Aepa Gemae 20:7 - The Keyagana NT and 25 OT books

⁷ Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Aepa Gemae 20:7 ပူးပေါင်းရင်းမြစ်များ

Aepa Gemae 12:15

Isipi vayaʼmogi kini vekaʼapimo aliʼyaʼamo neʼaliya vayaʼmogimo Selaiʼmo ageteʼapaeʼmo kini vekaeʼmo ha paiʼapaeʼmo, mago kanale a kanomo eno maiʼniye, huʼa ha paiʼnae. Inagi Selaiʼmo avaleliʼuʼa kini vekamo nopiʼmo ateʼnae.

Aepa Gemae 12:17

Amiʼniyaʼmonanafa Ala kava neʼmoʼa Selaitetifeʼmo kini vekalegaʼe vayaʼalegaʼeʼmo alopa kaitaʼmo apamiʼniye.

Aepa Gemae 2:17

Neganaʼmonanafa alagepa kavaʼe hosu kavaʼeʼmo alino apave lisigeʼa afiteʼa agesaya yosa alagamo ma haneʼniyanagi oʼno. Nesana afinaʼmo ago alagi faligane, huno ha paiʼniye.

Aepa Gemae 20:3

Aliʼnigeno Gotiʼa haniʼilagamo Amimelekitegamo emineno alagamuna kategatiʼmo ha painoʼaeʼmo, ani aliʼnana a kanomo vele aʼmo aliʼnananageka hemenimo faligane, huno ha paiʼniye.

Aepa Gemae 20:8

Inagi gotilamiyapiʼmo Amimelekiʼa he tino muki aliʼyaʼamo neʼaliya vayaʼaifeʼmo keya aeno ge huʼnigeʼa eʼnagenoʼaeʼmo Ala kava neʼmo ha paiʼniya gemo hapa paiʼnigeʼapaeʼmo lusi kava huʼa koli huʼnae.

Aepa Gemae 23:6

Ala vekae, huʼa, getimo afiyo. Kagaemo hogote lokiya vekamo lagaeteʼmo vayatama vekamo maiʼnanaʼmofeʼmo lagae mopaleʼmo alagepa kanolufiʼmo afaʼa kika ategane. Haiya mopale kanoluʼmo aliguve, huka hisapi ani kanoluʼmo afoʼamoʼmo afaʼa kamisigeka akamo kika ategane, huʼa ha paiʼnae.

2 Samiyo 24:17

Inagi Neviniʼmo ageyana mago enisole vekamoʼmo Isaleli vayaʼaina kamitimo apamagiʼnigeno agetenoʼaeʼmo Ala kava nefeʼmo hunoʼaeʼmo, Lama gemo haneʼniyana nagaemo alopa hosu kavaʼmo huʼnovaʼmonanafa mani vayaʼmogi sipisipigana huʼa maiʼnaya vayaʼmogimo haiya agufa hosu kavaʼmo huʼnae. Kagaemo nagaeʼe afamo anaga vayaʼniʼeʼmo kayoʼmo lamiyo, huno ha paiʼniye.

2 Kini 5:11

Nemaniʼmo ani gemo afitenoʼaeʼmo lusi kava huno aipamo leʼnigeno agaemo Ilaisa notetiʼmo ataleno uʼniye. Agaemo hunoʼaeʼmo, Nagaemo nagesamo afiʼnaeʼmo, Agaemo emineno kumatetiʼmo nagetenoʼaeʼmo Ala kava neʼmo Gotiʼamofeʼmo nunumuʼmo huteno lepolosi yaʼmo nahauʼniya nahaopaleʼmo ayaʼmo alininuteno eteno huteno alino nahateno nategaiye, huno huʼniye.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Hatu maeno apate'niya gemae 18:17

Mosese ayemoʼamoʼmo ha painoʼaeʼmo, Ani nehana kavaʼmo kanale osuʼniye.

Hatu maeno apate'niya gemae 4:16

Eloniʼmo kagae kavayaʼmo alino muki vayaʼaifeʼmo hapa paigiye. Kagaemo agaeteʼmo Gotigagana huka maiʼneka ha paisanageno aeno hakalo huno hapa paigiye.

Hatu maeno apate'niya gemae 7:1

Inagi Ala kava neʼmoʼa Mosesefeʼmo ha painoʼaeʼmo, afiyo, huno, nagaemo kini vekamo aulagaleʼmo kagaemo Gotigagana huʼna aliʼna hamaleʼna kateʼnove. Nepukamo Eloniʼmo Gotitegati gemo alinineno aeno hakalo huno hapa nepaiya vekagana huno maigiye. Kagaemo Elonifeʼmo ha paisana gemo alino kini vekaeʼmo ha paigiye.

Apa 8:24

Saimoniʼa Pitaʼe Yoniʼefeʼmo hunoʼaeʼmo, huʼnaʼa kavaʼmo nagufaleʼmo afole oʼaisiyafeʼmo nunumuʼmo hutana nateʼao, huno hana paiʼniye.

1 Kolitiyani 14:4

Alu apake alu apakemo neʼaiya vayaʼmogi apakaiʼapigeʼmo hapa neʼmayaʼmonanafa Gotitegati gemo alini eʼa aeʼa hakalo huʼa hapa nepaiya vayaʼmogimo siosi vayaʼmo hapa neʼmae.

Himulu 1:1

Akeyaʼvilagamo Gotiʼa agaiʼalegati gemo alini eʼa aeʼa hakalo huʼa hapa paiʼnaya vayaʼai apavayafatiʼmo laginago vayaʼaifeʼmo hapa paiʼniye. Alu afinaʼae alu afinaʼaeʼmo aise gemo hapa paite hapa paite huge alu kavatetiʼe alu kavatetiʼeʼmo hapa paige huʼniye.

Himulu 13:4

Muki vayaʼmogimo aʼmo alige veleʼmo maige nehaya kavaʼmoʼa oʼaniʼya kavaʼmo ohaneʼnifa ala agi kavaʼmo haneʼniye. Haneʼniyaʼmonanafa Gotiʼa kumai kavaʼmo nehaya vayaʼe yafaʼmo nehavaya vayaʼeʼmo agoti huno apategaiye

1 Yoni 5:16

Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.

1 Samiyo 12:19

Muki vayaʼmogimo Samiyofeʼmo huʼapaeʼmo, Lagaemo asole hosu kavaʼmo ago hutetaeʼmo hemenimo ageʼnonana lagaemo Ala kava nefeʼmo kini vekatimo lamiyo, huta ge huta kafi geʼnona kavaʼe magoʼe huta alu hosu kavaʼeʼmo huʼnone. Huʼnonaʼmofeʼmo kagaemo Ala kava neʼmo Gotikamofeʼmo lagaemo aliʼyakamo neʼaluna vayakamogitaeʼmo nunumuʼmo huka lato. Fiku yanageta faligune, huʼa ha paiʼnae.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.

1 Samiyo 7:5

Samiyoʼmo hunoʼaeʼmo, Muki Isaleli vayaʼmo eta Misipa taonifiʼmo alita anupa hutapa maiʼnigeʼnao Ala kava nefeʼmo nunumuʼmo huʼna lapategauve, huno hapa paiʼniye.

1 Samiyo 7:8

Koli huteʼapaeʼmo Samiyofeʼmo ha paiʼapaeʼmo, Kagaemo Ala kava neʼmo Gotitimoʼmo oʼataleka Filisatini vayaʼai apayapatiʼmo lagufa alino katino latesiyafeʼmo nunumuʼmo huka lato, huʼa huʼnae.