Aepa Gemae 24:53 - The Keyagana NT and 25 OT books

⁵³ Mono hutenoʼaeʼmo apakufaleʼmo neʼvaiya alagepa konali yaʼmo siluva konali yanagi goli konali yanagi alagepa kukena yanagi huno Lipekaʼmo amiʼniye. Amitenoʼaeʼmo asaʼamoʼe itaʼamoʼeʼmo alopa moniletiʼmo miya nefaiya yaʼmo fikumo anamiʼniye.

Aepa Gemae 24:53 ပူးပေါင်းရင်းမြစ်များ

Aepa Gemae 24:10

Aliʼyaʼamo neʼaliya vekamoʼmo teniʼa kamolu anagaʼmo apavaleteno alu ya alu yaʼamo aliteno Mesopatemiya kotegamo Neho taonifiʼmo uʼniye.

Aepa Gemae 24:22

Ani kava huʼa kamolu anagaʼmo aniʼmo ago netagenoʼaeʼmo aliʼyaʼmo neʼaliya vekamoʼmo mago goliletiʼmo alo hu maleʼnaya linimo agoʼyafiʼmo aeno alisiyafeʼmo amiteno lole goli hanalaʼmo alino ayatalateʼmo vaino ateʼniye.

Esala 1:6

Muki Isaleli vayaʼmogi hapaopaleʼmo maiya vayaʼmogimo siluva yafatetiʼmo alo huʼa maleʼnaya yanagi goli yafatetiʼmo alo huʼa maleʼnaya yanagi kagemi yanagi alopa monileʼyaʼmo aeno agaseʼniya yanagi Gotiʼa amisayafeʼmo hapauʼnisiya ofalini yanagi huʼa apamiteʼa apaipamo aliʼa lokiya vaiʼa apateʼnae.

Hatu maeno apate'niya gemae 11:2

Hemenimo kagaemo muki Isaleli vayaʼaifeʼmo hapa paigeʼa Isipi vayaʼmo hapaopaleʼmo maiʼnisaya nopi vayaʼaifeʼmo goli konali yaʼmo lamige siluva konali yaʼmo lamige hiyo, huʼa ge huʼa apafi gegae.

Hatu maeno apate'niya gemae 12:35

Isaleli vayaʼmogimo Moseseʼa hiyo, huno hapa paiʼniya agufa kavaʼmo huʼa Isipi vayaʼaifeʼmo goli yafafenagi siluva yafafenagi kukena yafenagi huʼa ge huʼa apafi geʼnae.

Hatu maeno apate'niya gemae 3:22

Muki aʼne anagatapimogimo hapaopale maiʼnisaya aʼne anagaʼaifeʼmo mago siluva yafafenagi goli yafafenagi kukena yafenagi huʼa ge huʼa apafi gesageʼa lapamisagetapa mafaʼne anagatapiʼe a mafaʼne anagatapiʼeʼmo vaitapa apategae. Ani kavaʼmo hutapa Isipi vayaʼmogi kagemi yaʼmo alinitapa ugae, huno ha paiʼniye.

Salomoni Yokemae 1:10

Muki kayokateʼmo haneʼniya konali yakamoʼa kaugosafiʼmo aeno ha nele. Kagaemo kanale sesumo lugokafiʼmo huka aliʼnanageno alagepa huno aeno ha nele.

Salomoni Yokemae 4:13

Kagae hoyafati yosamoʼmo alagepa alagamo neʼae. Haga atumo neʼaiya yaʼmo nehage. Magoʼaletiʼmo alagepa atumo neʼaiya yaʼmo alo huge haga neʼyaʼmo alo huge laʼnefamo atafi kaeʼnageno halinamo aiʼnigenoʼaeʼmo alagepa atumo neʼaiya laʼnefamo alo huge nehae.