Aepa Gemae 21:6 - The Keyagana NT and 25 OT books

⁶ Selaʼa hunoʼaeʼmo, Gotiʼa kigi hisuvafeʼmo alino he tino nateʼnigeʼapaeʼmo muki vayaʼmogi ani gemo afiteʼapaeʼmo nagaeʼeʼmo magokepi kigi hugae.

Aepa Gemae 21:6 ပူးပေါင်းရင်းမြစ်များ

Aepa Gemae 17:17

Emalehamuʼa augosalegatiʼmo asagauno aino ati kaeno maiʼneno kigi nehunoʼaeʼmo aipafiʼmo agesa afinoʼaeʼmo, vani hataletiʼa kafugamo maiʼnisiya vekamoʼmo mafaʼnemo afaʼa alino ategaifiye. Selaʼeʼmo naetiʼa kafugamo maiʼniyana mafaʼnemo afaʼa alino ategaifiye, huno huteno.

Samu 113:9

Agaemo anamo aʼne anagaʼmo afamo anagaʼapifiʼmo maisayafeʼmo fikumo hapa maeno neʼapamiye. Ala kava neʼmo agiʼaleʼmo alitapa asaga hiyo.

Samu 126:2

Lusi kava huta kigi huteta lamogaga aita yokemo huʼnone. Alu nofi vayaʼmogimo huʼapaeʼmo, Ala kava neʼmoʼa lusi kava huno hapa maeʼniye, huʼa huʼnae.

Aiyeya 49:15

Mago a kanomoʼmo nute mafaʼneʼaeʼmo age kanigifiye. Alino ateʼniya mafaneʼaeʼmo hau ayamopafiʼmo ohaugifiye. He, afaʼa apake kanigiyaʼmonanafa nagaemo lapakaefeʼmo nage okanigiye.

Aiyeya 49:21

Ani gemo hisagekaeʼmo kaipafiʼmo hukaeʼmo, Mafaʼne anagaʼnimo afela heʼnayanageʼna magoʼe huʼna afaʼa aliʼna oʼapategauve. Kame vayaʼmogimo kalavusi huʼa nateteʼa navaleliʼa uʼnae. Ina laʼmo nagaetefeʼmo ani mafaʼne anagaʼmo alino apateʼniye. Nagaiʼnimo magokeʼageʼmo maiʼnovaʼmonanafa ani mafaʼne anagaʼmo haiya haopalegatiʼmo eʼnae, huka hugane.

Aiyeya 54:1

Ala kava neʼmoʼa ina ge huno huʼniye. Anamo a kanomo kagafu kiʼnigeka mafaʼnemo alika oʼateʼnana a kanomogamo yokemo huvo. Anauʼamoʼmo ataleʼniya akana huka maiʼnanaʼmonanafa veleʼmo maiʼniya a kanomo ago aeka agaseka asole mafaʼnemo alika apateʼnanaʼmofeʼmo alopa gefatiʼmo yokemo huvo.

Luki 1:14

Mafaʼnekamo alino atesigekaeʼmo kamogaga aika kavayagunagu hisanageʼapaeʼmo muki vayaʼamogimo apamogaga aigae.

Luki 1:58

Koʼalega vayaʼmogiʼe agaiʼa vayaʼamogiʼeʼmo ani gemo afiteʼapaeʼmo, Ala kava neʼmoʼa hau huno ateteno lusi kava huno ha maeʼniye, huʼa huteʼa Ilisameteʼeʼmo magokepi apamogaga aiʼnae.

Lomu 12:15

Apamogaga aisaya vayaʼeʼmo magokepi lapamogaga aiyo. Inagi aviʼyaʼmo hisaya vayaʼeʼmo ani kavaʼmo hutapa magokepi aviʼyaʼmo hiyo.

Himulu 11:11

Selaʼa agesamo afino fatago huʼniya kavatetiʼmo lokiyaʼamo aliteno aipaguʼeʼmo maiteno mafaʼnemo alino atesiya afinaʼmo ago hano huʼniyaʼmonanafa mafaʼnemo alino ateʼniye. Agaemo mafaʼnemo kamiguve, huno polomasi gemo huno ha paiʼniya Gotifeʼmo afaʼageʼmo ge hugeno oʼatalegaifa alagikeʼmo geʼamo akame hugiya vekamae, huno agesamo afiʼniye.

1 Samiyo 1:26

Hanaʼmo Ilaifeʼmo hunoʼaeʼmo, Ala kava vekae, huʼna, alagi lama gemo huve. Nagaemo mani a kanomoʼnamo manileʼmo eʼna kaulagaleʼmo he tiʼneʼna Ala kava nefeʼmo nunumuʼmo huʼnove.