Aepa Gemae 17:5 - The Keyagana NT and 25 OT books

⁵ Kagikamo magoʼe huno Emalemigae huno ohanegaiye. Hemenimo kagikamo Emalehamugae, huno hanegaiye. Asole nofi vayaʼai afoʼapimogamo aliʼna hamaleʼna kateʼnovaʼmofeʼmae.

Aepa Gemae 17:5 ပူးပေါင်းရင်းမြစ်များ

Aepa Gemae 17:15

Inagi Gotiʼa Emalehamufeʼmo ina ge huno hapaiʼniye. Ha painoʼaeʼmo, akaefeʼmo Selaiʼae huka agi oʼaeka hemenimo Selaʼae huno agi aegane.

Aepa Gemae 32:28

Inagi ani vekamoʼmo hunoʼaeʼmo, hemenimo Yekopugae kagimo magoʼe huno ohanegaiye. Kagaemo neʼyagaina vekamo maiʼneka Gotiʼeʼmo kayamukiki nananageka vayaʼaina ago aeka apaka seganaʼmofeʼmo saufa kagikamo Isaleligae huʼa aegae. Isaleliʼae agimo aepaʼamo yagaino apateʼniya vekamae.

Aepa Gemae 32:29

Yekopuʼa, kahaoke hovanagi kagikamo aeka naha paiyo, huno ge huno afi geʼnigenoʼaeʼmo, na kava higekaeʼmo nagiʼnieʼmo nafi nekane, huno huteno alino auleno ateʼniye.

Aepa Gemae 35:10

Gotiʼa Yekopufeʼmo, Hemenimo Yekopugae, huʼa kagi neʼayaʼmonanafa henagaʼamo halate magoʼe huʼa Yekopugae huʼa kagi oʼaegafa Isaleligae huʼa kagi aegae, huno ha paiteno ani Isaleliʼae huno ateʼniya agimo aeʼniye.

Aiyeya 65:15

Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.

Napa 13:16

Moseseʼmo Kenani kotegamo uʼa ageʼa alagepa hisayafeʼmo alino apateʼnigeʼa uʼnaya vayaʼmogi apakiʼapimo haneʼniye. Moseseʼmo Hoseyaʼa Nani mafaʼneeʼmo Yasuvaʼae huno agi aeʼniye.

Yoni 1:42

Eʼnaluʼa Saimoniʼmo avalelino Yesutegamo uʼniye. Yesuʼa Saimoniʼmo agetenoʼaeʼmo, Saimoniyo, huno, Yoni mafaʼneʼamo maiʼnane. Kagikamo Sifasigae huʼna katove, huno ha paiʼniye. Sifasiʼa ina kava huno Pitaʼae agimo aepaʼamo yafane.

Lomu 4:17

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Muki nofi vayaʼai apakinago afoʼapimoʼmo aliʼna afole aiʼna kateʼnove, huno hu maleʼniye. Ani gemo huno hu maleʼniya afinaʼmo Goti aulagaleʼmo Emalehamuʼa mukiʼamogita afotimoʼmo afole aiʼniye. Agaemo Gotifeʼmo agesamo afino fatago huʼnenoʼaeʼmo faliʼnaya vayaʼmo alino he tino apatege ohaneʼniya yafeʼmo, haneʼniye, huno huge nehiya Gotifeʼmo agesamo afino fatago huʼniye.

Leveleseni 2:17

Agesamo haneʼnisiya vekamoʼmo Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Nagaemo kamemo huʼa aeʼa apakasaya vayaʼmo kokuʼnapi fala kino haneʼniya neʼyaʼmo agiʼamo mana neʼyaʼmo apamiguve. Apamiteʼna yaveyave yafateʼmo saufa agiʼamo avoʼmo kaeʼna apamiguve. Ani saufa agiʼamo muki vayaʼmogimo oʼafisageʼa ani yafaʼmo aliʼnisaya vayaʼamogigeʼmo afigae.