Aepa Gemae 20:3 - The Keyagana NT and 25 OT books

³ Aliʼnigeno Gotiʼa haniʼilagamo Amimelekitegamo emineno alagamuna kategatiʼmo ha painoʼaeʼmo, ani aliʼnana a kanomo vele aʼmo aliʼnananageka hemenimo faligane, huno ha paiʼniye.

Aepa Gemae 20:3 ပူးပေါင်းရင်းမြစ်များ

Aepa Gemae 12:17

Amiʼniyaʼmonanafa Ala kava neʼmoʼa Selaitetifeʼmo kini vekalegaʼe vayaʼalegaʼeʼmo alopa kaitaʼmo apamiʼniye.

Aepa Gemae 12:18

Kini vekaʼmoʼmo Emalemifeʼmo ge huʼnigeno egenoʼaeʼmo ina ge huno ha paiʼniye. Nagaetegamo na agufa kavaʼmo huʼnane. Na kava higekaeʼmo aʼnimo maiʼniye, huka naha opaiʼnane.

Aepa Gemae 20:7

Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Aepa Gemae 28:12

Au kaleʼnenoʼaeʼmo alagamuna ageyana mago hakayamo mopaleti kokuʼnapiʼmo uno haiʼnigeno ageʼniye. Aepaʼamo mopafiʼmo hanetegeno avoyaʼamo kokuʼnapiʼmo uno haiʼnigeno ageʼniye. Ageʼniyana Goti enisole vayaʼamo ani hakayaleʼmo emi eteʼa uʼa haiteʼa huʼa maiʼnageno apakeʼniye.

Aepa Gemae 31:24

Atafauʼnayaʼmonanafa Gotiʼa haniʼilagamo alagamuna kategamo Siliya kotega vekamo Lepanifeʼmo ha painoʼaeʼmo, ehekae, huno, Yekoputegamo mago alagepa gemo osuge hosu gemo osuge huvo, huno ha paiʼniye.

Aepa Gemae 37:5

Mago afinaʼmo Yosefeʼa alagamuna ageteno nepuʼamogifeʼmo ava ge huno hapa paiʼnigeʼa afiteʼapaeʼmo magoʼe huʼa apaini huteʼa alagi ohapauʼniye.

Aepa Gemae 37:9

Henagaʼamo Yosefeʼa alagi magoʼe huno alagamuna agetenoʼaeʼmo nepuʼamogifeʼmo ina ge huno hapa paiʼniye. Afiyo, huno, nagaemo magoʼe huʼna alagamuna ageʼnovana hemeni alagamunafiʼmo yegegi kaigi leveniʼa kanefinagi huʼa nagaeteʼmo ape huʼa nateʼnageʼna ageʼnove, huno hapa paiʼniye.

Aepa Gemae 40:5

Kini vekamo aliʼyaʼaleʼmo yagaiʼnaʼa vekalaʼmoganimo magoke haniʼilagamo alagamuna ageʼnaʼana magoke agufa aepaʼamo ohaneʼniyaʼmonanafa alu aepa alu aepaʼamo haneʼniya agufa alagamunamo ageʼnaʼae.

Aepa Gemae 40:8

Laʼagaemo alagamuna ageʼnoʼa kavafeʼmo aepaʼamo laʼahapaisiya vekamo oʼmaiʼniye, huʼana ha paiʼnaʼageno Yosefeʼa hunoʼaeʼmo, Gotikeʼmo alagamunamo aepaʼamo alino apave neliye. Lahanaoke hovanagi, alagamunamo ageʼnisaʼa kavafeʼmo naha paiʼao, huno huʼniye.

Aepa Gemae 46:2

Amiʼnigenoʼaeʼmo haniʼilagamo Gotiʼa Yekoputegamo alagamuna agegekana huno afole aiteno, Yekopuvo, Yekopuvo, huno ge huʼnigeno Yekopuʼa hunoʼaeʼmo, ove maiʼnove, huno huʼniye.

Samu 105:14

Ani kava huʼa maiʼnayaʼmonanafa Ala kava neʼmoʼa agaiʼa vayaʼaiteʼmo hosu kavaʼmo huʼa yagaiʼa oʼapatesayafeʼmo oʼapataleno yagaino apateʼniye.

Yona 3:4

Yonaʼa ani taonimo magokayaga atupalegatiʼmo uno magoke felugamo maiteno uno taoni folagapiʼmo muki vayaʼaifeʼmo hunoʼaeʼmo, Fotiʼa afinaʼmo utesigeno Gotiʼa Niniva taonimo alino hano huno ataleteno alino lapagoʼya lagauno lapatalegaiye, huno aeno hakalo huno hapa paiʼniye.

Napa 22:9

Haniʼilagamo Gotiʼa Melamitegamo eno Melamifeʼmo ina ge huno ge huno afigeʼniye, Ani vayaʼmo kagaeʼeʼmo magokepiʼmo maiʼnaya vayaʼmo haiya vayane.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 27:19

Pailatiʼa uno haino agoti huno neʼapateya siyateʼmo fai maiʼnigenoʼaeʼmo aʼamoʼmo mago gemo huno atalegeno agaetegamo eʼniye. Ani gemo hunoʼaeʼmo, hemeni haniʼilagamo alagamuna ageteʼnaeʼmo ani vekaeʼmo naipamoʼmo lusi kava huno kana huʼniyaʼmofeʼmo ani alagepa vekalegamo mago agufa kavaʼmo afaʼa osuka ato, huno ha paiʼniye.