Aepa Gemae 24:1 - The Keyagana NT and 25 OT books

¹ Emalehamuʼa ago kosuna leʼniye. Ala kava neʼmoʼa Emalehamuʼmo muki yaʼmo alagepa huno alino auleno ateʼniye.

Aepa Gemae 24:1 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 18:11

Emalehamuʼe Selaʼeʼmo ago anau anekalomo leʼnaʼaʼmofeʼmo Selaʼa mafaʼnemo alino atesiya kanaʼamo ago hano huʼniye.

Aepa Gemae 21:5

Emalehamuʼa vani hataletiʼa kafugamo maiʼnigenoʼaeʼmo Selaʼa Aisakiʼmo alino ateʼniye.

Aepa Gemae 24:35

Ala kava neʼmoʼa ala vekaʼnimo magoʼe huno haʼmaeteno alino auleno ateʼnigeno ala agi vekamo hamaleʼniye. Ala kava neʼmoʼa asole yaʼmo sipisipigi memegi pulumakagi siluva yafanagi goli yafanagi aliʼyaʼamo neʼaliya ve aʼnegi kamolugi nokigi huno amiʼniye.

Aepa Gemae 25:20

Aisakiʼa fotiʼa kafugamo maitenoʼaeʼmo aʼamo Lipekaʼmo aliʼniye. Lipeka afoʼamoʼmo Metuveliʼa Siliya nofi vekamo Pata Alami kotegamo maiʼniya vekamo a mafaʼnemae. Lipeka asaʼamoʼmo Lepaniʼeʼmo Siliya nofi vekamae.

Aepa Gemae 26:12

Aisakiʼa ani mopaleʼmo avina yaʼmo hakaleʼnigeno Ala kava neʼmoʼa ha maeno alino auleno ateʼnigeno neʼyaʼmo hageteno ani kafugafiʼmo magoʼe huno asole neʼyaʼmo afole aiʼniye.

Aepa Gemae 49:25

Afokamo Gotiʼamoʼmo alagepa huno kaha maegaiye. Lokiyaʼamo haneʼniya Gotiʼa alagepa huka maisanafeʼmo alino auleno kategaiye. Anaga kokuʼnapatiʼmo alagepa huno kaha maesiya yaʼmo kamige afepilagatiʼmo alagepa huno kaha maesiya yaʼmo afole aige aʼne anagatapimogi nuʼapimo alino alagepa huge apaipamo alino alagepa huge husigeʼa asole mafaʼnemo aliʼa apatesageʼa alagepa huʼa maige hugae.

Mai'naya kavane 10:22

Ala kava neʼmoʼa alino auleno apateʼniya vayaʼmo kagemi yaʼapiʼe vayaʼmo maigae. Agaemo kana yaʼeʼmo magokepi alino lokaeno noʼapamiye.

Aiyeya 51:2

Lapakaemo afotapimo Emalehamuʼe alino lapateʼniya a kanomo Selaʼefeʼmo lapakesamo afiyo. Nagaemo Emalehamuʼamo lekana paiʼna ateteʼna agaefekeʼmo keya aeʼna ge huteʼna huʼna auleʼna ateteʼnaeʼmo asole kaginago vayaʼmo maigae, huʼna ha paiʼnogeʼa afole aiʼnae.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Luki 1:7

Maiʼnaʼaʼmonanafa Ilisameteʼmo anamo aʼmogeno mafaʼnemo alino oʼateʼnigeʼana ago anau anekalomo leteʼana maiʼnaʼae.

Galesiya 3:9

Ha paiʼniyaʼmofeʼmo Gotiʼa agesamo afino fatago huʼniya vekamo Emalehamuʼe apakesamo afiʼa fatago nehaya vayaʼeʼmo magoke agufa kava huʼa aulena vayaʼmo maiʼnae.

Efasasi 1:3

Lagaemo Gotiʼa alita auleta ategetao. Agaemo Ala kava netimo Yesu Kalaisi Gotiʼamoʼmo maige Afoʼamoʼmo maige huʼniye. Lagaemo Kalaisipiʼmo maiʼnonagenoʼaeʼmo agaemo muki aulena yaʼamo kokuʼnapatiʼmo launelameʼmo ha maesiya yatetiʼmo ago alino auleno lateʼniye.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.