Aepa Gemae 24:12 - The Keyagana NT and 25 OT books

¹² Havaetagenoʼaeʼmo Gotifeʼmo hunoʼaeʼmo, Ala kava neʼmo ala vekaʼnimo Emalehamu Gotiʼamogae, huno, Kahao ke hove, kagaemo ala vekaʼnimo Emalehamutegamo alagepa kavaʼmo hisanafeʼmo mani afinaʼmo aliʼyaʼnimo alagepa huka alika afole aika ato.

Aepa Gemae 24:12 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Aepa Gemae 24:21

Neʼnageno aliʼyaʼmo neʼaliya vekamoʼmo ge osuno afaʼa ageno maiʼnenoʼaeʼmo Ala kava neʼmoʼa eʼnova kavaʼmo alagepa huno alino afole aino ateʼnifi oʼateʼnifi, huteno agesa alaʼamo afino maiʼniye.

Aepa Gemae 24:27

Mono hunoʼaeʼmo, Ala vekaʼnimo Emalehamu Ala kava neʼamo Gotifeʼmo aliʼna auleʼna ategauve. Gotiʼa ala vekaʼnimo oʼataleno hau huno atege lama geʼamo alagi akame huge huteno ha maeʼniye. Nagaemo kategamo eʼnogenoʼaeʼmo Ala kava neʼmoʼa kaʼmo alino ho huno nateʼnigeʼna ala vekaʼnimo nofi vayaʼalegamo eʼnove, huno mono huʼniye.

Aepa Gemae 24:42

Hemenimo uneʼmo ani keli kotuteʼmo eʼna avaʼyi huteʼnaeʼmo nunumuʼmo huʼnaeʼmo, Gotiyo, huʼna, Ala vekaʼnimo Emalehamu Ala kava neʼamogae, huʼna, hemenimo alagepa huka visuva kaʼmo alika ho huka nato.

Aepa Gemae 24:48

Ape huʼna maiʼneʼnaeʼmo Ala kava netefeʼmo mono huʼna ala vekaʼnimo Emalehamu Ala kava nefeʼmo aliʼna auleʼna ateʼnove. Agaemo kaʼmo alino ho huno navalelino ala vekaʼnimo aganaʼamo nopiʼmo eʼniyanageno a mafaʼneʼamoʼmo ala vekaʼnimo mafaʼneʼamo aʼmo maigiye.

Aepa Gemae 26:24

Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 27:10

Kaesugeka Afokamoʼmo alinikuka amisanageno netenoʼaeʼmo alino auleno kateteno faligiye, huno ha paiʼniye.

Aepa Gemae 27:20

Ha paiʼnigenoʼaeʼmo Aisakiʼa hunoʼaeʼmo, Mafaʼneʼnimogae, huno, haiya kava huka malage huka haeka alinika eʼnane, huno afi geʼnigenoʼaeʼmo, Ala kava neʼmo Gotikamokeʼmo naha maeteno nagaetegamo alino ateʼnigeno eʼnigeʼnaeʼmo haeʼnove, huno ha paiʼniye.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 31:42

Naginago vekamo Emalehamu Gotiʼamoʼe afoʼnimo Aisaki Gotiʼamoʼeʼmo nagaeʼeʼmo magokepi lokaeno oʼmaiʼniyesinana ago alika natalesanageʼna nagufaʼageʼmo uʼnovesine. Gotiʼa nagaemo naipa kana huʼniya kavaʼnimo ago nagege lokiya aliʼyaʼmo aliʼnova kavaʼmo agege hutenoʼaeʼmo ega haniʼilagamo kagaefeʼmo lokiya ge huno ge kahauʼniye, huno ha paiʼniye.

Aepa Gemae 32:10

Kagaemo aliʼyakamo neʼaluva vekamoʼnaeʼmo kahau huka natege naha maege lama gemo alika nave lige huʼnana kavapiʼmo uʼna haiʼna metaleʼnove. Nagaemo hogoteʼna Yoneni aniʼmo lakaeʼna uʼnova afinaʼmo mago yaʼnimo oʼaliʼnovaʼmonanafa hayopa kayoʼnigeʼmo aliniʼna uʼnove. Aliniʼna uʼnovaʼmonanafa hemenimo halate eʼnova afinaʼmo lole alulaʼmo afole aiʼnone.

