Aepa Gemae 21:9 - The Keyagana NT and 25 OT books

⁹ Selaʼmo ageyana Isipi a kanomo Hega mafaʼnemoʼmo Aisakiʼmo huno ami maleteno kigi huno ateʼnigeno ageʼniye.

Aepa Gemae 21:9 ပူးပေါင်းရင်းမြစ်များ

Aepa Gemae 16:1

Emalemi aʼamo Selaiʼa mafaʼnemo alino oʼateʼniye. Selai aliʼyaʼamo neʼaliya a mafaʼnemo Isipi kotega a mafaʼnemo agiʼamo Hegaʼae.

Aepa Gemae 16:15

Henagaʼamo Hegaʼa Emalemi ve mafaʼnemo alino ateʼniye. Emalemiʼa agiʼamo Isameliʼae huno ateʼniye.

Aepa Gemae 17:20

Hu malegauvaʼmonanafa Isamelitefeʼmo huʼnana gekamo ago afiʼnove. Nagaemo aliʼna auleʼna ateʼnovanageno asole mafaʼnemo alagi magoʼe huno alino apategaiye. Agaemo tuolofuʼa nofi vayaʼai afoʼapimogimo alino apategaiyanageʼna ago alagi alopa nofi vayaʼmo aliʼna hamaleʼna ategauve.

Aepa Gemae 21:8

Ani mafaʼnemo ago kosino alopa hetenoʼaeʼmo nuʼmo mo nesigenoʼaeʼmo ani afinaʼmo Emalehamuʼa alopa neʼyaʼmo yagita huno ateʼniye.

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Samu 22:6

Huʼnayaʼmonanafa nagaemo vayakana huʼna oʼmaiʼnofa hagifagana huʼna maiʼnogeʼapaeʼmo ina agufa vekamo maiʼniye, huʼa huteʼa apakameʼyamo neʼnamiye.

Samu 42:10

Geʼapiletiʼmo keveletiʼmo neʼnahaya kava huʼa Gotikamoʼmo haiyateʼmo maiʼniye, huʼa huteʼa huʼa faipa huʼa neʼnatae.

Mai'naya kavane 20:11

Vayaʼmogimo kavaʼapimo ageteʼapaeʼmo alagepa vayaʼmo maiʼnae, huʼa apakege hosu vayaʼmo maiʼnae, huʼa apakege nehaya kava huʼa aise mafaʼne anagaʼeʼmo apakeʼnae.

Mai'naya kavane 22:10

Himuʼnamu kavaʼmo nehiya vekamo alita ha faitapa atalesayaʼmoʼmo ge neʼvaiya kavaʼmo hano hugiye. He, kaveta nehaya kavaʼe huʼa faipa huʼa neʼapataya geʼeʼmo hano hugiye.

Galesiya 4:22

Ani gemoʼa hunoʼaeʼmo, Emalehamuʼa lole mafaʼnelaʼmo alino anateʼniye. Henaga aʼamoʼmo kalavusi aliʼyaʼmo neʼaliya a kanomo agiʼamo Hegaʼa mafaʼnemo alino atetegeno hogote aʼamo afa aʼmo agiʼamo Selaʼa mafaʼnemo alino ateʼniye.

Galesiya 4:29

Agufaletiʼmo alino ateʼniya mafaʼnemoʼa Aunemeʼaletiʼmo alino ateʼniya mafaʼneʼaeʼmo aini huno ateʼniya kava huʼa hemenimo apaini huʼa nelatae.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.