeka maigane. Nagaemo ago ageʼnovana kagaemo nagaeʼeʼmo lokaeka maiʼnanaʼmofeʼmo Ala kava neʼmoʼa kagaetefeʼmo alino auleno nateʼnigeʼna ageʼnove.

Aepa Gemae 31:5

Nagaemo ageʼnovana afotanimoʼmo nagaefeʼmo hosu augosa kaliʼnigeʼna ageʼnove. Ageʼnovaʼmonanafa afoʼnimo Gotiʼamoʼmo nagaeʼeʼmo magokepi lokaeno maiʼniye.

Aepa Gemae 39:2

Ala kava neʼmoʼa Yosefeʼeʼmo lokaeno maiʼniyaʼmofeʼmo Yosefeʼa muki huʼniya kavaʼamo alagepa kavaʼageʼmo afole aiʼniye. Aliʼyaʼmo afoʼamoʼmo Isipi nofi vekamo nopiʼmo maiʼniye.

Aepa Gemae 39:3

Aliʼyaʼmo afoʼamoʼmo ageʼniyana Ala kava neʼmoʼa Yosefeʼeʼmo lokaeno maiʼneno ha maeʼnigeno muki huʼniya kavaʼamo alagepa kavaʼageʼmo afole aiʼnigeno ageʼniye.

Aepa Gemae 46:1

Isaleliʼa muki kagemi yaʼamo aliteno afamo anagaʼaʼeʼmo Isipi kotegamo neʼvaya kateʼmo uʼnae. Apakaemo Miyasima taonifiʼmo uʼa avaʼyi huteʼapaeʼmo Isaleliʼa afoʼamo Aisaki Gotiʼamoʼmo mago ofalinimo amiʼniye.

1 Kini 17:13

Huʼniyaʼmonanafa Ilaiyaʼmo ha painoʼaeʼmo, koli osuvo. Nehana agufa kavaʼmo huganaʼmonanafa hogoteka ani falaovafatiʼmo aiseʼamo alika uvelikafiʼmo kaeteka alinikeka namiyo. Henagaʼamo lanakae peleti mayamo kaeka kagaeʼe mafaʼnekaʼeʼmo negaʼae.

Hatu maeno apate'niya gemae 14:13

Moseseʼa Isaleli vayaʼaifeʼmo, koli osiyo, huno hapa paiʼniye. Afaʼa he titapa maiyo. Ala kava neʼmoʼa lapa maeno lapakufamo alino katino lapatesiya kavaʼmo agegae. Hemenimo apakeʼnaya Isipi vayaʼmo halate henagaʼamo alagi magoʼe hutapa oʼapakegae.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Matiyu 22:32

Gotiʼa hunoʼaeʼmo, Emalehamu Gotiʼamoʼnamo maiteʼna Aisiki Gotiʼamoʼnamo maiteʼna Yekopu Gotiʼamoʼnamo maiteʼna huʼnove, huno huʼniye. Agaemo faliʼnaya vayaʼai Gotiʼapimoʼmo oʼmaiʼnifa afaʼa neʼmaiya vayaʼai Gotiʼapimoʼmo maiʼniye, huno hapa paiʼniye.

Luki 12:32

Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Apa 7:32

Kaginago vayaʼmo Emalehamuʼagi Aisikiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa atete hauʼnigeno magoʼe huno agesiyafeʼmo koli huʼniye

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.

Leveleseni 1:17

Ageteʼnaeʼmo faliʼniya vekagana huʼna aiyafiʼmo asagauʼna aiʼna maiʼnogenoʼaeʼmo lamaga ayatetiʼmo nagufaleʼmo maleʼnenoʼaeʼmo, Koli osuvo. Hogote vekamo maiʼneʼnaeʼmo henaga vekamo maiʼnove.

Luti 3:11

Muki mani kote ve aʼnemogimo kagaemo kageʼnayana kanale a kanomo maiʼnane, huʼa ago kageʼnayaʼmofeʼmo koli osuvo. Naha paiʼnana gemo afiʼnovanageʼna kaha paigesuve.