Aepa Gemae 19:16 - The Keyagana NT and 25 OT books

¹⁶ Ha paiʼnaʼaʼmonanafa Lotiʼa malage huno he tino oʼuʼnigeʼanaeʼmo lole vekalaʼmoganimo Loti ayatenagi aʼamo ayatenagi lole a mafaʼneʼalaʼmogani anayatenagi huʼana aliteʼana apavaleli uʼana taonimo malaga apateʼnaʼae. Ala kava neʼmoʼa Lotifeʼmo hau huno ateʼniyaʼmofeʼmae.

Aepa Gemae 19:16 ပူးပေါင်းရင်းမြစ်များ

Aepa Gemae 19:15

Konetigeʼanaeʼmo lole enisole vekalaʼmoganimo Lotifeʼmo, malage huka he tika akaʼe a mafaʼnekalaʼenagi huka apavaleteka mani taonifatiʼmo ataletapa viyo. Fiku yanageno lapakaeʼe mani taonifi maiʼnaya vayaʼeʼmo magokepi atamoʼmo leno lapasagaligiye, huʼana ha paiʼnaʼae.

Aepa Gemae 43:10

Lagaemo manileʼmo yatala afinaʼmo oʼmaiʼnonesinana napa tu afinaʼmo ago uteta eta maiʼnonesine, huno huʼniye.

Samu 103:13

Afoʼapimogi mafaʼne anagaʼapieʼmo hapau huʼa neʼapataya kava huno Ala kava neʼmoʼa agaefeʼmo koli huteʼa mono nehaya vayaʼaifeʼmo hau huno neʼapate.

Samu 106:1

Ala kava neʼmo agiʼaleʼmo alita asaga hiyo. Alagepa vekamo maiʼniyaʼmofeʼmo hao ke heyo. Muki afinaʼmo hau huno apatege apatege huno neʼmaiye.

Samu 106:8

Amagiʼa ataleʼnayaʼmonanafa lapa maegauve, huno huʼniya gemo akame huno himamuʼamo alino apave lisiyafeʼmo apakufamo alino katino apateʼniye.

Samu 107:1

Ala kava neʼmo alagepa vekamo maiʼneno muki afinaʼaeʼmo hau huno apatege apatege huno maigiyaʼmofeʼmo agaefekeʼmo hao ke heyo.

Samu 111:4

Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

Samu 118:1

Ala kava neʼmo alagepa vekamo maiʼniyaʼmofeʼmo agaefekeʼmo hao ke heyo. Hau huno neʼapateyanageno muki afinaʼaeʼmo hau huno apatege apatege huno maigiye.

Samu 119:60

Hiyo, huka laha paiʼnana gemo akame hisuvafeʼmo afaʼa oʼmaiʼna malage huʼna he tiʼna akame huʼnove.

Samu 136:1

Ala kava neʼmo alagepa Gotiʼmo maiʼniyaʼmofeʼmo hao ke heyo. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 32:10

Hosu vayaʼmo lusi kava huʼa kana yaʼmo aligayaʼmonanafa Ala kava nefeʼmo aliʼa amufa amiʼnaya vayaʼaifeʼmo hau huno neʼapateya kavaʼamoʼmo yagaino vego huno apategaiye.

Samu 34:12

Alagepa hutapa yatala afinaʼmo maiʼnetapa lapamogaga aisayafeʼmo lapauʼnifiye.

Hatu maeno apate'niya gemae 34:6

Ala kava neʼmo Mosese aulagaleʼmo neʼunoʼaeʼmo, Nagaemo Ala kava neʼmo Gotiʼnamae nagaemo Ala kava neʼmo Gotiʼnamae. Nagaemo nahau nayamopafiʼmo nahauge fikumo hapa maeʼna apamige malage huʼna naipamo leʼna oʼapatege lusi kava huʼna nahau huʼna apatege geʼnimo akame huge huʼna neʼmauve.

Hatu maeno apate'niya gemae 34:7

Nagaemo nahau huʼna neʼapatova kavateʼmo yagaiʼnovanageʼna tauseni tauseniʼa vayaʼaifeʼmo nahau huʼna apategauve. Nagaemo himuʼnamu kavanagi keʼaepa geʼnimo amagiʼa neʼatalaya kavanagi hosu kavaʼapigi huʼna aliʼna neʼatalove. Neʼatalovaʼmonanafa vaiʼapimo haneʼniya vayaʼmo afaʼa apakegeʼna oʼapategauve. Nagaemo afoʼapimogimo huʼnaya hosu kavaʼapilefeʼmo mafaʼne anagaʼapigi lotoʼapimogiʼe apakinago vayaʼenagi huʼna kayoʼmo apamiguve, huno ha paiʼniye.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Napa 14:18

Nagaemo Ala kava neʼmoʼnamo malage huʼna naipamo olege lusi kava huʼna nahau huʼna apatege hosu kavaʼapiʼe geʼnimo amagiʼa neʼatalaya kavaʼapiʼeʼmo aliʼna atalege nehuve. Neʼatalovaʼmonanafa vaiʼapimo haneʼniya vayaʼmo afaʼa apakegeʼna oʼapategauve. Nagaemo afoʼapimogimo huʼnaya hosu kavaʼapiletiʼmo mafaʼne anagaʼapigi lotoʼapimogiʼenagi apakinago vayaʼenagi huʼna kayoʼmo apamiguve, huka huʼnane.

Luki 18:13

Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Yoni 6:44

Magoke vekamoʼa agaiʼamo nagaetegamo afaʼa oʼmegaiyaʼmonanafa Afoʼnimoʼmo alino nateʼnigeʼna emiʼneʼnova vekamokeʼmo ayate heno avayu hulino esigenoʼaekeʼmo nagaetegamo egaiye. Nagaetegamo esigeʼnaeʼmo ma mopamo hano hisiya afinaʼmo aliʼna he tiʼna ategauve.

Lomu 9:18

Ani kavatefeʼmo Gotiʼa ina lagifeʼmo hau huno apatesifigeno hauʼniyanageno afaʼa hau huno apategaiye. Ani kava huno ina lagimo apaipamo alino akanino apatesifigeno hauʼniyanageno apaipamo afaʼa alino akanino apategaiye.

2 Kolitiyani 1:3

Ala kava netimo Yesu Kalaisi Afoʼamoʼmo alita auleta ategetao. Agaemo hau huno nelateya kavaʼmo Afoʼamoʼmo maiʼneno muki afinaʼmo laha maeno laipamo alino lokiya vaino nelateya vekamo maiʼniye.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

Yasuva 6:22

Apaiʼnayaʼmonanafa Yasuvaʼa ani lole vekalaʼmo akeyaʼvilagamo alino anateʼnigeʼana eʼana ani koʼmo ageʼana alagepa huʼnaʼa vekalaʼanifeʼmo hana painoʼaeʼmo, Lanakaemo ani kate a kanomo nopiʼmo haitana agaeʼe afamo anagaʼaʼeʼmo lanakaemo lanagoʼyamo ataletana polomasi gemo ago hu maleʼnaʼa agufa kavaʼmo hutana apavalelitana eʼao.

2 Pita 2:7

Lotiʼa fatago vekamo maiʼneno muki keʼaepa gemo amagiʼa ataleteʼa kumai kavaʼmo huʼnageno apaketenoʼaeʼmo aipamoʼmo lusi kava huno kana huʼniye.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.