Aepa Gemae 24:3 - The Keyagana NT and 25 OT books

³ Maleʼneka Ala kava neʼmo kokuʼnateʼe ma mopafiʼeʼmo neʼyagaiya Goti agiʼaletiʼmo kagoʼyamo ataleteka naha paigane. Kenani nofi vayaʼai folagapiʼmo maiʼnova vayaʼmogi a mafaʼne anagapatiʼmo mafaʼnekamo aʼmo avaleliʼna oʼmegauve, huka naha paiyo.

Aepa Gemae 24:3 ပူးပေါင်းရင်းမြစ်များ

Aepa Gemae 14:19

Agaemo Emalemifeʼmo alino auleno ateteno ha painoʼaeʼmo, Gotiʼa aeno apaka seno anaga vekamoʼmo muki kokuʼnapi yanagi muki ma mopafi yanagi huno agaiʼa yaʼmo haneʼniya vekamoʼmo alino auleno kateno.

Aepa Gemae 14:22

Huʼniyaʼmonanafa Emalemiʼa Sotomi kini vekaeʼmo ha painoʼaeʼmo, Nagaemo Ala kava neʼmo Gotiʼa aeno apaka seno anaga Gotiʼa muki kokuʼnapi yanagi muki ma mopafi yanagi huno agaiʼa yaʼmo haneʼniya vekalefeʼmo nagoʼyamo ataleʼnaeʼmo,

Aepa Gemae 21:23

Inagi hemenimo kagaemo Goti agiʼaletiʼmo kagoʼyamo ataleteka aigofe kavaʼmo nagaetegamo osuge mafaʼneʼnilegamo osuge naginago vayaʼaitegamo osuge huguve huka huvo. Nagaemo kalaga vekamo kagaetegamo alagepa kavaʼmo huʼnova kava huka nagaetegaʼe mani eka maiʼnana koteʼeʼmo alagepa kavaʼmo huguve, huka naha paiyo, huno huʼniye.

Aepa Gemae 24:7

Ala kava neʼmo kokuʼnapi Gotiʼa konagaʼnimogi mopale afoʼnimo nopatiʼmo navalelino etenoʼaeʼmo agoʼyamo ataleno polomasi gemo naha painoʼaeʼmo, ani mopamo kaginago vayaʼmo apamiguve, huno naha paiʼniye. Agaemo enisole vekaʼamo alino atesigeno uno hogotetesigeka uka mafaʼneʼnimo aʼmo ani kotegatiʼmo avalelika egane.

Aepa Gemae 27:46

Henagaʼamo Lipekaʼa Aisakifeʼmo ha painoʼaeʼmo, Hiti nofi vayaʼmogi a mafaʼnemogi nehaya kavaʼapieʼmo alagaʼmo neʼnahae. Yekopuʼa ani a mafaʼne anagapatiʼmo alisigeʼnaeʼmo nagaemo alagepa huʼna oʼmaiguvanageʼna faliguve, huno ha paiʼniye.

Aepa Gemae 28:1

Aisakiʼa ani gemo afitenoʼaeʼmo Yekopufeʼmo ge huʼnigeno eʼnigenoʼaeʼmo alino auleno atetenoʼaeʼmo, Kenani a mafaʼne anagaʼaipatiʼmo oʼaliyo, huno ha paiʼniye.

Aepa Gemae 28:8

Aisakiʼmo Kenani nofi vayaʼai a mafaʼneeʼmo ohauʼniya kavafeʼmo Isoʼmo ageʼniye.

Aepa Gemae 34:9

Alitesigetapa lagae a mafaʼnemo alige lapakae a mafaʼnemo alige hugune. Lapakaemo a mafaʼnetapimo apavaletapa lamisageta alige lagaemo ani kava huta a mafaʼnetimo apavaleta lapamisunagetapa alige hugune.

Aepa Gemae 38:2

Yutaʼa ani taonifi mago Kenani nofi vekamo agiʼamo Suva a mafaʼnemo agetenoʼaeʼmo alitegeʼana magokepi lokaeʼana maiʼnaʼae.

Aepa Gemae 47:31

Yekopuʼa hunoʼaeʼmo, kagoʼya ataleteka alagi lama gemo nehuve, huka naha paiyo, huno huʼnigeno agoʼyamo ataleteno alagi lama ge nehuve, huno huʼniye. Inagi Isaleliʼa hipaleʼmo maiʼnenoʼaeʼmo ape huʼneno Gotifeʼmo mono huʼniye.

Aepa Gemae 50:25

Yosefeʼa Isaleli mafaʼne anagaʼaifeʼmo hapa painoʼaeʼmo, lapagoʼyamo ataletetapaeʼmo, kayamufakamo alinituta Kenani kotegamo kita ategaune, hutapa naha paiyo. Gotiʼa emineno alagepa huno lapa maesigetapa mani kotetiʼmo nayamufaʼnimo alinitapa ugae, huno hapa paiʼniye.

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Aepa Gemae 6:4

Ani afinanagi henagaʼamo afole aiʼniya afinanagi huʼa Gotiʼa ve mafaʼne anagaʼmogimo ma mopafi a mafaʼneʼapiʼeʼmo magokepi lokaeʼa havaeteʼa alopa apakufaʼe vayaʼmo aliʼa apateʼnae. Apakaemo lokiya apayamufa vayaʼmo maiʼneʼa asole aeto aeto agufa kavakoʼmo huteʼa ala apaki vayaʼmo maiʼnae.

