Aepa Gemae 18:14 - The Keyagana NT and 25 OT books

¹⁴ Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Aepa Gemae 18:14 ပူးပေါင်းရင်းမြစ်များ

Aepa Gemae 17:16

Nagaemo aliʼna auleʼna atesugeno ve mafaʼnekamo alino atesigeʼna magoʼe huʼna aliʼna auleʼna atesugeno asole nofi vayaʼe kini vayaʼmogi itaʼapimoʼeʼmo maigiye, huno ha paiʼnigeno.

Aepa Gemae 17:21

Hiyaʼmonanafa mani agufa afinaʼmo henagaʼamo afole aisiya kafugafiʼmo Selaʼa Aisakiʼmo alino atesiya ve mafaʼnekaʼeʼmo kotalakeʼnimo hu malegauve,

Aepa Gemae 18:10

Apakaepatiʼmo mago vekamoʼmo hunoʼaeʼmo, anaga kafugamo mani agufa kaileʼmo halate kagaetegamo esugeno akamo Selaʼmo ve mafaʼnemo alino ategaiye, huno ha paiʼnigeno Selaʼmo ani vekamo akamelega seli noʼmo kipateʼmo maiʼneno ani huʼniya gemo afiʼniye.

Aepa Gemae 18:13

Ala kava neʼmoʼa Emalehamufeʼmo, Selaʼmo na kava higenoʼaeʼmo kigi nehunoʼaeʼmo, ago anekalo leʼnovanageʼna haiya kava huʼna mafaʼnemo aliʼna ategauve, huno agesa neʼafiye.

Aepa Gemae 18:15

Ha paiʼniyaʼmonanafa Selaʼmo koli huʼniyaʼmofeʼmo kigi osuʼnove, huno huʼnigenoʼaeʼmo Ala kava neʼmoʼa, he, huno, ago kigi huʼnane, huno ha paiʼniye.

Aepa Gemae 21:1

Ala kava neʼmoʼa Selaʼmo ve mafaʼnemo alino ategaiye, huno polomasi gemo huno ha paiʼniya geleʼmo akame huno emineno ha maeʼniye.

Aepa Gemae 21:2

Ha maeʼnigeno Selaʼa aipaguʼeʼmo maiteno Emalehamuʼmo ago kosunamo leʼniya afinaʼmo Gotiʼa akeyaʼvilagamo lekana paino ateʼniya afinaʼmo ve mafaʼneʼamo alino ateʼniye.

2 Kini 4:16

Ilaisaʼmo a kanoeʼmo ina gemo huno ha painoʼaeʼmo, Henaga kafugamo mani agufa kaileʼmo ve mafaʼnekamo anu kigane, huno ha paiʼnigeno, Haʼao, huno, Ala vekaʼnimogae, Goti vekaʼamogae, huno, nagaefeʼmo aigofe gemo osuvo, huno ha paiʼniye.

Samu 90:13

Ala kava nene, huʼna, aika atagi neka lagaetegamo eno. Na magi afinaʼmo kaipamo leka lategane. Aliʼyakamo neʼaluna vayakaeʼmo kahau huka lato.

Samu 93:1

Ala kava neʼmo kini vekamo maiʼneno yagaino neʼapate. Agaemo ala agiʼaʼe ha le konali yaʼaʼeʼmo vaino aliʼniye. Lokiyaʼamo kukenagana huno vaino aliʼniye. Agaemo ma mopamo alino lokiya vaino ateʼniyanageno kanage kanage osugiye.

Samu 95:3

Ala kava neʼmo alagi ala Gotiʼapimoʼmo maiʼniye. Ala kini vekamo maiʼneno muki aigofe gotiʼapimogimo alagi aeno apakaseno yagaino neʼapateyaʼmofeʼmo mono yokemo higetao.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Napa 11:23

Ala kava neʼmoʼa Mosesefeʼmo ha painoʼaeʼmo, Nagaemo lokiyaʼnimo hano huʼnifiye. Hemenimo kaha paiʼnova kavaʼmo afole aisifi oʼaisifigeka agegane.

