Aepa Gemae 21:1 - The Keyagana NT and 25 OT books

¹ Ala kava neʼmoʼa Selaʼmo ve mafaʼnemo alino ategaiye, huno polomasi gemo huno ha paiʼniya geleʼmo akame huno emineno ha maeʼniye.

Aepa Gemae 21:1 ပူးပေါင်းရင်းမြစ်များ

Aepa Gemae 17:16

Nagaemo aliʼna auleʼna atesugeno ve mafaʼnekamo alino atesigeʼna magoʼe huʼna aliʼna auleʼna atesugeno asole nofi vayaʼe kini vayaʼmogi itaʼapimoʼeʼmo maigiye, huno ha paiʼnigeno.

Aepa Gemae 17:19

Gotiʼa, haʼao, huno, Selaʼmo akamoʼmo ve mafaʼne alino ategaiyanagi agiʼamo Aisakiʼae huka ato. Nagaemo agaeʼe agae akamelegati aginago mafaʼneʼamogiʼenagi huʼna muki afinaʼmo hanege hanege huno hanesiya kotalakemo hu malegauve.

Aepa Gemae 17:21

Hiyaʼmonanafa mani agufa afinaʼmo henagaʼamo afole aisiya kafugafiʼmo Selaʼa Aisakiʼmo alino atesiya ve mafaʼnekaʼeʼmo kotalakeʼnimo hu malegauve,

Aepa Gemae 18:10

Apakaepatiʼmo mago vekamoʼmo hunoʼaeʼmo, anaga kafugamo mani agufa kaileʼmo halate kagaetegamo esugeno akamo Selaʼmo ve mafaʼnemo alino ategaiye, huno ha paiʼnigeno Selaʼmo ani vekamo akamelega seli noʼmo kipateʼmo maiʼneno ani huʼniya gemo afiʼniye.

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Aepa Gemae 24:36

Ala vekaʼnimo aʼmo Selaʼmo ago anekalo leʼniyana mago ve mafaʼnemo alino ateʼniye. Emalehamuʼa muki kagemi yaʼamo ani mafaʼnemo amiʼniye.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

2 Kini 4:17

Ha paiʼniyaʼmonanafa ani a kanomo aipaguʼeʼmo maiteno henaga kafugamo lekana pai maleʼniya kaileʼmo Ilaisaʼmo huʼniya agufa kavaʼmo huno ve mafaʼnemo alino ateʼniye.

Samu 106:4

Ala kava nene, huʼna, Vayakamo hapa maesana afinaʼmo nagaeʼefeʼmo kagesamo afiyo. Apakufamo alika katika apatesana afinaʼmo nagaeʼeʼmo nagufamo alika katika nato.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Hatu maeno apate'niya gemae 20:5

Nagaemo Ala kava neʼmo Gotitapimoʼnamo neʼmauva naimuʼyaleʼmo maiʼnaya aigofe gotigifeʼmo naipa kafamo hapaeteʼna kaino nefauva vekamo maiʼnovaʼmofeʼmo alu gotigitefeʼmo lapaleʼyamo faiʼnetapa ape hutapa mono osiyo. Afoʼapimogi hosu kavaʼapilefeʼmo nagaefeʼmo ohapauʼnigeʼa apaini huʼa neʼnataya vayaʼmogi mafaʼne anagaʼapimo nagaemo kayo apamiguve. Nagaemo mafaʼneʼapimogi aliʼa apatesaya mafaʼnemo kayoʼmo apamige apakaemo aliʼa apateme apateme visaya mafaʼnemo kayoʼmo apamige huguve.

Hatu maeno apate'niya gemae 3:16

Uka Isaleli vayatama vayaʼmo apavaleka alika anupa huka apateʼnekaeʼmo, Lapakinago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogimo huno Gotiʼapimoʼmo nagaeteʼmo afole aiteno naha painoʼaeʼmo, Nagaemo lapa maesuvafeʼmo emiʼneʼna Isipi vayaʼmogimo lapakaetegamo nehaya hosu kavaʼmo ageʼnove.

Hatu maeno apate'niya gemae 4:31

Huʼnigeʼa apakesamo afiʼa fatago huʼnae. Ala kava neʼmoʼa vayaʼamo kana yaʼmo aliʼnageno agetenoʼaeʼmo hapa maesiyafeʼmo emineʼniya kavafeʼmo ava gemo afiteʼapaeʼmo ape huʼa maiʼneʼa mono huʼnae.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Luki 1:68

Ala kava neʼmo Isaleli vayaʼai Gotiʼapimoʼmo emineno laha maeno hatu maeno lateʼniyaʼmofeʼmo alita auleta ateyo.

Luki 19:44

Apakaemo Yulusalemu taonifiʼmo maiʼnaya vayaʼmogitapaʼe mafaʼne anagatapiʼeʼmo alagi lahapaege eʼa muki nokomo heʼa halagape vaige hugae. Eʼa mago yafateʼmo akalo huʼa maleʼnaya yafaʼmo aliʼa mopafiʼmo yaga auʼa atalesageno magoke yafaʼmo agotofuleʼmo akalo huno ohanegaiye. Gotiʼa lapa maesiyafeʼmo lahapaopaleʼmo emineʼniyana ageta aeto osuʼnayaʼmofeʼmo ani hosu kavaʼmo afole aigiye, huno hapa paiʼniye.

Galesiya 4:23

Kalavusi aliʼyaʼmo neʼaliya aʼmoʼa ma mopafi vayaʼmogita alita neʼapatona kava huno mafaʼnemo alino ateʼniyaʼmonanafa afa aʼamoʼmo Gotiʼa fikumo kaha maeʼna kamiguve, huno ha paiʼniya polomasi geletiʼmo mafaʼneʼamo alino ateʼniye.

Galesiya 4:28

Inagi konagaʼnimogitapae, huʼna, Aisikiʼa fikumo kaha maeʼna kamiguve, huno ha paiʼniya polomasi geʼaleti mafaʼnemo maiʼniya kava huta polomasi geʼaleti mafaʼneʼamo maiʼnone.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Luti 1:6

Neyomiʼa Movapu kotega maiʼnenoʼaeʼmo afiʼniyana Gotiʼa vayaʼamo alagepa huno hapa maeʼnigeno neʼyaʼmo alagepa huno afole aiʼniye, huʼa huʼnaya gemo afiʼniye. Agaeʼe anofeloʼalaʼmoganiʼeʼmo visayafeʼmo alo huʼnae.

1 Samiyo 1:19

Inagi Elakenaʼe afamo anagaʼaʼeʼmo Sailo taonifiʼmo havaeteʼapaeʼmo netepiʼmo he tiʼa Ala kava nefeʼmo mono huteʼapaeʼmo halate noʼapilegamo Lema taonifiʼmo uʼnae. Elakenaʼmo aʼaʼeʼmo lokaeno havaeʼnigeno Ala kava neʼmoʼa Hanaʼmo nunumuʼmo huʼniya geeʼmo agesamo afiʼniye.

1 Samiyo 2:21

Ala kava neʼmoʼa eno Hanaʼmo ha maeʼnigeno Hanaʼmo loleʼe magoʼe mafaʼnegi lole a mafaʼnelanagi huno alino apateʼniye. Ani afinaʼmo neya mafaʼneʼamo Samiyoʼmo Ala kava neʼmo aulagaleʼmo ko siʼniye.