Aepa Gemae 20:16 - The Keyagana NT and 25 OT books

¹⁶ Selafeʼmo hunoʼaeʼmo, Ago, huno, Nagaemo kasakamoʼmo vani tauseniʼa siluva yafaʼmo amuve. Amuva kavatetiʼmo kagaetegamo afole aiʼniya kana yaʼmo aliʼna fako huvanageʼa kagaeʼeʼmo magokepi lokaeʼa maiʼnaya vayaʼmogiʼe muki vayaʼmogiʼeʼmo, Selaʼa hosu kavaʼmo osuʼniye, huʼa hisayafeʼmo ani miyaʼmo ago amuve. Ani gemo huʼniya geletiʼmo alino api aino ateʼniye.

Aepa Gemae 20:16 ပူးပေါင်းရင်းမြစ်များ

Aepa Gemae 20:17

Ala kava neʼmoʼa Selateʼmo afole aiʼniya kavatetiʼmo Amimeleki nofi vayaʼai aʼne anagaʼmogi apaipamo alino akani maleʼnigeʼa mafaʼnemo afaʼa aliʼa oʼateʼnae. Huʼniyaʼmofeʼmo Emalehamuʼa Gotifeʼmo nunumuʼmo huʼnigeno Gotiʼa Amimelekiʼagi aʼagi aliʼyaʼamo neʼaliya aʼne anaganagi huno mafaʼnemo aliʼa atesayafeʼmo alino kanale huno apateʼnigeʼa henagaʼamo mafaʼne aliʼa apateʼnae.

Aepa Gemae 20:5

Emalehamuʼa hunoʼaeʼmo, Nasaʼnimoʼae, huno huʼniye. Aʼamoʼeʼmo hunoʼaeʼmo, Emalehamuʼmo nasaʼnimoʼae, huno naha paiʼniyaʼmofeʼmo mani a kanomo aliʼnovana hosu kavaʼmo huʼnove, huʼna oʼageʼnove, huno ha paiʼniye.

Aepa Gemae 26:11

Inagi Amimalekiʼa muki vayaʼaeʼmo hapa painoʼaeʼmo, Haiya vekamoʼmo ani vekalegamofi aʼalegamofi huno hosu kavaʼmo hisiyana ani vekamo alagi kamitimo amagigeno falino, huno hapa paiʼniye.

Mai'naya kavane 12:1

Aliʼa aya neʼmalaya geʼapieʼmo hauʼniya vekamoʼmo afino aeto hisiya kavafeʼmo hauʼniyaʼmonanafa aliʼa api aiʼa atesaya geʼapieʼmo ohauʼniya vekamo negi vekamo maiʼniye.

Mai'naya kavane 25:12

Mago afiteno ageʼniya vekamoʼmo hunoʼaeʼmo, hosu kavaʼmo huʼnane, huno huʼnigeno ani gemo alagepa huno afiʼniya vekamo aulagaleʼmo alagepa goli konali yakana huno haneʼniye.

Mai'naya kavane 27:5

Kagaefeʼmo hosu kavaʼmo huʼnane, huno nehiya vekamoʼmo kagaefeʼmo hauʼniyana ge nosiya vekamo ago aeno aga seʼniye.

Yona 1:6

Sipifiʼmo aliʼyaʼmo neʼaliya vayaʼaiteʼmo yagaino neʼapateya vekamoʼmo ageyana Yonaʼa afaʼageʼmo au kaleno maiʼnigeno agetenoʼaeʼmo, Na kava higekaeʼmo kau kaleka maiʼnane. He tika kagaemo gotikamofeʼmo keya aeka ge huvo. Ofalisunafeʼmo afiteno laha maesifi laha oʼmaesifigi ge huka afi go, huno ha paiʼniye.

Leveleseni 3:19

Muki nahau nayamopafiʼmo nahauʼniya vayaʼaifeʼmo, hosu kavaʼmo nehae, huʼna huteʼna aliʼna api aiʼna neʼapatovaʼmofeʼmo lapayamukiki hutapa lapaipamo alita afe leyo.