Aepa Gemae 22:11 - The Keyagana NT and 25 OT books

¹¹ Ala kava neʼmo enisole vekaʼamoʼmo kokunapatiʼmo ge hunoʼaeʼmo, Emalehamuo, Emalehamuo, huno keya aeno ge huʼnigeno Emalehamuʼa, maiʼnove, huno ha paiʼniye.

Aepa Gemae 22:11 ပူးပေါင်းရင်းမြစ်များ

Aepa Gemae 16:7

Hegaʼa mago kaʼmo Su haopalega uʼniya kateʼmo uno vayaʼmo oʼmaiʼnaya haopalega maiʼnigeno Ala kava neʼmoʼa enisole vekaʼamoʼmo mago meti aniʼmo aeno latino haine neʼeya yateʼmo agaetegamo afole aiʼniye.

Aepa Gemae 21:17

Inagi Gotiʼa mafaʼne kanomoʼmo aviʼyaʼmo nehigeno afiʼniye. Goti enisole vekaʼamoʼmo kokuʼnapatiʼmo Hegafeʼmo keya aeno ge hunoʼaeʼmo, Na kava higekaeʼmo nehane. Koli osuvo. Gotiʼa mafaʼnekamo maiʼniyategatiʼmo avi neʼateya gemo ago afiʼniye.

Aepa Gemae 21:18

He tikuka mafaʼnekamo kayate avaleka alika asagauvo. Nagaemo agaepatiʼmo magoke apaki vayaʼmo asole vayaʼmo aliʼna afole aiʼna apategauve, huno ha paitenoʼaeʼmo

Aepa Gemae 22:1

Henagaʼamo ani kavaʼmo akamelegaʼamo Gotiʼa Emalehamuʼmo amalageka huʼniye. Agaefeʼmo keya aeno ge hunoʼaeʼmo, Emalehamuo, huno huʼnigenoʼaeʼmo Emalehamuʼa, maiʼnove, huno huʼniye.

Aepa Gemae 22:10

Inagi Emalehamuʼa haginamo alino mafaʼneʼamo lugoʼamo hatagausiyafeʼmo huʼniyaʼmonanafa

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

Aepa Gemae 22:16

Nagaemo nagoʼyamo ataleteʼna nagiʼniletiʼmo lama gemo nehuve. Kagaemo magoke mafaʼnekamogeka afaʼa agegeka oʼateka ani kavaʼmo huʼnanaʼmofeʼmo

Aepa Gemae 24:7

Ala kava neʼmo kokuʼnapi Gotiʼa konagaʼnimogi mopale afoʼnimo nopatiʼmo navalelino etenoʼaeʼmo agoʼyamo ataleno polomasi gemo naha painoʼaeʼmo, ani mopamo kaginago vayaʼmo apamiguve, huno naha paiʼniye. Agaemo enisole vekaʼamo alino atesigeno uno hogotetesigeka uka mafaʼneʼnimo aʼmo ani kotegatiʼmo avalelika egane.

Aepa Gemae 31:11

Ageʼnogenoʼaeʼmo Goti enisole vekaʼamoʼa naha painoʼaeʼmo, Yekopuo, huno huʼnigeʼna, ove maiʼnove, huʼna hugenoʼaeʼmo naha painoʼaeʼmo.

Aepa Gemae 37:13

Inagi Isaleliʼa Yosefefeʼmo hunoʼaeʼmo, Nepukamogimo Sekemi kotega sipisipileʼmo yagaiʼa maiʼnegae. Egeʼnao aliʼna katesugeka uka apakegane, huno huʼnigeno Yosefeʼa hunoʼaeʼmo, ove, afoʼnimo maiʼnove, huno huʼniye.

Aepa Gemae 46:2

Amiʼnigenoʼaeʼmo haniʼilagamo Gotiʼa Yekoputegamo alagamuna agegekana huno afole aiteno, Yekopuvo, Yekopuvo, huno ge huʼnigeno Yekopuʼa hunoʼaeʼmo, ove maiʼnove, huno huʼniye.

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Hatu maeno apate'niya gemae 3:2

Ala kava neʼmo enisole vekaʼamo mago aise yosafiʼmo atamo nelegeno ani ata vaipiʼmo afole aiʼnigeno Moseseʼa ageʼniye. Ageʼniyana atamo ani yosafiʼmo leʼniyaʼmonanafa ani yosamo leno saga oliʼniye.

Hatu maeno apate'niya gemae 3:4

Ala kava neʼmoʼa ani yosafatiʼmo Moseseʼmo ageno maiʼnigenoʼaeʼmo ani yosamo agesiyafeʼmo kaʼmo ataleno aniyateʼmo eʼnigenoʼaeʼmo, Moseseyo, Moseseyo, huno huʼnigeno, ove, huno huʼnigenoʼaeʼmo

Aiyeya 6:8

Nagaemo Ala kava neʼmoʼa ge huʼnigeʼna afiʼnove. Ina gemo hunoʼaeʼmo, Ina laʼmo aliʼna atesugeno ugiye. Ina laʼmo laha maeno geʼnimo alinino ugiye, huno huʼnigeʼna afiteʼnaeʼmo, Nagaemo manileʼmo maiʼnovanagi alika nategeʼna vino, huʼna ha paiʼnove.

Apa 26:14

Mago vekamoʼmo Himulu gefatiʼmo hunoʼaeʼmo, Solo, Solo, huno, Na kava higeka kaini huka neʼnatane. Pulumakamoʼa aliʼya alinino visiyafeʼmo neʼyagaiya vekamoʼmo agufafiʼmo akoʼya kayotetiʼmo nefaigeno aiyaletiʼmo aeno fayo nehisigenoʼaeʼmo magoʼe huno agafu kigiye. Ani kava huka akoʼya kayoteʼmo aika lanu nepaine, huno naha paiʼniye.

Apa 9:4

Agetenoʼaeʼmo mopafiʼmo asagauno aino agoʼya faino maiʼnigenoʼaeʼmo, Solo, Solo, huno, Na kava higekaeʼmo nagaefeʼmo kaini huka neʼnatane, huno ha paiʼnigenoʼaeʼmo,

1 Samiyo 3:10

Ala kava neʼmo eno he tiʼnenoʼaeʼmo hogoteno agaefeʼmo ge huʼniya agufa gemo huno, Samiyo, Samiyo, huno ge huʼniye. Samiyoʼa geʼaleʼmo aeno atagaina huno, Aliʼyakamo neʼaluva vekamoʼnamo afiʼnovanagi huvo, huno ha paiʼniye.

1 Samiyo 3:4

Inagi Ala kava neʼmoʼa Samiyofeʼmo ge hunoʼaeʼmo, Samiyo, huno huʼnigeno ve, huno, nagaemo maiʼnove, huno huʼniye.