Aepa Gemae 17:10 - The Keyagana NT and 25 OT books

¹⁰ Nagaemo kotalakeʼnimo nagaeʼe kagaeʼenagi kagae kakamelegatiʼmo kaginago vayakaleʼefenagi huʼna hu malova kotalakeʼnimo alagena kavaʼamo ina kava hutapa muki lapakaepati ve mafaʼne anagaʼmogi apagufamo lagauta apateyo.

Aepa Gemae 17:10 ပူးပေါင်းရင်းမြစ်များ

Aepa Gemae 17:11

Apakufamo lagauta apatesaya kavaʼmoʼa nagaemo lapakaeʼeʼmo hu malova kotalakemo alagena kavaʼamo hanegaiye.

Aepa Gemae 17:23

Inagi Emalehamuʼa ani afinatetiʼmo aepa faino Goti ha paiʼniya gemo akame huno Isameli agufamo lagauge noʼafiʼmo aliʼyaʼamo neʼaliya aʼnemogi aliʼa apateʼnaya mafaʼneʼai apakufamo lagauge miya faiʼniya vayaʼmogi mafaʼneʼai apakufamo lagauge muki agae nofi ve mafaʼnemogi apakufamo lagauge huʼniye.

Aepa Gemae 21:4

Alino atetegenoʼaeʼmo eitiʼa afinaʼmo utegeno Gotiʼa huvo, huno ha paiʼniya gemo akame huno Emalehamuʼa mafaʼneʼamo agufamo lagauno ateʼniye.

Aepa Gemae 34:15

Hugiyaʼmonanafa mani kavafeʼmo lagaemo lapakaefe hutaeʼmo, hogotetapa magoke agufa kavaʼmo lagaekana hutapa lapakufamo lapaugae.

Aepa Gemae 34:22

Ani kavatetikeʼmo he, huʼa hugae. Lagaemo hogoteta apakaemo nehaya agufa kavaʼmo huta lagufamo lagausunageʼapaeʼmo kanalene, huʼa hugae. Ani kavaʼmo osisunana apakaemo lagaefeʼmo, magoke vayaʼmo hamaleteta magokepi lokaeta maigune, huʼa osugae.

Hatu maeno apate'niya gemae 12:48

Agufamo olagauʼnisiya vekamoʼmo oʼnegaiyaʼmofeʼmo kalaga vekamoʼmo Ala kava netefeʼmo Pasova neʼyaʼmo nesiyafeʼmo hauʼnisiyaʼmoʼmo ani vekamo vayaʼamogimo agufamo lagauʼa atetesagenoʼaeʼmo afaʼa eno negaiye. Agaemo ani kote vekagana huno maigiye.

Hatu maeno apate'niya gemae 4:25

Sipolaʼa mago ave neʼneya yafaʼmo alino ve mafaʼneʼamo agufamo lagauteno Mosese aiyaleʼmo yaga auʼniye. Agaemo hunoʼaeʼmo, Kagaemo kola anauʼnimogae, huno huʼniye.

Yoni 7:22

Moseseʼa hunoʼaeʼmo, ve mafaʼnetapimogi apakufamo lagauta apateyo, huno lapa paiʼniye. Moseseʼa ani kavaʼmo alino aepa ofaiʼnifa lapakinago vayaʼmogigeʼmo hogoteʼa aliʼa aepa faiʼnae. Moseseʼa hunoʼaeʼmo, apakufamo lagauta apateyo, huno lapa paiʼniyaʼmofeʼmo Sapati afinaʼmo mafaʼne anagaʼai apakufamo lagauta neʼapatae.

Apa 7:8

Mago kotalakemo hu maleʼnisugeno ani kotalakemo alagena kavaʼamo haneʼnisigeka ve mafaʼnekamo agufamo lagauvo, huno ha paiʼnigeno Emalehamuʼa Aisikiʼmo alino ateʼnigeno eitiʼa afinaʼmo utegenoʼaeʼmo agufamo lagauʼniye. Aisikiʼa Yekopuʼmo alino atetenoʼaeʼmo agufamo lagauʼnigeno ani kavaʼmo huno Yekopuʼa mafaʼne anagaʼamo tuolofuʼa nofi vayaʼmogi aepa vayaʼmo alino apateteno apakufamo lagaute lagaute huʼniye.