Aepa Gemae 32:9

Yekopuʼa ina ge huno nunumuʼmo huʼniye. O Gotiyo, huno, Emalehamuʼa naginago vekamo Gotiʼamogaʼe afoʼnimo Aisaki Gotiʼamogaʼeʼmo Ala kava neʼmogamo naha paikaeʼmo, halate kokalegaʼe vayakalegaʼeʼmo uka mainegeʼna alagepa huʼna yagaiʼna kateno, huka naha paiʼnane.

Aepa Gemae 43:14

Nunumu nehuva geʼnimo haneʼniyana muki lokiyaʼamo haneʼniya Gotiʼa ani vekamo aipa agesamo alino he tino atesigeno hau huno lapatetenoʼaeʼmo Simiyoniʼe Menisemaniʼeʼmo afaʼa anatesigeʼana nagaetegamo egaʼae. Mafaʼneʼnimo afela hesayaʼmoʼmo kanalene afaʼa afela hegaiye, huno huʼniye.

1 Kini 18:36

Uneʼmo ofalinimo nehaya kanaleʼmo Gotitegati gemo alinineno aeno hakalo nehiya vekamo Ilaiyaʼmo uno yafa hiʼyalamuʼmo haopaleʼmo nunumuʼmo hunoʼaeʼmo, Ala kava nene, huno Emalehamuʼagi Aisakiʼagi Isaleliʼagi huka Gotiʼapimogamo kagaikageʼmo maiʼnekaeʼmo, nagaemo Isaleli vayaʼmogi Gotiʼapimoʼnamo maiʼnove, huka alika apave liyo. Nagaemo aliʼyakamo neʼaluva vekamo maiʼneʼna kagae gegeʼmo akame huʼna ani muki kavaʼmo huʼnovanagi agesayafeʼmo alika apave liyo.

2 Kini 2:14

Agaemo Ilaiya alolokukana kukena yaʼaletiʼmo aniteʼmo neʼamaginoʼaeʼmo, Ala kava neʼmo Ilaiya Gotiʼamoʼmo haiyaʼaleʼmo maiʼniye, huno huʼniye. Malage huno aniʼmo aino akaka vaeno lole huʼnigeno Ilaisaʼmo mugagayaga faligamo uʼniye.

Samu 118:25

Aukaya huta ge hutaeʼmo, O Ala kava nene, huta, lagufamo alika katika lato. O Ala kava nene, huta, laha maegenoʼao aliʼyatimoʼmo alagepa huno afole aino, huta aukaya huta ge nehune.

Samu 122:6

Yulusalemu vayaʼmo alagepa huʼa maiʼa haga lesayafeʼmo nunumuʼmo hutapa apateyo. Yulusalemu taonieʼmo hapauʼnisiya vayaʼmogimo alagepa huʼa maiyo.

Samu 127:1

Ala kava neʼmoʼa hapa oʼmaesiyaʼmoʼmo noʼmo nekiya vayaʼmogimo afa aliʼyakeʼmo aliteʼa noʼmo okigae. Ala kava neʼmoʼa hapa oʼmaesiyaʼmoʼmo taonifiʼmo yagaiʼnaya vayaʼmogi afaʼageʼmo yagaiʼnisagenoʼaeʼmo taonifiʼmo hosu kavaʼmo afole aigiye.

Samu 37:5

Lapakaemo lapakesamo afitapaeʼmo lagaetegamo na agufa kavaʼmo afole aigifi, hutapa lapakesamo afisaya kavafeʼmo Ala kava nefeʼmo alitapa amufa amigenoʼa lapa maeno.

Hatu maeno apate'niya gemae 3:15

Ha paiteno Gotiʼa magoʼe gemo ha painoʼaeʼmo, Ala kava neʼmo laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo alino nateʼnigeʼna lapakaetegamo eʼnove, huka hapa paiyo. Mani nagiʼnimo hanege hanege huno haneʼnisigeʼa henagaʼamo lapakinago vayaʼmo afole aisaya vayaʼmogimo ani nagigeʼmo aegae.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Mai'naya kavane 3:6

Muki kavaʼamo nehukaeʼmo Ala kava nefeʼmo kagesa alaʼamo afigenoʼao muki kaʼmo alino ho huno kategaiye.

Matiyu 22:32

Gotiʼa hunoʼaeʼmo, Emalehamu Gotiʼamoʼnamo maiteʼna Aisiki Gotiʼamoʼnamo maiteʼna Yekopu Gotiʼamoʼnamo maiteʼna huʼnove, huno huʼniye. Agaemo faliʼnaya vayaʼai Gotiʼapimoʼmo oʼmaiʼnifa afaʼa neʼmaiya vayaʼai Gotiʼapimoʼmo maiʼniye, huno hapa paiʼniye.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.