Aepa Gemae 16:2 - The Keyagana NT and 25 OT books

² Selaiʼa Emalemifeʼmo, Afiyo, huno, Ala kava neʼmoʼa mafaʼnemo aliʼna oʼatesuvafeʼmo naipamo ago alino akani maleʼniyanageʼna mafaʼnemo aliʼna oʼategauve. Oʼategauvaʼmofeʼmo kahaoke hovanagi uka aliʼyaʼnimo neʼaliya a mafaʼneʼeʼmo magokepiʼmo lokaeka havao. Agaepatiʼmo nagae mafaʼnemo mago maisafi, huno ha paiʼniye. Inagi Emalemiʼa huʼniya gemo afiʼniye.

Aepa Gemae 16:2 ပူးပေါင်းရင်းမြစ်များ

Aepa Gemae 11:30

Maiʼniyaʼmonanafa Selaʼa anamo maiteno mafaʼnemo alino oʼateʼniye.

Aepa Gemae 17:16

Nagaemo aliʼna auleʼna atesugeno ve mafaʼnekamo alino atesigeʼna magoʼe huʼna aliʼna auleʼna atesugeno asole nofi vayaʼe kini vayaʼmogi itaʼapimoʼeʼmo maigiye, huno ha paiʼnigeno.

Aepa Gemae 18:10

Apakaepatiʼmo mago vekamoʼmo hunoʼaeʼmo, anaga kafugamo mani agufa kaileʼmo halate kagaetegamo esugeno akamo Selaʼmo ve mafaʼnemo alino ategaiye, huno ha paiʼnigeno Selaʼmo ani vekamo akamelega seli noʼmo kipateʼmo maiʼneno ani huʼniya gemo afiʼniye.

Aepa Gemae 19:31

Ani yafa nokapi maiʼneʼapaeʼmo yege a mafaʼneʼamoʼmo aganaʼamofeʼmo ina ge huno ha paiʼniye. Afotiʼamoʼmo ago kosuna leʼniyaʼmofeʼmo mago vemo laʼagaetegamo esageta muki ma mopafi vayaʼmogi nehaya kavaʼmo hutaʼa mago ve kanoʼeʼmo magokepi lokaetaʼa ohavaegauʼae. Mago vemo muki ma mopafiʼmo oʼmaiʼnayaʼmofeʼmae.

Aepa Gemae 25:21

Aisaki aʼmo Lipekaʼa mafaʼnemo alino oʼateʼnigenoʼaeʼmo Aisakiʼmo Ala kava nefeʼmo nunumuʼmo huʼnigeno Ala kava neʼmoʼa afitenoʼaeʼmo ha maeʼnigeno Lipekaʼmo aipaguʼeʼmo maiʼniye.

Aepa Gemae 3:12

Ve kanomoʼmo geʼaleʼmo aeno atagaina huno ha painoʼaeʼmo, Kagaemo nagaeʼeʼmo magokepi lokaeno maisiyafeʼmo namiʼnana a kanomokeʼmo ani yosa alagamo namiʼnigeʼna neʼnove.

Aepa Gemae 3:17

Gotiʼa Atamufeʼmo ha painoʼaeʼmo, Akamo gemo afiteka oʼno, huʼna kaha paiʼnova yosa alagamo neʼnanaʼmofeʼmo mopamo aliʼna hosu huʼna atesugeno neʼyaʼmo alagepa huno afole oʼaigiye. Muki afinaʼmo lusi kava huka mopafiʼmo aliʼyaʼmo alisanagenoʼaekeʼmo neʼyaʼmo afole aigiye.

Aepa Gemae 30:22

Gotiʼa Lesofeʼmo age kanino oʼataleʼnifa agesa afiʼniye. Nunumu huʼniya geʼamo afitenoʼaeʼmo ha maeno aipamo alino akaka vaeʼnigeno aipaguʼeʼmo maiteno mago mafaʼnemo alino ateʼniye. Alino atetenoʼaeʼmo, Gotiʼa huʼa faipa huʼa neʼnataya gemo alino ataleʼniye, huno huʼniye. Agaemo hunoʼaeʼmo, Ala kava neʼmoʼa magoʼe huno mafaʼnemo namigiye, huno huteno agiʼamo Yosefeʼae huno ateʼniye Ani agimo aepaʼamo magoʼmae.

Aepa Gemae 30:6

Inagi Lesoʼa hunoʼaeʼmo, Gotiʼa kavaʼnimo alino fako huno agetenoʼaeʼmo geʼnimo afiteno mafaʼnemo namiʼniye, huno huʼniye. Huʼniyaʼmofeʼmo agiʼamo Neniʼae huno ateʼniye. Ani agimo aepaʼamo alino fako nehiya vekamae.

Samu 127:3

Afiyo, huʼna, Ala kava neʼmoʼa agaiʼageʼmo mafaʼne anagaʼapimo neʼapamiye. Mafaʼneʼapimo alagepa miyakana huno neʼapamiye.

Hatu maeno apate'niya gemae 21:4

Aliʼyaʼmo afoʼamoʼmo aʼmo avaleno amisigeno mafaʼnemo alino apateʼnisiyaʼmoʼmo itaʼapimoʼe mafaʼne anagaʼaʼeʼmo aliʼyaʼmo afoʼamoʼmo agaiʼa yaʼmogeno afaʼa apateteno agaiʼageʼmo ugiye.

Luti 4:11

Neʼyagaiya vayatama vayaʼmogiʼeʼmo, He, ago ageʼnone. Ala kava neʼmoʼa ani nokafiʼmo esiya a kanomo alagepa huno yagaino ateʼnisigeno asole mafaʼnemo Yekopu atalaʼmo Lesoʼe Liyaʼeʼmo aliʼana apateʼnaʼa kava huno asole mafaʼne anagaʼmo alino apategaiye. Ala kava neʼmoʼa kaha maenageka Efalata nofi vayapatiʼmo kagemi yakaʼe vekamo maiʼneka ala kagi vekamo maiyo.