Aepa Gemae 19:5 - The Keyagana NT and 25 OT books

⁵ Apakaemo Lotifeʼmo keya aeʼa ge huʼapaeʼmo, Ani kagaeʼeʼmo havaesaʼafeʼmo eʼnaʼa vekalaʼmo haiyate maiʼnaʼae. Ani lole vekalaʼmo alika anategeʼana kumategamo emi esaʼageta anakaeʼeʼmo kumai kavaʼmo hugesune, huʼa ge huʼnae.

Aepa Gemae 19:5 ပူးပေါင်းရင်းမြစ်များ

Aepa Gemae 19:6

Inagi Lotiʼa kipatetiʼmo kumatega uno nelaminoʼaeʼmo akamelegatiʼmo kita ki maleteno,

Aiyeya 1:9

Aiyeyaʼa hunoʼaeʼmo, Ala kava neʼmoʼa asole vayaʼaiteʼmo yagaino apateʼniya Gotiʼa aise aise huno logufaʼa vayaʼmo olateʼniyesinana Satomi taonifi maiʼnaya vayakana huta maige Gomola taonifi maiʼnaya vayakana huta maige huʼnonesine, huno huʼniye.

Aiyeya 3:9

Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.

1 Kolitiyani 6:9

Hosu kavaʼmo nehaya vayaʼmogimo Gotiʼa yagaino neʼapateya koteʼmo uʼa haiʼa oʼmaigae, hutapa oʼafiʼnafiye. Lapakaitapieʼmo humi olapateyo. Kumai kavaʼmo nehaya vayaʼmofi aigofe gotiʼapimogi apakame nehaya vayaʼmofi alu vayaʼai aʼnemo apayate neʼaliya vayaʼmofi vemogi aʼnegana huʼa kumai kavaʼmo nehaya vayaʼmofi negafo negafo huteʼa magokepi lokaeʼa neʼmaiya kavaʼmoʼa kumai kavakana agufa kavaʼmo nehaya vayaʼmofi

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

2 Pita 2:2

Asole vayaʼmo alino hosu huno apatesiya gemo akame hugayaʼmofeʼmo mago vayaʼmogimo alagepa kaʼmo alino apave neliya lama gelefeʼmo huʼa faipa huʼa ategae.

2 Pita 2:7

Lotiʼa fatago vekamo maiʼneno muki keʼaepa gemo amagiʼa ataleteʼa kumai kavaʼmo huʼnageno apaketenoʼaeʼmo aipamoʼmo lusi kava huno kana huʼniye.

Yuti 1:7

Sotomi taonifiʼmo maiʼnaya vayanagi Gomola taonifiʼmo maiʼnaya vayanagi ani lole taonilaʼmo haopaleʼmo haneʼniya taonifiʼmo maiʼnaya vayanagi huʼa apakaiʼapimo ani agufa kumai kavaʼmo huʼa maiʼneʼapaeʼmo aeto agufa hosu kavaʼmo huʼa vemogimo ve apafalugimo alige aʼnemogimo aʼne apafalugimo alige huʼa maiʼnayaʼmofeʼmo muki vayaʼmogimo ageteʼapaeʼmo koli hisayafeʼmo Gotiʼa alopa ata kayoʼmo yu oseno lege lege huno neleya ata kayotetiʼmo apamagiʼnigeno leno pasaga liʼniye.