Aepa Gemae 23:6 - The Keyagana NT and 25 OT books

⁶ Ala vekae, huʼa, getimo afiyo. Kagaemo hogote lokiya vekamo lagaeteʼmo vayatama vekamo maiʼnanaʼmofeʼmo lagae mopaleʼmo alagepa kanolufiʼmo afaʼa kika ategane. Haiya mopale kanoluʼmo aliguve, huka hisapi ani kanoluʼmo afoʼamoʼmo afaʼa kamisigeka akamo kika ategane, huʼa ha paiʼnae.

Aepa Gemae 23:6 ပူးပေါင်းရင်းမြစ်များ

Aepa Gemae 14:14

Emalemiʼa, aganaʼamo mafaʼnemo atafauʼa avaleliʼa uʼnaya kavafeʼmo ava gemo afitenoʼaeʼmo inagi aliʼyaʼamo neʼaliya vayaʼmo 318ʼa vayaʼaifeʼmo keya aegeʼa ageno kamemo hisayafeʼmo kame hisaya yaʼmo apamitegeʼa aliniʼa Nani taonifiʼmo uʼnae.

Aepa Gemae 18:12

Huʼniyaʼmofeʼmo Sela aipafiʼmo kigi nehunoʼaeʼmo, nagaemo ago anekalomo maiʼnovanageʼna nagufaeʼmo namogaga aisufiye. Ani kavakeʼmo huno kava vekaʼniʼeʼmo ago kosunamo leʼniyaʼmofeʼmae, huno huʼniye.

Aepa Gemae 20:7

Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Aepa Gemae 21:22

Ani afinaʼmo Amimelekiʼe Faikoʼmo ami vayaʼaleʼmo yagaino neʼapateya vekaʼeʼmo eʼana Amimelekiʼa Emalehamufeʼmo hunoʼaeʼmo, Gotiʼa kagaeʼeʼmo maiʼnigeka muki kavaʼamo nehane.

Aepa Gemae 23:5

Hiti mafaʼne anagaʼmogimo Emalehamu geʼaleʼmo aeʼa atagaina huʼapaeʼmo,

Aepa Gemae 23:7

Inagi Emalehamuʼa ani gemo afitenoʼaeʼmo mopa aepa vayaʼmo Hiti mafaʼne anagaʼai apaulagaleʼmo he tino maiʼneno ape huʼniye.

Aepa Gemae 24:18

Huʼnigeno Lipekaʼa hunoʼaeʼmo, ala vekae, huno, afaʼa alika no, huteno malage huno yafa ani keʼmo agiʼnale kofino aliʼniyatetiʼmo afepaino ayate aliʼneno aniʼmo amiʼnigeno neʼniye.

Aepa Gemae 24:35

Ala kava neʼmoʼa ala vekaʼnimo magoʼe huno haʼmaeteno alino auleno ateʼnigeno ala agi vekamo hamaleʼniye. Ala kava neʼmoʼa asole yaʼmo sipisipigi memegi pulumakagi siluva yafanagi goli yafanagi aliʼyaʼamo neʼaliya ve aʼnegi kamolugi nokigi huno amiʼniye.

Aepa Gemae 31:35

Lesoʼa afoʼamofeʼmo hunoʼaeʼmo, kahaoke hovanagi, ge oʼnahauvo. Aʼne anagaʼmo nehapaiya kaitaʼmo neʼnahaiyaʼmofeʼmo he otiguve, huno huʼnigeno afoʼamoʼmo kahauya huʼniyanagi alagi oʼageʼniye.

Aepa Gemae 32:18

Kagaemo aliʼyakamo neʼaliya vekamo Yekopu afumo maiʼnayana Yekopuʼmo ala vekaʼamogamo fikumo kaha maeno kamiʼniya afue. Yekopuʼmo henaga neʼe, huka ha paiyo, huno ha paiʼniye.

Aepa Gemae 42:10

Huno huʼnigeʼapaeʼmo, haʼao, Ala vekae, huʼa, aliʼyakamo neʼaluna vayakamo maiʼneta neʼyaʼmo miya faisunafekeʼmo eʼnone.

Aepa Gemae 44:5

Lapakaemo ani aliʼnaya kapumo ala vekaʼnimoʼmo aniʼmo neʼneya kapumo ku ailitapa eʼnae. Ani kapuletiʼmo lageso huʼniya yaʼmo neʼage kapumae. Lapakaemo lusi hosu kavaʼmo huʼnae, huka hapa paiyo, huno ha paiʼniye.

Aepa Gemae 44:8

Afiyo, huʼna, kagaemo ageʼnanageta lagae kuʼmo avayaleʼmo haneʼnigeta aliʼnona monimo Kenani kotegatiʼmo halate aliniteta lapamiʼnone. Lapamiʼnonaʼmofeʼmo haiya kava huta ala vekakamo nopatiʼmo siluvamofi golimofi huta kumayaʼmo aligune.

Hatu maeno apate'niya gemae 32:22

Eloniʼa hunoʼaeʼmo, Ala neʼnimogae, huʼna, kaipamo leka oʼnato. Kagaemo mani vayaʼmogi hosu kavaʼmo hisayafeʼmo hapauʼniya vayaʼmo maiʼnageka ago apakeʼnane.

Aiyeya 45:14

Ala kava neʼmoʼa ina gemo hunoʼaeʼmo, Isipi vayaʼmogi aliʼyaʼapilefeʼmo moniʼapimo alige Kusi vayaʼmogi kagemi yaʼapimo alige hutapa maisageʼa Sepiyani kotega yatala vayaʼmogimo aliʼyatapimo aligae. Apakaemo seliletiʼmo kiʼa apatesageʼa lapakame huʼa eʼa apaleʼyamo faiʼneʼapaeʼmo, Lama gemo hutaeʼmo, Gotiʼa lapakaepiʼmo maiʼniye. Agaemo magokeʼageʼmo alagi Gotiʼa maiʼnigeno magoʼe huno alu gotiʼmo oʼmaiʼniye, huʼa nunumuʼmo hugae.

Luti 2:13

Ha paiʼnigeno Lutiʼa hunoʼaeʼmo, Nagaemo ina agufa a kanomo maiʼneʼna kagae aliʼyaʼmo noʼaluva a kanomo maiʼnovaʼmonanafa kaipamoʼmo falu huka nateʼnane. Aise gemo nehana geʼmoʼmo alika lokiya vaika neʼnatane, huno ha paiʼniye.