Aepa Gemae 17:17 - The Keyagana NT and 25 OT books

¹⁷ Emalehamuʼa augosalegatiʼmo asagauno aino ati kaeno maiʼneno kigi nehunoʼaeʼmo aipafiʼmo agesa afinoʼaeʼmo, vani hataletiʼa kafugamo maiʼnisiya vekamoʼmo mafaʼnemo afaʼa alino ategaifiye. Selaʼeʼmo naetiʼa kafugamo maiʼniyana mafaʼnemo afaʼa alino ategaifiye, huno huteno.

Aepa Gemae 17:17 ပူးပေါင်းရင်းမြစ်များ

Aepa Gemae 17:18

Gotifeʼmo hunoʼaeʼmo, O Gotiyo, Isameliʼa kaulagaleʼmo afaʼa maigiye, huno ha paiʼniyaʼmonanafa

Aepa Gemae 17:3

Emalemiʼa augosalegatiʼmo aino ati kaeno havaeʼnigeno Gotiʼa mago gemo ina ge huno ha paiʼniye.

Aepa Gemae 18:11

Emalehamuʼe Selaʼeʼmo ago anau anekalomo leʼnaʼaʼmofeʼmo Selaʼa mafaʼnemo alino atesiya kanaʼamo ago hano huʼniye.

Aepa Gemae 18:12

Huʼniyaʼmofeʼmo Sela aipafiʼmo kigi nehunoʼaeʼmo, nagaemo ago anekalomo maiʼnovanageʼna nagufaeʼmo namogaga aisufiye. Ani kavakeʼmo huno kava vekaʼniʼeʼmo ago kosunamo leʼniyaʼmofeʼmae, huno huʼniye.

Aepa Gemae 21:5

Emalehamuʼa vani hataletiʼa kafugamo maiʼnigenoʼaeʼmo Selaʼa Aisakiʼmo alino ateʼniye.

Aepa Gemae 21:6

Selaʼa hunoʼaeʼmo, Gotiʼa kigi hisuvafeʼmo alino he tino nateʼnigeʼapaeʼmo muki vayaʼmogi ani gemo afiteʼapaeʼmo nagaeʼeʼmo magokepi kigi hugae.

Aepa Gemae 21:7

Hogoteno ina laʼmo Emalehamufeʼmo ha painoʼaeʼmo, Akamo Selaʼmo mafaʼnemo alino ateteno nuʼmo amigiye, huno ha paigiye. Agaemo ago kosuna leʼniyana nagaemo ve mafaʼneʼamo aliʼna atove, huno huʼniye.

Neniyo 8:17

nahaopaleʼmo eʼnigeʼnaeʼmo koli huteʼna naugosalegatiʼmo mopafi asagauʼna aiʼnove. Gemaliyoʼmo ani ge huno naha paiʼniye. Vemo mafaʼneo, huno, alagamuna gemo atupa afinaʼmo afole aisiya kavafeʼmae.

Napa 14:5

Inagi Moseseʼe Eloniʼeʼmo muki Isaleli vayaʼai apaulagaleʼmo anaugosalegatiʼmo mopafiʼmo asagauʼana aiʼnaʼae.

Napa 16:22

Inagi Moseseʼe Eloniʼeʼmo mopafiʼmo anaugosalegatiʼmo asagauʼana aiteʼanaeʼmo, O Gotiyo, huʼana muki apauneʼapameʼe vayaʼmogi Gotiʼapimogamo maiʼnane. Magoke vekamoʼmo hosu kavaʼmo nehisiyaʼmoʼmo kagaemo muki Isaleli vayaʼaifeʼmo kaipamo leka apategapiye, huʼana huʼnaʼageno.

Napa 16:45

Lanakaemo mani vayaʼaitegatiʼmo ataletana viʼao. Malage huʼna aliʼna hano huʼna apatalegauvanagi. Ani gemo afiteʼanaeʼmo anaugosalegatiʼmo mopafiʼmo anakoʼya faiʼnaʼae.

Matiyu 2:11

Apakaemo nopiʼmo uʼa haiʼa anakayana mafaʼneʼaʼe itaʼamoʼmo Maliyaʼeʼmo maiʼnaʼageʼa anaketeʼapaeʼmo apaleʼyamo faiʼneʼa ape huʼa Yesufeʼmo mono huʼnae. Kesiʼapifatiʼmo yakiʼa goli yafanagi lusi moniletiʼmo miya nefaiya yaʼmo atafiʼmo kaeʼnageno alagepa atumo neʼaiya yanagi alagepa atumo neʼaiya uvelimogi huʼa amiʼnae.

Luki 1:18

Sekalaiyasiʼmo enisole vekaeʼmo hunoʼaeʼmo, kagaemo nehana lama geeʼmo haiya agufa kavaʼmo huʼna alagi lama gemo nehane, huʼna afiguve. Nagaemo ago kosuna leʼnogeno aʼnimo ago anekalo leʼniye, huno ha paiʼnigenoʼaeʼmo,

Yoni 8:56

Lapakinago vekamo Emalehamuʼa nagaemo afole aisugeno nagesiyafeʼmo hauʼnigeno avayagunagu huno nagava maiʼniye. Nagetenoʼaeʼmo amogaga aiʼniye, huno hapa paiʼnigeʼapaeʼmo

Yasuva 5:14

agaemo, Haʼao, huno, nagaemo Ala kava neʼmo asole ami vayaʼaleʼmo hogote vekamo yagaiʼna neʼapatova vekamo eʼnove, huno huʼnigeno Yasuvaʼa augosalegatiʼmo mopafiʼmo asagauno aiteno mono huʼniye. Mono hutenoʼaeʼmo, Ala kava neʼnimogae, huno, aliʼyakaleʼmo maiʼnova vekaeʼmo na agufa ge huka naha paigane, huno ge huno afi geʼniye.

Yasuva 7:6

Yasuvaʼmo ani kavafeʼmo ava gemo afitenoʼaeʼmo kukena yaʼamo alino apake aiteno augosalegatiʼmo mopafiʼmo asagauno aiteno Ala kava neʼmo kesimo haopaleʼmo mailino neʼvigenoʼaeʼmo yegemo uno lamino faleʼniye. Yasuvaʼe Isaleli vayatama vayaʼeʼmo mumusopamo aliʼa apakenopafiʼmo faleʼnae.

Leveleseni 11:16

tuveti foʼa vayatama vayaʼmo Goti aulagaleʼmo maiʼneʼa yagaiʼa neʼapataya vayaʼmogi siyaʼapileʼmo fai maiʼnaya vayatama vayaʼmo asagau aiteʼapaeʼmo apaugosalegatiʼmo mopaleʼmo aiʼa ati kaeʼneʼa Gotifeʼmo mono huʼnae.

Leveleseni 5:8

Aliʼnigeʼapaeʼmo loleʼe loleʼe vayaʼe tuveti foʼa vayatama vayaʼmogiʼeʼmo aikeli sipisipimo aiyafiʼmo asagauʼa aiʼnae. Mukiʼamogimo apamete apamete huʼa alopa gitagana yaʼmo alige alopa goli yuvapa alige huteʼa maiʼnae. Ani yuvapafiʼmo atafiʼmo kaeʼnageno alagepa atumo neʼaiya agufa yaʼmo haneʼniya kava huno apaote vayaʼmogimo nunumuʼmo nehaya gemo haneʼniye.