Aepa Gemae 20:1 - The Keyagana NT and 25 OT books

¹ Emalehamuʼa aniletiʼmo ataleno hoga haopalegamo uno Kanesi taoniʼe Su koʼeʼmo aluga alugamo hanetaʼageno folagapiʼmo aʼamo Selaʼeʼmo maigeʼana halate inaleti atale uʼana Gela taonifiʼmo kalaga hageʼana uʼana kalaga vayaʼmo maiʼnaʼae.

Aepa Gemae 20:1 ပူးပေါင်းရင်းမြစ်များ

Aepa Gemae 10:19

Kenani nofi vayaʼai hakuʼapimo Saitoni taoniletiʼmo hanelinuno Kela taonimo katetiʼmo hanelinuno Gesa taoniletiʼmo hanelinuno Sotomi taonimo katetiʼmo hanelinuno Gomola taonilegatiʼmo hanelinuno Atama taonilegatiʼmo hanelinuno Yemovimi taoniletiʼmo hanelinuno muga Lasa taonileʼmo uʼniye.

Aepa Gemae 12:9

Henagaʼamo Emalemiʼe vayaʼaʼeʼmo ani kotetiʼmo ataleʼa lamaga haopalegamo uʼnae.

Aepa Gemae 13:1

Emalemiʼa asole kagemi yaʼamo pulumakagi sipisipigi siluva goli yafaʼagi huno haneʼniya vekamo maiʼniyana Isipi kotegamo ataleno muki ani yaʼamo aliteno uʼniye. Lotiʼeʼmo magokepi lokaeʼana Negevi kotegamo uʼnaʼae.

Aepa Gemae 14:7

Henagaʼamo halate aiʼa atagineʼa Katesi taonifilagamo uʼnae. Ani taonimo hogote agiʼamo Enimisapati taonie. Huteʼapaeʼmo Emaleki nofi vayaʼe Emo nofi vayaʼeʼmo kamemo huʼa aeʼa apaka seʼnae. Emo nofi vayaʼmo Hasasoni Tama taonifiʼmo maiʼnae.

Aepa Gemae 16:1

Emalemi aʼamo Selaiʼa mafaʼnemo alino oʼateʼniye. Selai aliʼyaʼamo neʼaliya a mafaʼnemo Isipi kotega a mafaʼnemo agiʼamo Hegaʼae.

Aepa Gemae 16:14

Ani kavaʼmo huʼniyaʼmofeʼmo ani meti aniʼmo agiʼamo Miya Lahai Loi anine, huʼa agi aeʼnae. Ani agimo aepaʼamo afaʼa maiʼneno neʼnageya vekamo anine. Hemenimo ani aniʼmo Katesi taonimo hanete Meleti taonimo hanete hutegeno folagapiʼmo haneʼniye.

Aepa Gemae 16:7

Hegaʼa mago kaʼmo Su haopalega uʼniya kateʼmo uno vayaʼmo oʼmaiʼnaya haopalega maiʼnigeno Ala kava neʼmoʼa enisole vekaʼamoʼmo mago meti aniʼmo aeno latino haine neʼeya yateʼmo agaetegamo afole aiʼniye.

Aepa Gemae 18:1

Henagaʼamo Mamale kotega alopa yosamo aepafiʼmo Ala kava neʼmo agaetegamo afole aiʼniyana Emalehamuʼmo lusi kava huno amuko huʼniya afinaʼmogeno seli noʼamo kipateʼmo itopaleʼmo fai maiʼniye.

Aepa Gemae 21:34

Inagi Emalehamuʼa kalaga hageno uno kalaga vekamoʼmo yatala afinaʼmo Filisatini vayaʼai mopaleʼmo maiʼniye.

Aepa Gemae 24:62

Ani afinaʼmo Aisakiʼa Negevi kotega ani keli kotuʼmo agiʼamo Miya Lahai Loi ani keli kotuteʼmo maiʼniyatetiʼmo eʼniye.

Aepa Gemae 25:18

Isameli aginago vayaʼmo Havila koʼe Su koʼeʼmo hanetegeʼa folagapiʼmo maiʼnae. Isipi koʼmo hanetegeʼa yegemo haine neʼeya haopalegamo Su koteʼmo maiʼnae. Apakaemo vayaʼapimogi folagapiʼmo maiʼnae.

Aepa Gemae 26:1

Emalehamu maiʼniya afinaʼmo neʼyafe kafu huʼnaya agufa kavaʼmo huno halate Kenani mopaleʼmo magoʼe huno kafu kavaʼmo afole aiʼniye. Inagi Aisakiʼa Filisatini nofi vayaʼaiteʼmo neʼyagaiya kini vekamo Amimalekiʼa maiʼniya taonimo Gela taonifilagamo uʼniye.

Aepa Gemae 26:20

Huʼniyaʼmonanafa aniʼmo ageʼnayaʼmofeʼmo Gela vayaʼai pulumakale neʼyagaiya vayaʼmogi Aisaki pulumakale neʼyagaiya vayaʼmo ge hapauʼnae. Gela vayaʼmogimo, lagae aniʼmae, huʼa huʼnayaʼmofeʼmo Aisakiʼa ani aniʼmo agiʼamo Eseke ani kotune, huno ateʼniye. Ani agimo aepaʼamo ge vaiʼnona aniʼmae.

Aepa Gemae 26:26

Amimalekiʼagi mago ao vekamo Ahusatiʼagi ati vayaʼaleʼmo yagaino apateʼniya vekamo Faikoliʼagi huʼa Gela kotegatiʼmo Aisakitegamo eʼnae.

Aepa Gemae 26:6

Inagi Gotiʼa ina ge huno ha paiʼniyaʼmofeʼmo Aisakiʼa ataleno oʼuno Gela mopaleʼmo afaʼa maiʼniye.

Samu 29:8

Agemo neʼaigenoʼaeʼmo kaʼme kotegamo alino atete huno neʼate. Ala kava neʼmoʼa Kenesi koʼmo alino atete huno neʼate.

Hatu maeno apate'niya gemae 15:22

Inagi Moseseʼa Isaleli vayaʼmo haesa solovala anitetiʼmo apavalelino kaʼme koʼmo Suva kotegamo uʼapaeʼmo loleʼe magoʼe afinaʼmo uʼnayaʼmonanafa aniʼmo alagi oʼageʼnae.

Napa 13:26

Apakaemo ataleʼa Mosesetegagi Elonitegagi muki Isaleli vayaʼaitegagi huʼa halate eʼnae. Mukiʼamo Kenesi taonimo haopaleʼmo Pelani koʼmo hau huʼniya koteʼmo maiʼnae. Apakaemo ageʼnaya kavafeʼmo hapa paiteʼa ani aliniʼa eʼnaya neʼyaʼmo aliʼa apave liʼnae.

Napa 20:16

Inagi lagaemo Ala kava neʼmoʼa laha maesiyafeʼmo ge huʼnonageno afitenoʼaeʼmo mago enisole vekaʼamo alino ateʼnigeno emineno Isipi kotegatiʼmo lavalelino eʼniye. Hemenimo lagaemo Kenesi taonifiʼmo kagae koʼmo hakuteʼmo haneʼniya taonifiʼmo eta maiʼnone.

1 Samiyo 15:7

Soloʼmo Amaleki vayaʼeʼmo hulineno Havila kotegatiʼmo aepa faiteno kamemo uno Suva kotega hau huʼniya koteʼmo kamemo huno aeno apaka seʼniye. Suva koʼmo hanetegeno yegemo haine neʼeya haopalegamo Isipi koʼmo haneʼniye.