Aepa Gemae 20:9 - The Keyagana NT and 25 OT books

⁹ Amimelekiʼa Emalehamufeʼmo keya aeno ge huʼnigeno eʼnigeno ha painoʼaeʼmo, Lagaetegamo na agufa kavaʼmo huʼnane. Nagaemo na agufa hosu kavaʼmo kagaetegamo huʼnogekaeʼmo nagaeʼe muki yagaiʼna neʼapatova vayaʼeʼmo vaiʼmo lamiʼnane. Kagaemo nagaetegamo huʼnana kavaʼmo alagi osisana agufa kavaʼmo huʼnane.

Aepa Gemae 20:9 ပူးပေါင်းရင်းမြစ်များ

Aepa Gemae 12:18

Kini vekaʼmoʼmo Emalemifeʼmo ge huʼnigeno egenoʼaeʼmo ina ge huno ha paiʼniye. Nagaetegamo na agufa kavaʼmo huʼnane. Na kava higekaeʼmo aʼnimo maiʼniye, huka naha opaiʼnane.

Aepa Gemae 20:10

Na agufa kavafeʼmo kagesamo afitekaeʼmo ani kavaʼmo huʼnane, huno afi geʼnigenoʼaeʼmo,

Aepa Gemae 20:8

Inagi gotilamiyapiʼmo Amimelekiʼa he tino muki aliʼyaʼamo neʼaliya vayaʼaifeʼmo keya aeno ge huʼnigeʼa eʼnagenoʼaeʼmo Ala kava neʼmo ha paiʼniya gemo hapa paiʼnigeʼapaeʼmo lusi kava huʼa koli huʼnae.

Aepa Gemae 26:10

Amimalekiʼa ha painoʼaeʼmo, Kagaemo mani kavaʼmo lagaetegamo haiya agufa kavaʼmo huʼnane. Mago vekamoʼmo akaʼeʼmo magokepi lokaeno havaeʼniesinana vaiʼmo alinika eka lagaemo lamiʼnanesine, huno ha paiʼniye.

Aepa Gemae 29:25

Netepiʼmo Yekopuʼa ageʼniyana Liyakeʼmo havaeʼnigeno agetenoʼaeʼmo Lepanifeʼmo hunoʼaeʼmo, Ani kavaʼmo na kavaʼmo nagaetegamo huʼnane. Nagaemo Lesotefeʼmo aliʼyakamo oʼaliʼnofiye. Haiya kava higekaeʼmo humi nateʼnane, huno afi geʼniye.

Aepa Gemae 34:7

Yekopu mafaʼne anagaʼamo sipisipileʼmo yagaiʼa maiʼnayategatiʼmo ani gemo afiteʼapaeʼmo apaipamo leʼnigeno hosu apaipa apakesamo afole aiʼnigeʼa eʼnae. Sekemiʼa huʼniya kavaʼmo Isaleli vayaʼai apaulagaleʼmo alagi lusi hosu kavaʼmo haʼao, huʼa huʼnaya hosu kavaʼmo alagi osisiya agufa kavaʼmo huʼniyaʼmofeʼmae.

Aepa Gemae 38:24

Inagi maiʼnagenoʼaeʼmo loleʼe magoʼe kai agufa yaʼmo utegeʼapaeʼmo Yutafeʼmo ha paiʼapaeʼmo, Temaʼmo kanofelokamoʼmo kumai kavaʼmo huteno hemenimo aipaguʼeʼmo maiʼniye, huʼa ha paiʼnageno Yutaʼa afitenoʼaeʼmo lokiya gemo hunoʼaeʼmo, avalelita utapa ata kaetapa sagalitapa atalegeno falino, huno huʼnigeʼa

Aepa Gemae 39:9

Noʼafiʼmo mago vekamo aeno naga seʼniya vekamo oʼmaiʼnigeʼna muki yaʼe vayaʼaiteʼeʼmo nagaiʼnigeʼmo yagaiʼnove. Muki yaʼamo alino namiʼniyaʼmonanafa kagaemo aʼamo maiʼnanaʼmofeʼmo kavaleno oʼnamiʼniye. Haiya kava huʼna ani alopa hosu kavaʼmo Gotitegamo huguve, huno ha paiʼniye.

2 Samiyo 12:5

Neviniʼa ani gemo afitenoʼaeʼmo kagemiyaʼamo haneʼniya vekaeʼmo aipamo leʼnigeno Netanifeʼmo ha painoʼaeʼmo, Nagaemo nagoʼyamo ataleteʼna Ala kava neʼmo agiʼaletiʼmo huʼnaeʼmo, ani vekamo falisiya kavaʼmo huʼniye.

Hatu maeno apate'niya gemae 32:21

Moseseʼa Elonifeʼmo, Muki vayaʼmogimo kagaetegamo na agufa kavaʼmo huʼnagekaeʼmo apakeka apataleʼnanageʼapaeʼmo ani alopa hosu kavaʼmo huʼnageno alopa kana yaʼmo apakaeteʼmo asagauno aiʼniye, huno ge huno afi geʼniye.

Hatu maeno apate'niya gemae 32:35

Inagi Ala kava neʼmoʼa alopa kaitaʼmo alino ateʼnigeno ani vayaʼaiteʼmo eʼnigeʼa kaitaʼmo hapauʼniye. Apakaemo Eloniʼa pulumakamo goli yafatetiʼmo alo hisiyafeʼmo ha paiʼnayaʼmofeʼmae.

Mai'naya kavane 28:10

Mago vekamoʼmo fatago vayaʼmogimo alagepa kaʼmo ataleʼa hosu kateʼmo visayafeʼmo apayate alisiyaʼmoʼmo agaiʼamo kafi maleʼniya kelifiʼmo asagauno aigiyaʼmonanafa vaiʼmo oʼaliʼnisiya vekamoʼmo afoʼamomo Gotitegatiʼmo alagepa yaʼmo aligiye.

Lomu 2:11

Na kava hinageʼapaene. Gotiʼa amega apakufale kavatefeʼmo agesamo oʼafino muki vayaʼmo magoke aiyaya kavatetiʼmo alino fako huno neʼapate.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

Himulu 13:4

Muki vayaʼmogimo aʼmo alige veleʼmo maige nehaya kavaʼmoʼa oʼaniʼya kavaʼmo ohaneʼnifa ala agi kavaʼmo haneʼniye. Haneʼniyaʼmonanafa Gotiʼa kumai kavaʼmo nehaya vayaʼe yafaʼmo nehavaya vayaʼeʼmo agoti huno apategaiye

Yasuva 7:25

Yasuvaʼa hunoʼaeʼmo, Na agufa kava higekaeʼmo hanageke yaʼmo alika lamiʼnane. Hemenimo Ala kava neʼmoʼa hanageke yaʼmo kamigiye, huno nehigeʼapaeʼmo muki Isaleli vayaʼmogimo yafa kayotetiʼmo Ekaniʼe muki afamo anagaʼaʼeʼmo kamitimo apamagiteʼa muki yaʼapiʼe apakaeʼeʼmo ata kaeʼa apasagaliʼnae.