Aepa Gemae 20:5 - The Keyagana NT and 25 OT books

⁵ Emalehamuʼa hunoʼaeʼmo, Nasaʼnimoʼae, huno huʼniye. Aʼamoʼeʼmo hunoʼaeʼmo, Emalehamuʼmo nasaʼnimoʼae, huno naha paiʼniyaʼmofeʼmo mani a kanomo aliʼnovana hosu kavaʼmo huʼnove, huʼna oʼageʼnove, huno ha paiʼniye.

Aepa Gemae 20:5 ပူးပေါင်းရင်းမြစ်များ

Aepa Gemae 12:13

Nagaetefeʼmo kanale hisigeʼna kagaetefeʼmo afaʼa maisuvafeʼmo kahaoke hovanagi apakaefeʼmo hapa paikaeʼmo nasaʼnimoʼae, hukageʼmo hapa paiyo, huno ha paiʼniye.

Aepa Gemae 20:13

Gotiʼa alino he tino nateʼniyaʼmofeʼmo afoʼnimoʼmo ataleʼna alu vayaʼai kotegamo umenitata huʼna neʼmauvanageʼna Selafeʼmo huʼnaeʼmo, Nagaemo alagepa huka naha maesanafeʼmo laʼagaemo haiya haopalegamo visuʼafi kagaemo muki vayaʼaifeʼmo, Emalehamuʼmo nasaʼnimoʼae, huka hapa paiyo, huʼna ha paiʼnove, huno ha paiʼniye.

Aepa Gemae 20:16

Selafeʼmo hunoʼaeʼmo, Ago, huno, Nagaemo kasakamoʼmo vani tauseniʼa siluva yafaʼmo amuve. Amuva kavatetiʼmo kagaetegamo afole aiʼniya kana yaʼmo aliʼna fako huvanageʼa kagaeʼeʼmo magokepi lokaeʼa maiʼnaya vayaʼmogiʼe muki vayaʼmogiʼeʼmo, Selaʼa hosu kavaʼmo osuʼniye, huʼa hisayafeʼmo ani miyaʼmo ago amuve. Ani gemo huʼniya geletiʼmo alino api aino ateʼniye.

Samu 24:4

Apayateʼmo oʼaniʼyaʼmo ofaiʼnisiya yaveyave apaipa vayaʼmogimae. Afa yatefeʼmo mono osuge apagoʼyamo ataleteʼa aigofe gemo osuge nehisaya vayaʼmogimae.

Samu 25:21

Nagaemo kagava maiʼnovaʼmofeʼmo naha maegeʼnao lama ge huʼna fatago kavakamo akame huteʼna alagepa kavaʼmo huʼna maiguve.

Samu 26:6

Nagaemo hosu kavaʼmo nosuvaʼmofeʼmo aliʼna apave lisuvafeʼmo nayatalaʼmo sese huguve. O Ala kava nene, huʼna, Vayakaʼeʼmo mono nokafiʼmo mono huguve.

Samu 7:8

Kagaemo muki ma mopafi vayaʼmo alika fako huka neʼapatana vekamo maiʼnane. O Ala kava nene, huʼna, fatago kavaʼnilefeʼmo alika fako huka nato.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Samu 73:13

Nagaemo naipafatiʼmo hosu kavaʼnimo aeʼna kalo paeteʼna nayaʼmo sese huʼnovaʼmonanafa aliʼyaʼnimo afole oʼaiʼniye.

Samu 78:72

Ateʼnigeno Neviniʼa aliʼyaʼalefekeʼmo agesamo afiteno alagepa huno yagaino apateʼniye.

Mai'naya kavane 11:3

Fatago vayaʼai fatago kavaʼapimoʼa ka alino ho huno neʼapateyaʼmonanafa geʼapimo akame nosaya vayaʼai hosu kavaʼapimoʼa alagi alino apagoʼya lagauno apatalegaiye.

Mai'naya kavane 20:7

Fatago vayaʼmogimo fatago kavaʼmo nehageʼapaeʼmo mafaʼne anagaʼapimogi aulena vayaʼmo maiʼnae.

Neniyo 6:22

Gotiʼnimoʼa enisole vekaʼamo alino ateʼnigeno emineno laiyoni anagaʼmogi apavayaleʼmo alino akanigeʼa nahaeʼa oʼneʼnae. Agaemo nageʼniyana aulagaleʼmo mago hosu kavaʼmo osuge kagaetegaʼeʼmo mago hosu kavaʼmo osuge huʼnovaʼmofeʼmae.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

1 Tesaloniyani 2:10

Lagaemo lapakesamo afita fatago nehaya vayaʼmogitapaʼeʼmo lokaeta maiʼnetaeʼmo Gotitegamo alagepa kavaʼmo huge vayaʼaitegamo alagepa kavaʼmo huge vaiʼmo olamisaya agufa kavaʼmo huge huta maiʼnonagetapaeʼmo lapakaeʼe Gotiʼeʼmo ago lageʼnayanagetapa laha maesiya faigoko gemo afaʼa hugae.

1 Timoti 1:13

Hogoteʼna Yesufeʼmo huʼna faipa huʼna atege vayaʼaeʼmo naini huʼna apatege kamemo huʼna apatege huʼna maiʼnovaʼmonanafa hau huno nateʼniye. Alagepa huʼna oʼafige nagesamo afiʼna fatago osuge huʼnovaʼmofeʼmo hau huno nateʼniye.

Yasuva 22:22

Lokiyaʼamo haneʼniya Gotiʼa magokeʼageʼmo Ala kava neʼmoʼa muki gotigiteʼmo yagaino neʼapateya Gotiʼa huʼnona kavaʼmo aepaʼamo ago ageʼniye. Lapakaeʼeʼmo afaʼa agegae. Lagaemo Ala kava neʼmo geʼamo amagita ataleteta kotalake gemo ataleʼnisunaʼmoʼmo lapakaemo laha oʼmaetapa kamitimo lahaegae.