Aepa Gemae 17:11 - The Keyagana NT and 25 OT books

¹¹ Apakufamo lagauta apatesaya kavaʼmoʼa nagaemo lapakaeʼeʼmo hu malova kotalakemo alagena kavaʼamo hanegaiye.

Aepa Gemae 17:11 ပူးပေါင်းရင်းမြစ်များ

Aepa Gemae 9:12

Nagaemo kotalakeʼnimo lapakaeʼe muki afaʼa neʼmaiya yateʼefeʼmo hu maleʼnova kotalakeʼnimo alagena yaʼamo muki afinatefeʼmo hu malegauve.

Hatu maeno apate'niya gemae 12:48

Agufamo olagauʼnisiya vekamoʼmo oʼnegaiyaʼmofeʼmo kalaga vekamoʼmo Ala kava netefeʼmo Pasova neʼyaʼmo nesiyafeʼmo hauʼnisiyaʼmoʼmo ani vekamo vayaʼamogimo agufamo lagauʼa atetesagenoʼaeʼmo afaʼa eno negaiye. Agaemo ani kote vekagana huno maigiye.

Hatu maeno apate'niya gemae 4:25

Sipolaʼa mago ave neʼneya yafaʼmo alino ve mafaʼneʼamo agufamo lagauteno Mosese aiyaleʼmo yaga auʼniye. Agaemo hunoʼaeʼmo, Kagaemo kola anauʼnimogae, huno huʼniye.

Apa 7:8

Mago kotalakemo hu maleʼnisugeno ani kotalakemo alagena kavaʼamo haneʼnisigeka ve mafaʼnekamo agufamo lagauvo, huno ha paiʼnigeno Emalehamuʼa Aisikiʼmo alino ateʼnigeno eitiʼa afinaʼmo utegenoʼaeʼmo agufamo lagauʼniye. Aisikiʼa Yekopuʼmo alino atetenoʼaeʼmo agufamo lagauʼnigeno ani kavaʼmo huno Yekopuʼa mafaʼne anagaʼamo tuolofuʼa nofi vayaʼmogi aepa vayaʼmo alino apateteno apakufamo lagaute lagaute huʼniye.

Lomu 4:11

Emalehamuʼa agufamo olagauʼniya vekamo maiʼnenoʼaeʼmo agesamo afino fatago huteno fatago kavaʼamo aliʼniye. Fatago kavaʼamo aliʼniya alagena kavaʼmo haneʼniyana agufamo lagauʼniya alagena kavaʼmo aliʼniye. Mani alagena kavaʼmo aune kavaʼmo haneʼniyana, fatago vekamo maiʼniye, huno alino apave neliya kavaʼmo haneʼniye. Apakufamo olagauʼnaya vayaʼai aepa vekamo maisigeno Gotiʼa apakaeʼeʼmo fatago kavaʼamo apamisayafeʼmo ani kava huno maiʼniye.

Yasuva 5:3

Ha paiʼnigeno Yasuvaʼa lokiya yafatetiʼmo asole haginamo alo huteno Isaleli ve anagaʼmo aise avefiʼmo agiʼamo apakufa atupamo hatagauno ataleʼniya avefiʼmo apakufa atupamo hatagauno ataleʼniye.