Aepa Gemae 19:34 - The Keyagana NT and 25 OT books

³⁴ Inagi egaʼamo yege a mafaʼneʼamoʼmo aganaʼamofeʼmo ha painoʼaeʼmo, Ega haniʼilagamo afoʼnimoʼeʼmo magokepi lokaetaʼa havaeʼnoʼae. Hemeni haniʼilagamo halate nofi alagafati aniʼmo amisuʼageno neteno negi nagi nehisigeka kagaemo uka ani kava huka agaeʼeʼmo magokepi lokaeka havaegane. Kagaemo mafaʼnemo alika atesanageʼapaeʼmo agae nofi vayaʼmo hano osuʼa afaʼa maigae, huno ha paiʼniye.

Aepa Gemae 19:34 ပူးပေါင်းရင်းမြစ်များ

Aepa Gemae 19:33

Inagi ani haniʼilagamo nofi alagafati aniʼmo amiʼnaʼageno netenoʼaeʼmo negi nagi huʼniye. Ani kavaʼmo huʼnigenoʼaeʼmo yege a mafaʼneʼamo uno agaeʼeʼmo magokepi lokaeno havaeʼniyaʼmonanafa Lotiʼmo a mafaʼneʼamo eno havaeʼniya kavaʼmo oʼagege he tino uʼniya kavaʼmo oʼagege huʼniye.

Aepa Gemae 19:35

Inagi haniʼilagamo anakaemo afoʼanimoʼmo halate ani kavaʼmo huʼana nofi alagafati aniʼmo amiʼnaʼageno netegeʼanaeʼmo aganaʼamoʼeʼmo magokepi lokaeʼana havaeʼnaʼae. Agaemo a mafaʼneʼamo eno havaeʼniya kavaʼmo oʼagege he tino uʼniya kavaʼmo oʼagege huʼniye.

Aiyeya 3:9

Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.