Aepa Gemae 21:23 - The Keyagana NT and 25 OT books

²³ Inagi hemenimo kagaemo Goti agiʼaletiʼmo kagoʼyamo ataleteka aigofe kavaʼmo nagaetegamo osuge mafaʼneʼnilegamo osuge naginago vayaʼaitegamo osuge huguve huka huvo. Nagaemo kalaga vekamo kagaetegamo alagepa kavaʼmo huʼnova kava huka nagaetegaʼe mani eka maiʼnana koteʼeʼmo alagepa kavaʼmo huguve, huka naha paiyo, huno huʼniye.

Aepa Gemae 21:23 ပူးပေါင်းရင်းမြစ်များ

Aepa Gemae 20:14

Inagi Amimelekiʼa halate Selaʼmo avaleno Emalehamuna amiteno sipisipigi pulumakagi aliʼyaʼamo neʼaliya vayanagi huno apavaleno amiʼniye.

Aepa Gemae 21:24

Inagi Emalehamuʼa agoʼya ataleteno, ani kavaʼmo afaʼa huguve, huno ha paiʼniye.

Aepa Gemae 24:3

Maleʼneka Ala kava neʼmo kokuʼnateʼe ma mopafiʼeʼmo neʼyagaiya Goti agiʼaletiʼmo kagoʼyamo ataleteka naha paigane. Kenani nofi vayaʼai folagapiʼmo maiʼnova vayaʼmogi a mafaʼne anagapatiʼmo mafaʼnekamo aʼmo avaleliʼna oʼmegauve, huka naha paiyo.

Aepa Gemae 26:28

Lagaemo ageta alagepa huta ageʼnonana Ala kava neʼmo kagaeʼeʼmo lokaeno maiʼnigeta ageʼnonaʼmofeʼmo kagaegiʼeʼmo magokepi lagoʼya ataleteta kotalakemo hugune.

Aepa Gemae 31:44

Inagi egetaʼao. Laʼagaemo kotalakemo hu malegauʼae. Hu maletetaʼaeʼmo mago yafaʼalumo alitaʼa ai malesuʼageno kotalakemo hu malesuʼa getiʼaeʼmo faigoko gemo huno kagaefeʼmo kaha paige nagaefeʼmo naha paige hugiye, huno ha paiʼniye.

Aepa Gemae 31:53

Emalehamuʼagi Nehoʼagi afoʼnimoʼagi huno huʼnigeno Gotiʼapimoʼmo laʼagae kavaʼmo alino fako huno laʼategaiye, huno huʼnigeno Yekopuʼa afoʼamo Aisakiʼmo koli huʼneno mono huʼniya Gotiʼamo agiʼaletiʼmo agoʼya ataleteno polomasi gemo huʼniye.

Aepa Gemae 39:3

Aliʼyaʼmo afoʼamoʼmo ageʼniyana Ala kava neʼmoʼa Yosefeʼeʼmo lokaeno maiʼneno ha maeʼnigeno muki huʼniya kavaʼamo alagepa kavaʼageʼmo afole aiʼnigeno ageʼniye.

Aepa Gemae 47:31

Yekopuʼa hunoʼaeʼmo, kagoʼya ataleteka alagi lama gemo nehuve, huka naha paiyo, huno huʼnigeno agoʼyamo ataleteno alagi lama ge nehuve, huno huʼniye. Inagi Isaleliʼa hipaleʼmo maiʼnenoʼaeʼmo ape huʼneno Gotifeʼmo mono huʼniye.

2 Kolitiyani 1:23

Gotiʼa nageʼniyanageno lama gemo nehiye, huno ageteno naha maeno faigoko gemo lapa paigiye. Lama gemo huʼnaeʼmo, kayoʼmo lapamisuvafeʼmo oʼnahauʼnigeʼnaeʼmo, Kolitiyani taonifiʼmo halate oʼuguve, huteʼna lapataleʼna aeʼna lapakaseʼnove.

Himulu 6:16

Mago vayaʼmo ago aeno apakaseʼniya vekamo agiʼaletiʼmo lokiya gefatiʼmo huʼnageʼa afiteʼapaeʼmo, vae, huʼa, alagi lama gemo nehae, huteʼa ge noʼnae.

Yasuva 2:12

Inagi hemenimo lanakaemo Ala kava neʼmo agiʼaletiʼmo lanakoʼyamo ataletana lokiya gefatiʼmo hiʼao. Nagaemo lahana maeʼna alagepa huʼna yagaiʼna lanateʼnova agufa kavaʼmo hutana afamo anagaʼnimo hapa maetana alagepa hutana yagaitana apatesaʼafeʼmo hiʼao. Lanakaemo ani polomasi getanimo alitana lokiya vaitana atesaʼafeʼmo mago alagena yaʼmo namiʼao.

1 Samiyo 20:13

Ani kavaʼmo huguvaʼmonanafa afoʼnimoʼmo kagaetegamo hosu kavaʼmo hisiyafeʼmo agesamo afiʼnisiyaʼmoʼmo ani gemo hutalesugeno kagaetegamo visigeka afitekaeʼmo afaʼa ugane. Nagaemo aliʼna katesugeka uka alagepa huka afaʼa maigane. Ala kava neʼmoʼa afonimoʼeʼmo magokepiʼmo lokaeno maiʼniya kava huno kagaeʼeʼmo magokepiʼmo lokaeno maino, huno alino auleno ateʼniye.

1 Samiyo 20:17

Yonataniʼmo Nevinifeʼmo hau ayamopafiʼmo hauʼniyaʼmofeʼmo Neviniʼmo halate polomasi gemo hisiyafeʼmo ha paiʼniye. Yonataniʼmo agaiʼaeʼmo hauʼniya kava huno Nevinifeʼmo hauʼniye.

1 Samiyo 20:42

Inagi Yonataniʼmo Nevinifeʼmo ha painoʼaeʼmo, Laʼagaemo ago Ala kava neʼmo agiʼaletiʼmo polomasi gemo hu maleʼnoʼaʼmofeʼmo kaipamoʼmo falu huʼninageka afaʼa uvo. Laʼagaemo polomasi gemo ina ge hutaʼaeʼmo laʼagaemo alitaʼa laʼao ya hutaʼa maisuʼa kavaʼmoʼa kaginago vayaʼe naginago vayaʼeʼmo muki afinaʼae afinaʼaeʼmo laʼao vayaʼmo maigae. Ala kava neʼmoʼa ani laʼagaemo huʼnoʼa geleʼmo faigoko hisiya vekamo maiʼniye.

1 Samiyo 30:15

Huno ha paiʼnigeno Neviniʼmo ge huno afinoʼaeʼmo, Kagaemo afaʼa navalelika ani Emaleki vayaʼaitegamo ugapiye, huno ge huno afi geʼnigenoʼaeʼmo, Kagaemo Goti agiʼaletiʼmo polomasi gemo hukaeʼmo, Nagaemo kamitimo okamagige yagaino nekateya vekamo kavaleʼna oʼamige huguve, huka hutegeʼnao, nagaemo kavaleliʼna uguve.