Aepa Gemae 22:18 - The Keyagana NT and 25 OT books

¹⁸ Geʼnimo akame huʼnanaʼmofeʼmo kaginago mafaʼnekafatiʼmo muki ma mopafi nofi vayaʼmo aliʼna auleʼna apategauve, huno ha paiʼniye.

Aepa Gemae 22:18 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 12:3

Kaha maesaya vayaʼmo aliʼna aulena apategauve. Lifana huʼa katesaya vayaʼmo lifana huʼna apategauve. Kagaetetiʼmo muki ma mopafi nofi vayaʼmo auleʼna vayaʼmo maigae, huno ha paiʼniye.

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Aepa Gemae 22:10

Inagi Emalehamuʼa haginamo alino mafaʼneʼamo lugoʼamo hatagausiyafeʼmo huʼniyaʼmonanafa

Aepa Gemae 22:3

Inagi gotilamiyapiʼmo Emalehamuʼmo he tino ago usiyafeʼmo noki afuʼamo alino alagepa huteno Aisakiʼe neya vekalaʼmo aliʼyaʼamo neʼaliʼa vekalaʼeʼmo apavaleʼniye. Ofalinimo kaesiya atamo lagino aliteno Gotiʼa ha paiʼniya haopalegamo uʼniye.

Aepa Gemae 28:14

Kaginago vayaʼmogimo ani kahaepagana vayaʼmo afole aiteʼa ma mopafi muki haopalegamo yegemo haine neʼeya kotegagi uno lamino nefaleya kotegagi hoga haopalegagi lamaga haopalegagi huʼa aiʼa atagu faeʼa maigae. Gotiʼa kagaetetiʼe kaginago vayaʼaitetiʼeʼmo muki ma mopafi nofi vayaʼaifeʼmo aliʼna auleʼna apategauve.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Hatu maeno apate'niya gemae 7:6

Ala kava neʼmoʼa Moseseʼe Eloniʼefeʼmo hana paiʼniya gemo alagi akame huʼana huʼnaʼae.

Matiyu 1:1

Yesu Kalaisiʼa Nevini aginago vekamo maiʼnigeno Neviniʼa Emalehamu aginago vekamo maiʼniye. Yesu Kalaisi aginago vayaʼai apakiʼapimo haneʼniye.

Apa 3:25

Lapakaemo Gotitegati gemo alini eʼa aeʼa hakalo huʼa hapa nepaiya vayaʼai apakinago vayaʼmo maiʼnae. Gotiʼa kotalakemo lapakinago vayaʼaifekeʼmo osuʼnifa lapakaeʼefeʼmo huʼniye. Gotiʼa kotalakemo Emalehamufeʼmo hunoʼaeʼmo, Nagaemo kaginago vekaletiʼmo muki ma mopafi vayaʼmo aliʼna auleʼna apategauve, huno huʼniyaʼmofeʼmo

Lomu 1:3

Mani gemo mafaʼneʼamo Ala kava netimo Yesu Kalaisifeʼmo ava gemo haneʼniye. Agaemo ma mopafi maiʼniya kavatefeʼmo mago a kanomo Nevini aginagoʼamoʼa alino ateʼniye.

Galesiya 3:16

Inagi Gotiʼa Emalehamufeʼmo, fikumo kaha maegauve, huno ha paiʼniya polomasi gemo aginago vekaeʼmo, kaha maegauve, huno ha paiʼniye. Gotiʼa Emalehamu aginago vayaʼaifeʼmo ani gemo hapa opaiʼnifa magoke aginago vekaeʼmo ani gemo ha paiʼniye. Ani magoke aginago vekamo Kalaisiʼmae.

Galesiya 3:18

Vayaʼmogi Goti keʼaepa geʼamo akame nehaya kavatetiʼmo Gotitegatiʼmo aligae, huno hu maleʼniya yaʼmo aliʼnaesinana Gotiʼa fikumo kaha maeʼna kamiguve, huno ha paiʼniya polomasi geʼaletiʼmo afaʼa oʼaliʼnaesinaʼmonanafa Gotiʼa Emalehamufeʼmo, fikumo kaha maeʼna kamiguve, huno ha paiʼniya polomasi geletiʼmo fikumo ha maeno amiʼniye.

Efasasi 1:3

Lagaemo Gotiʼa alita auleta ategetao. Agaemo Ala kava netimo Yesu Kalaisi Gotiʼamoʼmo maige Afoʼamoʼmo maige huʼniye. Lagaemo Kalaisipiʼmo maiʼnonagenoʼaeʼmo agaemo muki aulena yaʼamo kokuʼnapatiʼmo launelameʼmo ha maesiya yatetiʼmo ago alino auleno lateʼniye.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.