Aepa Gemae 17:1 - The Keyagana NT and 25 OT books

¹ Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 17:1 ပူးပေါင်းရင်းမြစ်များ

Aepa Gemae 12:1

Ala kava neʼmoʼa Emalemifeʼmo ina ge huno ha paiʼniye. Kagaemo kokamo atalege konagakamogimo apatalege muki vayakamo apatalege huteka nagaemo aliʼna kave lisuva mopaleʼmo uvo.

Aepa Gemae 12:7

Ala kava neʼmoʼa Emalemitegamo afole aiteno ina ge huno ha paiʼniye. Nagaemo mani mopamo aliʼna kaginago vayaʼmo apamiguve, huno ha paiʼnigeno Emalemiʼa agaetegamo afole aiʼniya Ala kava netefeʼmo ofalinimo nehaya agufa yafa hiʼyalamuʼmo huʼniye.

Aepa Gemae 16:16

Emalemiʼa ani afinaʼmo eiti sigisiʼa kafugamo maiʼniye.

Aepa Gemae 18:1

Henagaʼamo Mamale kotega alopa yosamo aepafiʼmo Ala kava neʼmo agaetegamo afole aiʼniyana Emalehamuʼmo lusi kava huno amuko huʼniya afinaʼmogeno seli noʼamo kipateʼmo itopaleʼmo fai maiʼniye.

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Aepa Gemae 24:40

Agaemo naha painoʼaeʼmo, Nagaemo Ala kava neʼmo aulagaleʼmo geʼamo akame nehuva Ala kava neʼmoʼa enisole vekaʼamo alino atesigeno kagaeʼeʼmo magokepi lokaeno uteno kaʼmo alino ho huno katesigeka mafaʼneʼnimo aʼmo afoʼnimo nofi vayapatiʼmo afaʼa avalegane.

Aepa Gemae 26:2

Ala kava neʼmo Aisakitegamo afole aiteno, Kagaemo Isipi kotegamo uka olamiyo. Nagaemo kaha paisuva haopalegageʼmo maiyo.

Aepa Gemae 28:3

Gotiʼa muki lokiyaʼamo haneʼniya vekamoʼmo alino auleno katesigeka asole mafaʼnemo alika apatesanageʼa asole vayaʼmo aliʼa alu aiʼa maigae.

Aepa Gemae 35:11

Gotiʼa magoʼe gemo ha painoʼaeʼmo, Nagaemo muki lokiyaʼnimo haneʼniya Gotiʼnamo maiʼnove. Asole mafaʼne alika apategane. Kagaemo asole mafaʼnemo alika apatesanageʼapaeʼmo asole kaginago vayaʼmo maige alu nofi alu nofi vayaʼmo afole aiʼa maige kini vayaʼmo maige hugae.

Aepa Gemae 43:14

Nunumu nehuva geʼnimo haneʼniyana muki lokiyaʼamo haneʼniya Gotiʼa ani vekamo aipa agesamo alino he tino atesigeno hau huno lapatetenoʼaeʼmo Simiyoniʼe Menisemaniʼeʼmo afaʼa anatesigeʼana nagaetegamo egaʼae. Mafaʼneʼnimo afela hesayaʼmoʼmo kanalene afaʼa afela hegaiye, huno huʼniye.

Aepa Gemae 46:3

Gotiʼa hunoʼaeʼmo, Nagaemo Gotiʼnamo afokamo Gotiʼamoʼnamae, huno huteno, Kagaemo Isipi kotegamo visanafeʼmo koli osuvo. Uka maiʼnisanageʼnaeʼmo alopa nofi vayaʼmo aliʼna afole aiʼna lapategauve.

Aepa Gemae 48:15

Yekopuʼa Yosefefeʼmo alino auleno atetenoʼaeʼmo ani ge huʼniye. Lotoʼnimo Emalehamuʼe afoʼnimo Aisakiʼeʼmo Goti aulagaleʼmo maiʼnaʼae. Ani Gotiʼa muki afinaʼmo maime maime eʼnova afinaʼmo neʼyaʼmo namilineno hemeniʼeʼmo neʼnamiye.

Aepa Gemae 48:3

Yekopuʼa Yosefefeʼmo ha painoʼaeʼmo, Gotiʼa muki lokiyaʼamo haneʼniya Gotiʼa Kenani kotega Lusa taonifiʼmo maiʼnogenoʼaeʼmo naulagaleʼmo afole aiteno alino auleno nateʼniye.

