Aepa Gemae 21:14 - The Keyagana NT and 25 OT books

¹⁴ Inagi egaʼamo gotilamiyapiʼmo Emalehamuʼa neʼyaʼmo aliteno meme agufa kepiʼmo aniʼmo he fiteno alino Hega agiʼnaleʼmo kofino ateʼniye. Emalehamuʼa mafaʼneʼamo Isameliʼmo avaleno Hegana amiteno alino hanafaitalegeʼana uʼnaʼae. Inagi Hegaʼe mafaʼneʼaʼeʼmo kaʼme koʼmo Miyasima kotegamo fikumo uʼnaʼae.

Aepa Gemae 21:14 ပူးပေါင်းရင်းမြစ်များ

Aepa Gemae 16:7

Hegaʼa mago kaʼmo Su haopalega uʼniya kateʼmo uno vayaʼmo oʼmaiʼnaya haopalega maiʼnigeno Ala kava neʼmoʼa enisole vekaʼamoʼmo mago meti aniʼmo aeno latino haine neʼeya yateʼmo agaetegamo afole aiʼniye.

Aepa Gemae 19:27

Gotilamiyapiʼmo Emalehamuʼa Ala kava neʼmo aulagaleʼmo he tiʼniya haopalegamo uʼniye.

Aepa Gemae 21:13

Ani kavake huʼna kalavusi aliʼyakamo neʼaliya aʼmo mafaʼnekafatiʼeʼmo magoke apaki vayaʼmo asole vayaʼmo aliʼna afole aiʼna apategauve.

Aepa Gemae 21:15

Inagi ani ke anifi aniʼmo ago neʼana hano huteʼanaeʼmo Hegaʼa mafaʼneʼamo mago aise yosa aepafiʼmo ateʼnigeno maiʼniye.

Aepa Gemae 21:31

Kotalakemo huʼnaʼaʼmofeʼmo ani koʼmo agiʼamo Miyasima kone huno ateʼniye.

Aepa Gemae 21:33

Inagi Emalehamuʼa mago tamalisiki yosamo Miyasima kotegamo fai maleʼneno Ala kava neʼmo muki afinaʼae afinaʼaeʼmo neʼmaiya Gotitefeʼmo mono huʼniye.

Aepa Gemae 22:19

Inagi Emalehamuʼa Aisakiʼmo avalelino aliʼyaʼamo neʼaliʼa neya vekalaʼanitegamo uʼnigeʼa Miyasima kotegamo atagineʼa uʼa ani koteʼmo Emalehamuʼmo alagi maiʼniye.

Aepa Gemae 22:3

Inagi gotilamiyapiʼmo Emalehamuʼmo he tino ago usiyafeʼmo noki afuʼamo alino alagepa huteno Aisakiʼe neya vekalaʼmo aliʼyaʼamo neʼaliʼa vekalaʼeʼmo apavaleʼniye. Ofalinimo kaesiya atamo lagino aliteno Gotiʼa ha paiʼniya haopalegamo uʼniye.

Aepa Gemae 24:54

Hutegeʼapaeʼmo agaeʼe avagi huʼa eʼnaya vayaʼeʼmo neʼyaʼmo nege aniʼmo nege huʼa ani haniʼilagamo maiʼnae. Inagi netepiʼmo he tiʼapaeʼmo Emalehamu aliʼyaʼamo neʼaliya vekamoʼmo hunoʼaeʼmo, Ala vekaʼnilegamo alitapa nategeʼna vino, huno huʼnigeʼanaeʼmo,

Aepa Gemae 25:6

Amiʼniyaʼmonanafa henagaʼaʼamo aliʼniya atala ani mafaʼne anagaʼmo mago amuse yaʼmo fiku hapa maeno apamiteno Aisaki maisiya haopaʼaleʼmo oʼmaisayafeʼmo yegemo haine neʼeya haopalegamo alino apateʼnigeʼa uʼnae.

Aepa Gemae 26:31

Egaʼamo gotilamiyapiʼmo he tiʼa apagoʼyamo ataleteʼapa magokepiʼmo kotalakemo huʼnae. Aisakiʼa alino apateʼnigeʼa apaipamoʼmo falu huʼnigeʼa uʼnae.

