Aepa Gemae 14:20 - The Keyagana NT and 25 OT books

²⁰ Gotiʼa aeno apaka seno anaga vekamoʼmo kaha maeʼnigeka kamemo vayakamo kame huka aeka apaka seʼnanaʼmofeʼmo aliʼna auleʼna ateʼnove, huno ha paiʼnigenoʼaeʼmo muki kagemi yaʼamo naya loleʼa agufa yapatiʼmo magoke yaʼmo alino Melekisetekina taesimo amiʼniye.

Aepa Gemae 14:20 ပူးပေါင်းရင်းမြစ်များ

Aepa Gemae 14:21

Inagi Sotomi kini vekamoʼmo Emalemifeʼmo hunoʼaeʼmo, Kamefatiʼmo muki aliʼnana kagemi yaʼmo afaʼa aligananagi vayaʼnigeʼmo afaʼa apavaleka namiyo, huno huʼniye.

Aepa Gemae 24:27

Mono hunoʼaeʼmo, Ala vekaʼnimo Emalehamu Ala kava neʼamo Gotifeʼmo aliʼna auleʼna ategauve. Gotiʼa ala vekaʼnimo oʼataleno hau huno atege lama geʼamo alagi akame huge huteno ha maeʼniye. Nagaemo kategamo eʼnogenoʼaeʼmo Ala kava neʼmoʼa kaʼmo alino ho huno nateʼnigeʼna ala vekaʼnimo nofi vayaʼalegamo eʼnove, huno mono huʼniye.

Aepa Gemae 28:22

Mani faiʼna ateʼnova yafaʼmoʼa mani mopaeʼmo Goti nomae, huno hugiye. Nagaemo muki namisana yaʼafatiʼmo aliʼna fako hisugenoʼaeʼmo naya loleʼamo hisiya yapatiʼmo magoke yaʼmo kamiguve, huno ha paiʼniye.

Aepa Gemae 47:24

Hoyatapifatiʼmo neʼyaʼmo lesiya kanamo esigetapaeʼmo faefuʼa hetamamo maleyo. Male maleʼnetapa magoke hetamamo alitapa Kini vekamo Feloʼmo amitetapa loleʼe loleʼe hetamamo lapakaitapimo maleʼnetapa afamo anagatapiʼe aise mafaʼne anagatapiʼeʼmo nege lapakaemo avinaʼamo maleʼnetapa hakalege hiyo, huno hapa paiʼniye.

Aepa Gemae 47:26

Inagi Yosefeʼa magoke keʼaepa gemo Isipi kotefeʼmo hunoʼaeʼmo neʼyaʼmo lesigeʼapaeʼmo muki vayaʼmogimo faefuʼa hetamamo maleteʼa magoke hetamamo Kini vekamo Feloʼmo amigae. Ani keʼaepa gemo alagi haneʼniyaʼmonanafa mono huʼa neʼapataya vayaʼai mopamo Felo mopamo ohaneʼniye. Hemeniʼeʼmo ani keʼaepa gemo afaʼa haneʼniye.

Aepa Gemae 9:26

Magoʼe gemo hunoʼaeʼmo, Ala kava neʼmo Semi Gotiʼamoʼmo aulena Gotiʼa maino. Kenaniʼa Semi aliʼyaʼamo alisiya vekamo maino.

Samu 68:19

Ala kava nefeʼmo alita auleta ateyo. Agaemo lagufamo alino katino nelateya Gotitimoʼmo muki afinaʼae afinaʼaeʼmo lagae kana yaʼmo neʼaliye.

Hatu maeno apate'niya gemae 18:10

Yetaloʼa hunoʼaeʼmo, Ala kava neʼmo agiʼaleʼmo alita asaga huta amuse hugune. Agaemo Isipi vayaʼai apayapatiʼe Felo ayapatiʼeʼmo lapakufamo alino katino lapateʼnigetapa Isipi vayaʼeʼmo oʼmaitapa eta afaʼa maiʼnae.

Malakai 3:10

Lapakaemo noʼnifiʼmo neʼyaʼmo hanesiyafeʼmo muki ofalini hisaya yaʼmo alinitetapa mono nopiʼmo maleyo. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Geʼnimo akame nehutapaeʼmo lama gemo huʼnofi, hutapa amalageka hutapa ageyo. Geʼnimo akame hisayana kokuʼnapi yasi kaʼmo yaki maleʼnisugeno ko aigekana huno aliʼna auleʼna lapatesuva yaʼmo lapakaeteʼmo eminesigetapa maleta havai tegayaʼmofeʼmo magoʼe hutapa malesaya yaʼmo ohanegaiye.

Malakai 3:8

Mago vekamoʼmo Goti yaʼmo kumayaʼmo aligifiye. Kumayaʼmo oʼaligiyaʼmonanafa lapakaemo nagae yaʼmo ago kumayaʼmo aliʼnae, huʼna nehuvaʼmonanafa lapakaemo hutapaeʼmo, Na agufa yakamo kumayaʼmo aliʼnone, hutapa huʼnageʼnaeʼmo ofalinimo oʼnamiʼnae, huʼna huʼnove.

Luki 18:12

Nagaemo muki saleʼae saleʼaeʼmo neʼyaʼmo neteʼna lole afinaʼmo oʼneʼna mo siʼnove. Nagaemo muki aliʼnova yapatiʼmo naeniʼa yaʼmo aliteʼna magoke yaʼmo nekamuve, huno nunumuʼmo huʼniye.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Efasasi 1:3

Lagaemo Gotiʼa alita auleta ategetao. Agaemo Ala kava netimo Yesu Kalaisi Gotiʼamoʼmo maige Afoʼamoʼmo maige huʼniye. Lagaemo Kalaisipiʼmo maiʼnonagenoʼaeʼmo agaemo muki aulena yaʼamo kokuʼnapatiʼmo launelameʼmo ha maesiya yatetiʼmo ago alino auleno lateʼniye.

Yasuva 10:42

Ala kava neʼmo Isaleli vayaʼmogi Gotiʼapimoʼmo hapa maeʼnigeʼapaeʼmo Yasuvaʼe Isaleli vayaʼmogiʼeʼmo magoke afinaʼmo muki ani kini vayaʼeʼmo kamemo huʼa aeʼa apaka seteʼa mopaʼapimo aliʼnae.