Lomu 2:28

Lama ge Yu vekamoʼmo amega agufale Yu vekamo oʼmaiʼnifa aipafi Yu vekamo maiʼniye. Lama ge apakufamo lagauʼnaya kavaʼmo amega apakufale kavaʼmo ohaneʼnifa apaipafi kavaʼmo haneʼniye. Keʼaepa gemoʼa mani agufa aliʼyaʼmo afaʼa oʼaligiyaʼmonanafa Goti Aunemeʼamoʼmo apaipafiʼmo mani agufa aliʼyaʼmo afaʼa neʼaliye. Ma mopafi vayaʼmogimo lama ge Yu vekamo agiʼaleʼmo aliʼa asaga huʼa noʼatayaʼmonanafa Gotiʼa agiʼaleʼmo alino asaga huno neʼate.

Lomu 3:25

Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.

Lomu 3:28

Ataleʼniyaʼmofeʼmo ina kava huta afiʼnonana Gotiʼa keʼaepa geʼamo akame nehaya kavatetiʼmo naulagaleʼmo fatago vayaʼmo maiʼnae, huno nosifa apakesamo afiʼa fatago nehaya kavatetikeʼmo naulagaleʼmo fatago vayaʼmo maiʼnae, huno nehiye.

Lomu 3:30

Gotiʼa magokeʼageʼmo maiʼniyanageno Yu vayaʼmogi apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge Yu nofi vayapatiʼmo oʼmaiʼnaya vayaʼmogiʼeʼmo apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge hugiye.

Galesiya 3:28

Kalaisipiʼmo magoke aiyaya vayaʼmo maiʼnayaʼmofeʼmo mago vayaʼmo Yu vayaʼmo maige mago vayaʼmo alu nofi vayaʼmo maige huʼnone, hutapa osuge kalavusi aliʼyaʼmo neʼaliya vayaʼmo maige afa vayaʼmo maige huʼnone, hutapa osuge ve maige aʼne maige huʼnone, hutapa osuge hutetapa maiyo. Kalaisi Yesupiʼmo maiʼnetapaeʼmo magoke aiyaya vayaʼmo maiʼnae.

Galesiya 6:12

Amega apakufale kavafeʼmo amuse huʼa apatesageʼa ala apakiʼapimo alisayafeʼmo hapauʼniya vayaʼmogimo lokiya gefatiʼmo, lapakufamo lagaiyo, huʼa nehae. Kalaisiʼa malipu yosaleʼmo faliʼniya kavafeʼmo ava geeʼmo apaini huʼa oʼapatesayafeʼmo lapakufamo lagaiyo, huʼa nehae.

Efasasi 2:11

Alo huno lapateʼniyaʼmofeʼmo lapakaemo, hogoteta maiʼnona afinaʼmo haiya agufa kavaʼmo huta maiʼnopi, hutapa lapakesamo afita ho hiyo. Itatapimogimo aliʼa lapateʼnagetapaeʼmo Yu nofi vayaʼmo oʼmaiʼnae. Yu vayaʼmogi apayatetiʼmo apakufamo lagauʼnaya vayaʼmogimo lapakaefeʼmo huʼapaeʼmo, Goti keʼaepa geʼamo oʼafiʼnaya vayaʼmogeʼapaeʼmo apakufamo olagauʼnaya vayaʼmo maiʼnae, huʼa nehae.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Yasuva 5:2

Ani afinaʼmo Ala kava neʼmoʼa Yasuvafeʼmo ha painoʼaeʼmo, Asole haginamo lokiya yafatetiʼmo aveʼmo nesiya agufa haginamo alo huteka napa tu afinaʼmo Isaleli ve anagaʼmogi apakufamo atupamo hatagauka atalo, huno ha paiʼniye.

Yasuva 5:4

Yasuvaʼa huʼniya kavaʼmo aepaʼamo haneʼniyana muki Isaleli ve anagaʼmo Isipi kotegatiʼmo ataleʼa eʼnaya vayaʼmogi apakufamo atupamo hatagauʼa ataleʼnaya vayaʼmo kame nehaya vayaʼmo hau huʼniya kaʼme kateʼmo ago faliʼnae. Faliʼnayaʼmonanafa hau huʼniya kaʼme koteʼmo aliʼa apateʼnaya vayaʼmogi apakufamo atupamo hatagauʼa oʼataleʼnae.