Aepa Gemae 19:2 - The Keyagana NT and 25 OT books

² Agaemo hunoʼaeʼmo, Ala vekalane, huno, nagae notegamo eʼao. Nagae nopiʼmo etana lanaiyamo sese hutesaʼageta havaegaune. Inagi netepiʼmo he titana ugaʼae, huno huʼniyana, Haʼao, laʼagaemo manileʼmo aliʼa anupa huʼa neʼmaiya yateʼmo havaegauʼae, huʼana huʼnaʼaʼmonanafa

Aepa Gemae 19:2 ပူးပေါင်းရင်းမြစ်များ

Aepa Gemae 18:4

Kahaoke hove. Nagaemo aniʼmo hefiliʼneʼna lapaiyamo sese huʼna lapatetenagetapa yosa aepafiʼmo maitapa haga legae.

Aepa Gemae 19:1

Lotiʼa uneʼmo Satomi taonile yafa lafi kegiʼyamo alopa kipateʼmo fai maiʼnigeʼanaeʼmo lole enisole vekalaʼmo Emalehamutegamo eʼnaʼa vekalaʼmo agaetegamo eʼnaʼageno anaketenoʼaeʼmo he tino uno anakaeteʼmo aleʼyaʼmo faino ape huʼniye.

Aepa Gemae 19:3

Lotiʼa lokiya gefatiʼmo magoʼe gemo hunoʼaeʼmo, ugune, huno huʼnigeʼana ataleʼana agae notegamo uʼa noʼafiʼmo uʼa haiʼnae. Lotiʼa yisimo oʼateʼniya peleti mayamo kaeteno alopa neʼyaʼmo kaeno anateʼnigeʼana neʼnaʼae.

Aepa Gemae 24:31

Lepaniʼa hunoʼaeʼmo, Ala kava neʼmoʼa alino auleno kateʼniya vekae, huno, Na kava higeka malaga he tika maiʼnane. Nopiʼmo ago aliʼna kanale huge kamolu anagakaʼmo maisaya yaʼmo aliʼna kanale huge hu maleʼnovanagi eno, huno ha paiʼniye.

Aepa Gemae 43:24

Huʼnigeno apakaemo Yosefe nopiʼmo apavalelino uno haiʼniye. Agaemo apaiyamo sese hisayafeʼmo ani he fino apamiteno noki anagaʼapimo neʼyaʼmo apamiʼniye.

2 Samiyo 11:8

Neviniʼa Yulaiyafeʼmo ha painoʼaeʼmo, Hemenimo nokalegamo uka aniʼmo faletaleka maika haga lo, huno ha paiʼnigeno Yulaiyaʼa kini vekamo noʼamo ataleno kumatega uno lamiʼniye. Neviniʼa Yulaiyaʼmo fiku ha maeno amisiyafeʼmo mago vekamo mago yaʼmo amiteno Yulaiyategamo alino ategeno alinino uʼniye.

Mai'naya kavane 25:17

Muki afinaʼmo kahaopaleʼmo maiʼniya vekamo nopiʼmo uka ohaiyo. Fiku yanageno kagaefeʼmo alagaʼmo haesigeno kagaefeʼmo ohaugiyanagi.

Salomoni Yokemae 5:3

Nagaemo kukenaʼnimo ago asagiʼna ataleʼnovanageʼna halate haiya kava huʼna aliʼna vaiguve. Nagaemo naiyaʼnimo ago sese hu maleʼnovanageʼna halate he tiʼna uʼneʼna hisugeno naiyaʼnileʼmo oʼaniʼya faigiye, huʼna ha paiʼnove.

Luki 7:44

ani a kanomo aino afe leno aulu haeʼniye. Saimonifeʼmo hunoʼaeʼmo, mani a kanomo ageʼnapiye. Nokafiʼmo eʼna hai neʼnogekaeʼmo naiyamo sese hisuvafeʼmo aniʼmo he fika oʼnamiʼnanaʼmonanafa mani a kanomoʼmo aunuletiʼmo naiyamo sese huno nateteno ayokatetiʼmo alino kalopaeno nateʼniye.

Apa 16:15

Lagaemo agaeʼe noʼafiʼmo maiʼnaya vayaʼeʼmo aniʼmo faleta apateʼnonagenoʼaeʼmo, Agaemo hunoʼaeʼmo, Nagaefeʼmo hutapaeʼmo, Ala kava nefeʼmo aigofe osuʼniyanageta afaʼa alita amufa amigune, hutapa lapakesamo afiʼnisayaʼmoʼmo mani taonifiʼmo maiʼnetapaeʼmo nagae nopiʼmo etapa maiyo, huno laha paiʼniye.

Himulu 13:2

Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.