Aepa Gemae 19:1 - The Keyagana NT and 25 OT books

¹ Lotiʼa uneʼmo Satomi taonile yafa lafi kegiʼyamo alopa kipateʼmo fai maiʼnigeʼanaeʼmo lole enisole vekalaʼmo Emalehamutegamo eʼnaʼa vekalaʼmo agaetegamo eʼnaʼageno anaketenoʼaeʼmo he tino uno anakaeteʼmo aleʼyaʼmo faino ape huʼniye.

Aepa Gemae 19:1 ပူးပေါင်းရင်းမြစ်များ

Aepa Gemae 11:27

Mani gemo Tela aginago vayaʼaifeʼmo huʼniye. Telaʼa Emalemiʼagi Nahoʼagi Halaniʼagi huno alino apateʼniye. Halaniʼa Lotiʼmo alino ateʼniye.

Aepa Gemae 13:12

Emalemiʼa Kenani mopaleʼmo maiʼnigeno Lotiʼmo uno otu koʼmo Sotomi taonimo haopaleʼmo seli noʼmo alino he tino ateʼniye.

Aepa Gemae 18:16

Inagi ani loleʼe magoʼe ve anagaʼmo aniletiʼmo he tiʼa Satomi taonifilagamo aulu heteʼa visayafeʼmo huʼnagenoʼaeʼmo Emalehamuʼa apavalelino uno kategatiʼmo apatesiyafeʼmo magokepiʼmo lokaeʼa uʼnae.

Aepa Gemae 18:22

Inagi lole vekalaʼmo Satomi taoni kateʼmo utaʼageno Emalehamuʼa Ala kava neʼmo aulagaleʼmo he tino maiʼneno Ala kava neʼmo haopaleʼmo uno ina ge huno ge huno afi geʼniye, kagaemo fatago vayaʼe hosu vayaʼeʼmo magokepi alika hano huka apatalesanafeʼmo nehapiye.

Aepa Gemae 19:10

Huʼnayaʼmonanafa lole vekalaʼmoganimo anayaʼmo atalaʼageno emineʼnigeʼana Lotiʼmo heʼana avayu huliʼana nopilagamo uʼana nehaiʼanaeʼmo kitamo kiʼnaʼae.

Aepa Gemae 19:2

Agaemo hunoʼaeʼmo, Ala vekalane, huno, nagae notegamo eʼao. Nagae nopiʼmo etana lanaiyamo sese hutesaʼageta havaegaune. Inagi netepiʼmo he titana ugaʼae, huno huʼniyana, Haʼao, laʼagaemo manileʼmo aliʼa anupa huʼa neʼmaiya yateʼmo havaegauʼae, huʼana huʼnaʼaʼmonanafa

Aepa Gemae 23:12

Inagi Emalehamuʼa ani gemo afitenoʼaeʼmo ani vayaʼai apaulagaleʼmo ape huʼniye.

Aepa Gemae 48:12

Inagi Yosefeʼa Yekopu alutalateʼmo mafaʼneʼalaʼmo anavaleno alino he tino anateteno mopafiʼmo aleʼya faiʼneno ape huʼniye.

Samu 69:12

Kateʼmo aliʼa anupa huʼa maiʼnaya vayaʼmogi huʼa faipa huʼa nateʼnae. Alopa aniʼmo neteʼa negi nagi gemo nehaya vayaʼmogimo nagaefeʼmo yokemo nehae.

Luki 17:28

Ani kavaʼmo huʼa Lotiʼa maiʼniya afinaʼmo neʼyaʼmo nege aniʼmo nege mago yaʼmo miya faige maketi huge hoyamo vaige noʼmo kige hume hume neʼagenoʼaeʼmo

Himulu 13:2

Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.

Luti 4:1

Movasiʼa taonimo yafa lafi kegiʼyaleʼmo aliʼa anupa huʼa neʼmaiya yateʼmo uno itopaleʼmo maiʼniye. Maiʼnigeno mago vekamo Elimeleki nofi vayapati vekaeʼmo Movasiʼa ava gemo huʼniya vekamo eʼnigeno ageteno Movasiʼa keya aeno ge hunoʼaeʼmo, Veʼnimo, huno, Eka manileʼmo itopaleʼmo maiyo, huno ha paiʼnigeno eno itopaleʼmo maiʼniye.