Aepa Gemae 14:18 - The Keyagana NT and 25 OT books

¹⁸ Melekisetekiʼa Selemi taonifi kini vekaʼmoʼmo Anaga Gotitefeʼmo mono huno neʼapateya vekamoʼmo peleti mayaʼe nofi alagafati aniʼeʼmo alinino Emalemitegamo eʼniye.

Aepa Gemae 14:18 ပူးပေါင်းရင်းမြစ်များ

Samu 104:15

Ani agufa kavaʼmo nehanaʼmofeʼmo lagaemo nofi alagamo faiʼnonageno aeʼnigeta aniʼmo huta neʼnonageno laipamoʼmo amogaga neʼaiye. Lagaemo olivi yosafatiʼmo uvelimo alita laugosafiʼmo faleʼnonageno laugosafatiʼmo fayu fayu nehiye. Lagaemo vitimo faiteta peleti mayamo kaeta neʼnonageno lagufamo lokiya neʼvaiye.

Samu 110:4

Ala kava neʼmoʼa alu aipa agesamo oʼafino agoʼyamo ataleteno ge hunoʼaeʼmo, Melikisetekiʼa mono huno neʼapateya vekamo maiʼniya kava huka agae akamelegatiʼmo agae nofi vekamo mono huka neʼapatana vekamo maiʼneka muki afinaʼaeʼmo maige maige huka maigane, huno kaha paiʼniye.

Samu 50:14

Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.

Samu 57:2

Nagaemo hogote anaga Gotiʼa naha maesiyafeʼmo muki kavaʼmo nehiya Gotifeʼmo keya aeʼna ge nehuve.

Samu 7:17

Ala kava neʼmoʼa fatago kavaʼmo huno alino fako nehiyaʼmofeʼmo haoke hegauve. Nagaemo Ala kava neʼmo magoʼe huno anaga Goti agiʼaleʼmo yokemo huʼna aliʼna asaga huʼna ategauve.

Samu 76:2

Mono noʼamo Yulusalemu toanifiʼmo haneʼniye. Agaemo Saiyoni avefiʼmo muki afinaʼmo maiʼniye.

Samu 76:3

Agaemo ani koteʼmo kame vayaʼai keveʼapigi haleguʼapigi kame hisaya naipeʼapigi huno aeno lo aeʼniye.

Neniyo 4:31

Ani gemo nehigenoʼaeʼmo mago vekamoʼmo kokuʼnapati ha painoʼaeʼmo, Kini vekamo Nepukanesao, huʼna, kagaefeʼmo ge nehuve. Yagaika neʼapatana himamukamo kayapatiʼmo aliʼna kahafaleʼna ataleʼnove.

Maika 6:6

Nagaemo Ala kava neʼmo kokuʼnapi Gotitegamo uʼna aulagaleʼmo he tiʼna maisuvafeʼmo na agufa yaʼeʼmo aliniʼna uʼna agaefeʼmo mono huguve. Nagaemo ape huʼna magoke kafugamo maiʼnaya pulumaka aikelimo apavaleliʼnuʼna apamagiʼna ani ofalinimo atafiʼmo kaeʼna amisufiye.

Napa 24:16

Ani gemo Goti gemo afiʼniya vekamoʼmo aeno hakalo huʼniya gemae. Agaemo muga anaga vekamo muki vayaʼaina aeno apaka seʼniya Gotiʼa neʼage. Agaemo alagamuna agegekana huno lokiyaʼage Gotiʼa agetenoʼaeʼmo aulagamo haleʼnigeno asagauno aiʼniye.

Apa 16:17

Ani aʼmafaʼnemoʼmo Poloʼe lagaeʼeʼmo lakame huno uneno nehunoʼaeʼmo alopa gefatiʼmo hunoʼaeʼmo, Ani vayaʼmogi Gotiʼa hogote vekamo anaga vekamo aliʼyaʼamo neʼaliya vayane. Gotiʼa lagufamo alino katino latesiya gemo aeʼa hakalo huʼa laha nepaiye, huno

Apa 7:48

Ki maleʼniyaʼmonanafa anaga hogote vekamoʼmo ma mopafi vayaʼmogi nekiya nopiʼmo noʼmaiye. Mago vekamo Gotitegati gemo alinineno aeno hakalo huno hapa nepaiya vekamoʼmo ani kavafeʼmo hunoʼaeʼmo,

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Himulu 5:10

Hamaleʼnigeno Gotiʼa hunoʼaeʼmo, Melikisetekiʼa hogote vekamo mono huno neʼapateya vekamo maiʼniya kava huka maiʼnane, huno huʼniye.

Himulu 5:6

magoʼe gemo aote mukufiʼmo hunoʼaeʼmo, Melikisetekiʼa mono huno neʼapateya vekamo maiʼniya kava huka mono huka neʼapatana vekamo maiʼneka oʼataleka muki afinaʼmo aliʼyaʼmo alige alige huka maigane, huno hu maleʼniye.

Himulu 6:20

Yesuʼa lavayagunagu huta agava neʼmauna vekamo laha maesiyafeʼmo hogoteno Gotiʼa neʼmaiya yateʼmo aeno asai maleʼniya kenafatiʼmo uno haino aote nopiʼmo neʼmaiye. Agaemo Melikisetekigana huno maiʼneno hogote vekamo mono huno neʼapateya vekamo hamaleʼniyanageno muki afinaʼmo maige maige huno maigiye.

Himulu 7:1

Ani vekamo Melikisetekiʼa akeyaʼvilagamo Selemi taonifiʼmo maiʼnaya vayaʼaiteʼmo yagaino neʼapateya kini vekamo maiʼniye. Agaemo hogote vekamo anaga Goti vekaʼamo mono huno neʼapateya vekamo maiʼniye. Emalehamuʼa mago kini vayaʼeʼmo kamemo huteʼa huno aeno apakasetenoʼaeʼmo atagineno eno Melikisetekiʼeʼmo fotu huʼnaʼae. Melikisetekiʼmo hunoʼaeʼmo, Gotiʼa alino auleno kateno, huno ha paiʼniye.

Luti 3:10

Movasiʼa hunoʼaeʼmo, Ala kava neʼmoʼa alino auleno kateʼniye. Hemenimo nehana kavakamoʼmo kanofelokamoʼeʼmo maiʼnekaeʼmo nehana alagepa kavakamo ago aeno aga seʼniye. Asole neya vayaʼmo maiʼneʼa mago neya vayaʼmogi kagemi yaʼapimo hanege mago neya vayaʼmo ohanege huʼniya vayaʼmo maiʼnayanageka mago neya vekaleʼmo maiguve, huka kagesamo oʼafiʼnane.