Aepa Gemae 5:22

Alino atetenoʼaeʼmo Inokiʼa tali hataletiʼa kafugamo Gotiʼeʼmo afalu afalu kava huno maiteno Gotiʼeʼmo magokepi lokaeno uneno nehunoʼaeʼmo ve mafaʼnemo alino apatege a mafaʼnemo alino apatege huʼniye.

Aepa Gemae 5:24

Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.

Aepa Gemae 6:9

Noa aginago vayaʼai apakimo haneʼniye. Agaemo loleʼe magoʼe ve mafaʼne anagaʼamo Semiʼagi Hamuʼagi Yafetiʼagi huʼa maiʼnae. Noaʼa fatago vekamo Goti aulagaleʼmo maiʼniyaʼmofeʼmo vaiʼmo oʼaliʼniye. Noaʼa Goti ao vekamo maiʼnigeʼana magokepi lokaeli uʼeʼa huʼana maiʼnaʼae.

Samu 115:3

Gotitimoʼmo kokunapiʼmo maiʼniye. Agaemo muki hisiyafeʼmo hauʼniya kavaʼmo nehiye.

Samu 116:9

Nagaemo Ala kava neʼmo aulagaleʼmo ofaliʼa afaʼa maiʼnaya vayaʼaitegamo umenitata nehuve.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Hatu maeno apate'niya gemae 6:3

Nagaemo Emalehamutegagi Aisakitegagi Yekoputegagi huʼna afole aiʼnogeʼa nageteʼapaeʼmo lokiyaʼamo haneʼniya Gotiʼa maiʼniye, huʼa nageʼnayaʼmonanafa nagiʼnimo Yihovaʼnaʼmae huʼa oʼafiʼnae.

Mai'naya kavane 10:9

Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Maika 6:8

O vekamogae, huʼna, Ala kava neʼmoʼa alagepa kavaʼmo hisuna kavaʼmo ago alino lave liʼniye. Agaemo anonatilefeʼmo hisunafeʼmo hunoʼaeʼmo, vayaʼaitegamo fatago kavaʼmo huge lapau hutapa apatetetapa lahapauge lapakufamo alita afepiʼmo lapatege hutetapaeʼmo Gotitapimoʼeʼmo afalu afalu kavaʼmo hutapa magokepi lokaetapa umenitata hiyo, huno laha paiʼniye.

Napa 11:23

Ala kava neʼmoʼa Mosesefeʼmo ha painoʼaeʼmo, Nagaemo lokiyaʼnimo hano huʼnifiye. Hemenimo kaha paiʼnova kavaʼmo afole aisifi oʼaisifigeka agegane.

Napa 24:16

Ani gemo Goti gemo afiʼniya vekamoʼmo aeno hakalo huʼniya gemae. Agaemo muga anaga vekamo muki vayaʼaina aeno apaka seʼniya Gotiʼa neʼage. Agaemo alagamuna agegekana huno lokiyaʼage Gotiʼa agetenoʼaeʼmo aulagamo haleʼnigeno asagauno aiʼniye.

Matiyu 19:26

Yesuʼa aulu hapaeno apaketenoʼaeʼmo, vayaʼmogimo alagi osisaya agufa kavaʼmo Gotiʼa muki ani agufa kavaʼmo afaʼa hugiye, huno hapa paiʼniye.

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Apa 23:1

Poloʼa he tino maiʼnenoʼaeʼmo kanisole vayaʼmo aulu hapaeno apakeʼnenoʼaeʼmo, Konagaʼnimogitapae, huno, Goti aulagaleʼmo nehuva kavafeʼmo yuʼilaga vekaʼnimoʼa agoti huno noʼnate, huno hapa paiʼniye.

Apa 24:16

Nagaemo Goti aulagaleʼe ma mopafi vayaʼai apaulagaleʼeʼmo yuʼilaga vekaʼnimoʼa agoti huno oʼnatesiyafeʼmo nayamukiki huʼna alagepa kavaʼmo nehuve.

Efasasi 3:20

Lagaemo agaefeʼmo ge hutaeʼmo, ani kavaʼmo huvo, huta afi nekona kavaʼmo agaemo afaʼa hugiye, huta lagesamo neʼafuna kavaʼeʼmo afaʼa hugiye. Afaʼa magoʼe huno ge huta afi nokona kavaʼe lagesamo noʼafuna kavaʼeʼmo laipafiʼmo aliʼyaʼmo neʼaliya himamuʼaletiʼmo magoʼe huno afaʼa hugiye.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.