Aepa Gemae 20:2 - The Keyagana NT and 25 OT books

² Emalehamuʼa Gela taonifi vayaʼaifeʼmo hapa painoʼaeʼmo, Selaʼmo nasaʼnimoʼae, huno hapa paiʼnigeno Amimelekiʼa Gela kini vekamoʼmo mago vayaʼmo alino apateʼnigeʼa uʼa Selaʼmo avaleliʼa eʼnageno aliʼniye.

Aepa Gemae 20:2 ပူးပေါင်းရင်းမြစ်များ

Aepa Gemae 12:15

Isipi vayaʼmogi kini vekaʼapimo aliʼyaʼamo neʼaliya vayaʼmogimo Selaiʼmo ageteʼapaeʼmo kini vekaeʼmo ha paiʼapaeʼmo, mago kanale a kanomo eno maiʼniye, huʼa ha paiʼnae. Inagi Selaiʼmo avaleliʼuʼa kini vekamo nopiʼmo ateʼnae.

Aepa Gemae 20:12

He lama gemo huno Selaʼmo nasaʼnimoʼae. Afoʼnimo aʼmafaʼnemo maiʼniyaʼmonanafa itaʼnimo aʼmafaʼnemo oʼmaiʼniyaʼmofeʼmo aʼnimo maisiyafeʼmo aliʼnove.

Aepa Gemae 21:22

Ani afinaʼmo Amimelekiʼe Faikoʼmo ami vayaʼaleʼmo yagaino neʼapateya vekaʼeʼmo eʼana Amimelekiʼa Emalehamufeʼmo hunoʼaeʼmo, Gotiʼa kagaeʼeʼmo maiʼnigeka muki kavaʼamo nehane.

Aepa Gemae 26:1

Emalehamu maiʼniya afinaʼmo neʼyafe kafu huʼnaya agufa kavaʼmo huno halate Kenani mopaleʼmo magoʼe huno kafu kavaʼmo afole aiʼniye. Inagi Aisakiʼa Filisatini nofi vayaʼaiteʼmo neʼyagaiya kini vekamo Amimalekiʼa maiʼniya taonimo Gela taonifilagamo uʼniye.

Aepa Gemae 26:16

Amimalekiʼa Aisakifeʼmo hunoʼaeʼmo, Kagaemo magoʼe huka lagaemo ago aeka laga seʼnanaʼmofeʼmo ago ataleka uvo, huno huʼniye.

Aepa Gemae 26:7

Maiʼnigeʼapaeʼmo ani kote ve anagaʼmogimo aʼaeʼmo ge huʼa afi geʼnagenoʼaeʼmo, Nasaʼnimoʼae, huno hapa paiʼniye. Koli huʼniyaʼmofeʼmo aʼnimo maiʼniye, huno osuʼniye. Agaemo, fiku yanageʼa Lipekatetifeʼmo kamitimo namagigae. Agaemo alagepa aʼmo maiʼnigeʼa alagepa apaulagamo neʼagayaʼmofeʼmo kamitimo namagigae, huno agesa afiʼniye.

2 Sitoli 19:2

Afaʼa maiʼnigenoʼaeʼmo mago aune vekamo agiʼamo Yehuʼa Hanani mafaʼnemoʼmo Yihosafatitegamo uno ina ge huno ha paiʼniye. Kagaemo hosu vayaʼaina hapa maeʼnana kavakamo kanale kavapiye. Kagaemo Ala kava nefeʼmo apaini nehaya vayaʼaifeʼmo kahau kayamopafi kahauʼniya kavakamo kanale kavapiye. Hosu kavaʼmo huʼnanaʼmofeʼmo Ala kava neʼmoʼa aipamo leno nekateya kavaʼmo kagenopaleʼmo asagauno aiʼniye, huno ha paiʼniye.

Mai'naya kavane 24:16

Fatago vekamoʼmo seveniʼa afinaʼmo asagauno aisiyana halate afaʼa he tigiyaʼmonanafa hosu vayaʼmo hanageke yaʼmo aliteʼa alagi asagauʼa aigae.

Mai'naya kavane 29:25

Vayaʼaifeʼmo koli nehaya kavaʼmoʼmo aneʼaifiʼmo hegekana huno apatafaugiyaʼmonanafa Ala kava neʼmoʼa laha maegaiye, huʼa aliʼa amufa neʼamiya vayaʼmo alagepa huʼa maigae.

Mai'naya kavane 6:29

Alu vayaʼai aʼneʼeʼmo magokepi lokaeʼa havaesaya vayaʼmogimo ani agufa kavaʼmo hugae. Alu vekamo aʼeʼmo magokepi lokaeka havaesanana lusi kava huka vaiʼmo aligane.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Kolosi 3:9

Lapakaemo atafa vekatapimoʼmo atalege atafa vekatapimoʼa nehiya kavaʼmo atalege hutetapa saufa vekatapimo alita vaiʼnayaʼmofeʼmo konagatapieʼmo aigofe gemo osiyo. Gotiʼa saufa vekatapimo alo huʼniyanagetapa Gotina ageta aeto nehutapaeʼmo agaekana hutapa maisayafeʼmo saufa vekatapimo alino saufa vekamo hamaleno nelapate.