Aepa Gemae 17:2 - The Keyagana NT and 25 OT books

² Nagaemo kagaeʼeʼmo kotalakemo hu maleteʼna kaginago mafaʼnekamo asole vayaʼmo aliʼna afole aiʼna apategauve, huno ha paiʼnigeno

Aepa Gemae 17:2 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 13:16

Nagaemo kaginago vayaʼmo ani kahaepagana agufa vayaʼmo aliʼna afole aiʼna apategauve. Apatesuva vayaʼmo ani kahaepamo vayaʼmogimo lekana nopai kava huʼa kaginago vayaʼmo afaʼa lekana opaigae.

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Aepa Gemae 15:5

Ha paiteno kumatega avalelino uno lamino ina ge huno ha paiʼniye. Kokuʼnategamo alika aulu heka ago. Kanefiʼmo afaʼa lekana paisapigi lekana paika ago. Asole kanefiʼmo haneʼniya kava huʼa kaginago vayaʼmo afole aiʼa maigae, huno ha paiʼniye.

Aepa Gemae 22:17

nagaemo aliʼna auleʼna kateʼnaeʼmo aliʼna auleʼna kategauve. Nagaemo kaginago vayaʼmo aliʼna afole aiʼna apatesuva vayaʼmogimo kokuʼnate kanefikana huʼa afole aige ani kahaepagana huʼa afole aige hugae. Kaginago vayaʼmogimo kame vayaʼapimo kamemo huʼa aeʼa apaka seteʼa taoniʼapimo aligae.

Aepa Gemae 28:3

Gotiʼa muki lokiyaʼamo haneʼniya vekamoʼmo alino auleno katesigeka asole mafaʼnemo alika apatesanageʼa asole vayaʼmo aliʼa alu aiʼa maigae.

Aepa Gemae 9:9

Afiyo, huno, nagaemo lapakaeʼe afole aisaya lapakinago vayaʼenagi huʼna kotalakemo hu malove.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Lomu 9:4

Apakaemo Goti vayaʼamo Isaleli nofi vayaʼmo maiʼnagenoʼaeʼmo, mafaʼneʼnimo maiʼnae, huno huteno agaiʼamo ha le konali vekamoʼmo apakaeʼeʼmo magokepi lokaeno maiʼniye. Gotiʼa apakaefeʼmo kotalakeʼamo hapa paime hapa paime ege keʼaepa geʼamo apamige mono kavaʼmo alino apave lige lapa maegauve, huno hapa paiʼniya polomasi geʼamo hapa paige huno maiʼniye.