Aepa Gemae 19:8 - The Keyagana NT and 25 OT books

⁸ Loleʼa mafaʼneʼnilaʼmo mago veʼeʼmo lokaeʼana ohavaeʼnaʼae. Nagaemo anavaleliʼna eminesugetapa lapakaemo lapauʼnisiya kavaʼmo anakaeʼeʼmo afaʼa hugae. Hugayaʼmonanafa ani lole vekalaʼmo noʼnifi havaesaʼafeʼmo eʼana maiʼnaʼanageʼna ani anakaeteʼmo alagepa huʼnagekeʼmo yagaiʼna anategauvaʼmofeʼmo anakaetegamo mago agufa kavaʼmo afaʼa alagi osugae, huno hapa paiʼniye.

Aepa Gemae 19:8 ပူးပေါင်းရင်းမြစ်များ

Aepa Gemae 18:5

Nagaemo uʼna mago lapakufamo hamaeno alino lokiya vaino lapatesiyafeʼmo aise neʼyaʼmo aliniʼneʼna lapamisugetapa netetapaekeʼmo henagaʼamo afaʼa ugae. Lapakaemo nagae noteʼmo eʼnayaʼmofeʼmae, huno hapa paiʼnigeʼapaeʼmo kanalenagi kagaemo ani kavaʼmo afaʼa huvo, huʼa ha paiʼnae.

Aepa Gemae 19:7

Vayaʼnimogitapae, huno, lapaoke hovanagi lapakaemo ani agufa hosu kavaʼmo osiyo.

Aepa Gemae 42:37

Lumeniʼa afoʼamofeʼmo ha painoʼaeʼmo, Mafaʼnekamo avaleka nagaemo namigeʼna afaʼa yagaiʼna ateteʼna avaleliʼna kagaetegamo halate egauve. Nagaemo avaleliʼna oʼmesugekaeʼmo mafaʼneʼnilaʼmo kamitimo anamagisanageʼana faligaʼae, huno huʼniye.

Hatu maeno apate'niya gemae 32:22

Eloniʼa hunoʼaeʼmo, Ala neʼnimogae, huʼna, kaipamo leka oʼnato. Kagaemo mani vayaʼmogi hosu kavaʼmo hisayafeʼmo hapauʼniya vayaʼmo maiʼnageka ago apakeʼnane.

Mai'naya kavane 9:7

Mago vekamoʼmo himuʼnamu vekamo alino api aino atesiyafe hugiyana agaiʼamo avagage yaʼmo aligiye. Mago vekamoʼmo hosu vekaeʼmo hosu kava nehane, huno hugiyana hosu yaʼmo aligiye.

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Maki 9:6

Lusi kava huʼa koli huʼa maiʼnayaʼmofeʼmo Pitaʼa na agufa gemo hugufi, huno agesa oʼafino fiku gemo huʼniye.

Lomu 3:8

Vaehae, huʼna, alagepa huʼa apakesa afiʼnaesinana alagepa kavaʼmo afole aisiyafeʼmo hosu kavaʼmo higetao, huta afaʼa nehunesine. Ani gemo afaʼa osugunaʼmonanafa mago vayaʼmogi lagaefeʼmo huʼapaeʼmo, ani gemo nehae, huteʼa huʼa faipa huʼa nelatae. Gotiʼa mani vayaʼaifeʼmo, hosu vayane, huno huteno agoti huno apategaiye. He, alagi lama gemo hugiye.