Esala 5:11

Inagi getileʼmo ina ge huʼa aeʼa atagaina huʼnae. Lagaemo Gotiʼa mopaleʼe kokuʼnateʼeʼmo yagaiʼniya vekamo aliʼyaʼamo neʼaluna vayane. Akeyaʼvilagamo yatala afinaʼmo mani mono noʼmo ala kini vekatimoʼmo ki maleʼniya noʼmo halateʼmo nekune.

Samu 115:15

Kokuʼnaʼe ma mopaʼeʼmo alo huʼniya Ala kava neʼmoʼa alino auleno lapateno.

Samu 136:26

O, huʼna, Kokuʼnapiʼmo maiʼniya Gotifeʼmo hao ke heyo. Agaemo muki afinaʼmo hau huno latege latege huno maigiyaʼmofeʼmo hao ke heyo.

Hatu maeno apate'niya gemae 20:7

Lapakaemo Ala kava neʼmo Gotitapimo agiʼaleʼmo fikumo oʼaeyo. Mago vayaʼmogimo agiʼaleʼmo fikumo aesayaʼmoʼmo Ala kava neʼmoʼa kayoʼmo apamigiye.

Hatu maeno apate'niya gemae 34:16

Fiku yanageʼa neya mafaʼne anagatapimogimo ani vayaʼmogi aʼmafaʼnemo alisageʼa ani aʼmafaʼne anagaʼapimogimo anauʼapimogimo apataleʼa kumai heʼa ugekana huʼa aigofe gotigitefeʼmo monoʼmo huteʼa neya mafaʼnetapimo apavaleliʼa ugae.

Aiyeya 45:23

Nagaemo nagiʼniletiʼmo nagoʼyamo ataleteʼna ina gemo huʼnaeʼmo, Fatago gemo nehuva geleʼmo halate mago alu gemo osuguve. Muki vayaʼmogimo nagaetegamo eʼa apaleʼyamo faiʼneʼa apagoʼyamo ataleteʼa polomasi gemo hugae.

Aiyeya 65:16

Gotiʼa oʼapamagiʼniya vayaʼmo ma mopafiʼmo maiʼneʼapaeʼmo apakaiʼapimo alino auleno apatesiyafeʼmo lama geʼageʼmo nehiya Gotiʼa agiʼaletiʼmo apakaiʼapimo aliʼa auleʼa apategae. Ina kava huʼa vayaʼmogimo apagoʼyamo ataleteʼapaeʼmo lama geʼageʼmo nehiya Goti agiʼaletiʼmo gemo hugae. Nagaemo akeyaʼvilagamo hanageke kavaʼapieʼmo nage kaniʼna ataleʼnovaʼmofeʼmo aliʼna auleʼna apategauve.

Sefanaiya 1:5

Nagaemo otu nokatoʼmuleʼmo uʼa haiʼa maiʼneʼa yegelefenagi kailefenagi kanefitefenagi huʼa monoʼmo nehaya vayaʼmo aliʼna hano huʼna apatalegauve. Lole apaipa apakesamo neʼafiya vayaʼmogi nagaefeʼmo mono huteʼa nagiʼnilefeʼmo lama gemo nehuve, huʼa huge aigofe gotiʼa Molekitefeʼmo mono huteʼa agiʼaletiʼmo lama gemo nehuve, huʼa huge nehaya vayaʼmo aliʼna hano huʼna apatalegauve.

1 Kolitiyani 7:39

Inagi mago a kanomoʼmo anauʼamoʼmo ofalino afaʼa maiʼniya afinaʼmo atafauno alagi huno maiʼniye. Anauʼamoʼmo falisigenoʼaeʼmo hatu maeno atesigeno uno hauʼnisiya veleʼmo afaʼa maigiyaʼmonanafa Kalisitini vekalekeʼmo maino.

Himulu 6:16

Mago vayaʼmo ago aeno apakaseʼniya vekamo agiʼaletiʼmo lokiya gefatiʼmo huʼnageʼa afiteʼapaeʼmo, vae, huʼa, alagi lama gemo nehae, huteʼa ge noʼnae.

Yasuva 2:12

Inagi hemenimo lanakaemo Ala kava neʼmo agiʼaletiʼmo lanakoʼyamo ataletana lokiya gefatiʼmo hiʼao. Nagaemo lahana maeʼna alagepa huʼna yagaiʼna lanateʼnova agufa kavaʼmo hutana afamo anagaʼnimo hapa maetana alagepa hutana yagaitana apatesaʼafeʼmo hiʼao. Lanakaemo ani polomasi getanimo alitana lokiya vaitana atesaʼafeʼmo mago alagena yaʼmo namiʼao.

1 Samiyo 20:17

Yonataniʼmo Nevinifeʼmo hau ayamopafiʼmo hauʼniyaʼmofeʼmo Neviniʼmo halate polomasi gemo hisiyafeʼmo ha paiʼniye. Yonataniʼmo agaiʼaeʼmo hauʼniya kava huno Nevinifeʼmo hauʼniye.

1 Samiyo 30:15

Huno ha paiʼnigeno Neviniʼmo ge huno afinoʼaeʼmo, Kagaemo afaʼa navalelika ani Emaleki vayaʼaitegamo ugapiye, huno ge huno afi geʼnigenoʼaeʼmo, Kagaemo Goti agiʼaletiʼmo polomasi gemo hukaeʼmo, Nagaemo kamitimo okamagige yagaino nekateya vekamo kavaleʼna oʼamige huguve, huka hutegeʼnao, nagaemo kavaleliʼna uguve.