Aepa Gemae 26:33

Inagi Aisakiʼa agiʼamo Sema ani keli kotune, huno ateʼniye. Ani kava huʼniyaʼmofeʼmo hemenimo ani haopalegamo haneʼniya taonieʼmo Miyasima taonie, huʼa agi neʼae.

Aepa Gemae 28:18

Yekopuʼa gotilamiyapiʼmo he tino ani afita aino havaeʼniya yafaʼmo alino aeno he tino faino ateteno aote yafaʼmo hanesiyafeʼmo uvelimo lakino ateʼniye.

Aepa Gemae 37:15

Mago vekamoʼa ageʼniyana ani haopalegamo fiku uneno nehigeno agetenoʼaeʼmo, kagaemo na agufa yafeʼmo kahauya nehane, huno ge huno afi geʼniye.

Aepa Gemae 46:1

Isaleliʼa muki kagemi yaʼamo aliteno afamo anagaʼaʼeʼmo Isipi kotegamo neʼvaya kateʼmo uʼnae. Apakaemo Miyasima taonifiʼmo uʼa avaʼyi huteʼapaeʼmo Isaleliʼa afoʼamo Aisaki Gotiʼamoʼmo mago ofalinimo amiʼniye.

1 Kini 19:3

Huʼnigeno Ilaiyaʼmo ani gemo afitenoʼaeʼmo ofalino afaʼa maisiyafeʼmo he tino aune heno visiyafeʼmo aliʼyaʼamo neʼaliya vekamo avaleteno anakaemo Yuta kotega Miyasima taonifiʼmo uʼana avaʼyi huteʼanaeʼmo Ilaiyaʼmo aliʼyaʼamo neʼaliya vekamo ani taonifiʼmo ateteno

Samu 107:4

Mago vayaʼmo aniʼmo ohaneno kaʼme koteʼmo vayaʼmo oʼmaiʼnaya kotegamo afaʼa umenitata nehuʼapaeʼmo maisaya taonieʼmo kahauya huʼnayaʼmonanafa oʼageʼnae.

Samu 119:60

Hiyo, huka laha paiʼnana gemo akame hisuvafeʼmo afaʼa oʼmaiʼna malage huʼna he tiʼna akame huʼnove.

Mai'naya kavane 27:14

Mago vekamoʼmo alopa gefatiʼmo ao vekaeʼmo hunoʼaeʼmo, Gotiʼa alino auleno kateno, huno hisigenoʼaeʼmo ao vekamoʼmo, Gotiʼa lifana huno kateno, huno nagaefeʼmo huʼniye, huno agesamo afigiye.

Mai'naya kavane 27:8

Koʼamo ataleno umenitata nehiya vekamo namamoʼmo anoʼamo ataleno halelino uneno nehiya namagana huno maiʼniye.

Yoni 8:35

Kalavusi aliʼyaʼmo neʼaliya vekamoʼa aliʼyaʼmo afoʼamo nopiʼmo uno haino alagi oʼmaigiyaʼmonanafa aliʼyaʼmo afoʼamo mafaʼneʼamokeʼmo noʼafiʼmo alagi maigiye.

Yasuva 3:1

Inagi Yasuvaʼe Isaleli vayaʼeʼmo ani haniʼilagamo havaeteʼa kotilamiyapiʼmo he tiʼa Sitimi kotetiʼmo ataleʼa uʼa Yoneni aniteʼmo avaʼyi huteʼa ani haopalegamo havaeʼnae. Aniʼmo olakaeʼnafa hogoteʼa havaeʼnae.

1 Samiyo 15:12

Gotilamiyapiʼmo Samiyoʼmo he tino Soloʼeʼmo fotu hisiyafeʼmo uʼnigeno mago vekamoʼa ha painoʼaeʼmo, Soloʼmo uno Kamo taonifiʼmo ani kamemo huno aeno apaka seʼniya kavatefeʼmo ala agiʼamo alisiyafeʼmo mago alagena kavaʼmo huʼniyana yafaʼmo faino ateʼniye. Agaemo ago faino atetenoʼaeʼmo inagi Giligo taonifiʼmo uʼniye, huno ha paiʼniye.