Matiyu 14:31

Yesuʼa malage huno eno ayateʼmo alino he tino atetenoʼaeʼmo, aiseʼamo kagesamo afika fatago nehana vekagi na kava higekaeʼmo lole kagesamo neʼafine, huno ha paiʼniye.

Matiyu 19:26

Yesuʼa aulu hapaeno apaketenoʼaeʼmo, vayaʼmogimo alagi osisaya agufa kavaʼmo Gotiʼa muki ani agufa kavaʼmo afaʼa hugiye, huno hapa paiʼniye.

Matiyu 3:9

Lapakaemo hutapaeʼmo, Emalehamuʼa lagaiti laginago vekatimo maiʼniye, hutapa lapakesamo oʼafiyo. Gotiʼa mani yafapatiʼmo Emalehamu aginagoʼamo afaʼa alino hamaleno apategaiye.

Maki 10:27

Yesuʼa aulu hapaeno apaketenoʼaeʼmo, vayaʼmogimo ani kavaʼmo afaʼa osugayaʼmonanafa Gotikeʼmo ani kavaʼmo afaʼa hugiye, huno hapa paiʼniye.

Luki 1:13

enisole vekamoʼmo hunoʼaeʼmo, Sekalaiyasiyo, huno, koli osuvo. Nunumuʼmo huʼnana gemo Gotiʼa ago afiʼniyanageno akamo Ilisameteʼmo ve mafaʼnemo alino ategaiye. Agiʼamo Yoniʼae huka ato.

Luki 1:18

Sekalaiyasiʼmo enisole vekaeʼmo hunoʼaeʼmo, kagaemo nehana lama geeʼmo haiya agufa kavaʼmo huʼna alagi lama gemo nehane, huʼna afiguve. Nagaemo ago kosuna leʼnogeno aʼnimo ago anekalo leʼniye, huno ha paiʼnigenoʼaeʼmo,

Luki 1:37

Gotiʼa mago kavaʼmo afaʼa osisiya agufa kavaʼmo ohaneʼnifa muki kavaʼamo afaʼa hugiye, huno ha paiʼnigeno

Luki 8:50

Yesuʼa afitenoʼaeʼmo, koli osuka nagaefekeʼmo kagesamo afika fatago hugenoʼao aʼmafaʼnekamo afaʼa alagepa huno maino, huno ha paiʼniye.

Lomu 4:21

Agaemo Gotiʼa, huguve, huno huʼniya polomasi geeʼmo lokiya vaino magoke agesamo afiʼnenoʼaeʼmo, ani kavaʼmo afaʼa hugiye, huno huʼniye.

Efasasi 3:20

Lagaemo agaefeʼmo ge hutaeʼmo, ani kavaʼmo huvo, huta afi nekona kavaʼmo agaemo afaʼa hugiye, huta lagesamo neʼafuna kavaʼeʼmo afaʼa hugiye. Afaʼa magoʼe huno ge huta afi nokona kavaʼe lagesamo noʼafuna kavaʼeʼmo laipafiʼmo aliʼyaʼmo neʼaliya himamuʼaletiʼmo magoʼe huno afaʼa hugiye.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Himulu 11:19

Agaemo hunoʼaeʼmo, Gotiʼa himamuʼaletiʼmo falisiya kavapatiʼmo afaʼa alino he tino ategaiye, huno agesamo afitenoʼaeʼmo aune kavaʼmo huno faliʼniyatetiʼmo halate avaleʼniye.

1 Samiyo 14:6

Inagi Yonataniʼmo kame hisaya yaʼamo neʼaliya neya vekaeʼmo ha painoʼaeʼmo, Eno, huno, laʼagaeʼmo malaga vayaʼmo Goti gemo noʼafiya ati vayaʼai seli noʼapilegamo uguʼae. Ala kava neʼmoʼa laʼaha maesifigetaʼae. Ala kava neʼmoʼa asole vayaʼaitetiʼmo mukiʼamogita lagufamo alino katino latesifi aise vayaʼaitetiʼmo mukiʼamogita lagufamo alino katino latesifi hugiyaʼmofeʼmo mago yaʼmoʼa kaʼmo afaʼa akanino oʼategaiye, huno ha paiʼniye.