Aepa Gemae 22:16 - The Keyagana NT and 25 OT books

¹⁶ Nagaemo nagoʼyamo ataleteʼna nagiʼniletiʼmo lama gemo nehuve. Kagaemo magoke mafaʼnekamogeka afaʼa agegeka oʼateka ani kavaʼmo huʼnanaʼmofeʼmo

Aepa Gemae 22:16 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

Aepa Gemae 22:15

Inagi Ala kava neʼmo enisole vekaʼamoʼmo kokuʼnapatiʼmo Emalehamufeʼmo halate ha painoʼaeʼmo,

Aepa Gemae 22:2

Huno huʼnigenoʼaeʼmo inagi Gotiʼa ha painoʼaeʼmo, magoke mafaʼnekamo lusi kava huno kahau kayamopafiʼmo kahauʼniya mafaʼnekamo Aisakiʼmo Molaiya haopalegamo avalelikugeʼna mago aveeʼmo kaha paiguve. Ani aveleʼmo kagaemo Aisakiʼmo amagika atafiʼmo kaeka ofalinimo namigane, huno ha paiʼniye.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Aepa Gemae 26:5

Emalehamuʼa geʼnimo afige huvo, huʼna huʼnova gemo akame huge keʼaepa geʼnimo akame huge huno maiʼniyaʼmofeʼmae.

Samu 105:9

Agaemo Emalehamuʼeʼmo kotalakemo hu maleteno Emalehamu mafaʼnemo Aisakifeʼmo ani kavaʼmo huguve, huno hu maleteno Aisaki mafaʼnemo Yekopufeʼmo hanege hanege huno hanesiya kotalakemo hu maleʼniye.

Hatu maeno apate'niya gemae 17:16

Ala kava neʼmoʼa agoʼyamo ataletenoʼaeʼmo Amaleki vayaʼmogimo yagaino neʼapateya Isaleli vayaʼeʼmo kamemo huʼnayaʼmofeʼmo Ala kava neʼmoʼnamo afole aite afole aite hisaya Amaleki vayaʼeʼmo kamemo hute hute huguve, huno huʼniyaʼmofeʼmo ani hiʼyalamuʼmo huteno ani agimo ateʼniye.

Hatu maeno apate'niya gemae 2:24

Apakaemo aliʼa apamalagiʼnagenoʼaeʼmo Gotiʼa afiteno Emalehamufenagi Aisakifenagi Yekopufenagi huno Kenani kotega mopamo lapamiguve, huno hapa paiʼniya kotalakeʼaeʼmo agesamo afiʼniye.

Hatu maeno apate'niya gemae 32:13

Kagaemo aliʼyakamo aliʼnaya vayaʼmo Emalehamufenagi Aisakifenagi Yekopufenagi huka kagesamo afiyo. Kagaemo kagikaletiʼmo kagoʼyamo ataleteka hukaeʼmo, Nagaemo asole mafaʼnetapimogi aliʼa apatesaya mafaʼnemogi kokuʼnapi haneʼniya kanefikana huʼa maisaya mafaʼnemo aliʼna afole aiʼna apatesugeʼa uʼa ani lapamiguve, huʼna huʼnova koteʼmo muki afinaʼmo maige maige huʼa maigae, huka huʼnane, huno huʼnigenoʼaeʼmo

Aiyeya 45:23

Nagaemo nagiʼniletiʼmo nagoʼyamo ataleteʼna ina gemo huʼnaeʼmo, Fatago gemo nehuva geleʼmo halate mago alu gemo osuguve. Muki vayaʼmogimo nagaetegamo eʼa apaleʼyamo faiʼneʼa apagoʼyamo ataleteʼa polomasi gemo hugae.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Luki 1:73

Gotiʼa laginago vekamo Emalehamufeʼmo lama gemo huno agoʼyamo ataleno ge hugekana agufa kavafeʼmo agesamo afiteno laha maeʼniye.