Aepa Gemae 14:17 - The Keyagana NT and 25 OT books

¹⁷ Emalemiʼa Ketolaometegaʼe ao kini vayaʼaitegaʼeʼmo ani kamemo ago huno aeno apaka seteno atagineno eʼniye. Inagi Sotomi taonifi kini vekamo Save otuʼmo kini vekaʼapimo otulene, huʼa nehaya koteʼmo uʼnigeʼana fotu huʼnaʼae.

Aepa Gemae 14:17 ပူးပေါင်းရင်းမြစ်များ

Aepa Gemae 14:1

Ketolaomeʼa Elami kotega kini vekamo maiteno tuolofuʼa kafugamo faefuʼa kini vayaʼaiteʼmo yagaino apateʼniye. Ani kini vayaʼai apakimo Melaʼa Sotomi taonifi kini vekagi Misaʼa Gomola taonifi kini vekagi Sinapiʼa Atama taonifi kini vekagi Semepaʼa Sepoimi taonifi kini vekagi Pela taonimo alu agiʼamo Sova taonifi kini vekagi huʼa maiʼnae. Apakaemo ani kini vayaʼmogimo tetiʼa kafugamo afole aiʼniya afinaʼmo kini vekamo Ketolaome geʼamo ago amagiʼa ataleʼnae. Fotiniʼa kafugamo Ketolaomeʼa loleʼe magoʼe kini vayaʼaifeʼmo ge huʼnigeʼa agaetegamo eʼnae. Ani kini vayaʼai apakiʼapimo Amalefeleʼa Mamiloni kini vekagi Aliyokiyaʼa Elasi kotega kini vekagi Titalaʼa Goimi kotega kini vekagi huʼa maiʼnae. Ani loleʼe loleʼe kini vayaʼmogi ati vayaʼapimo apavaleliʼa uʼa Lefaimi nofi vayaʼai taonimo Asataloti Kanaimi taonifi vayaʼmo kamemo huʼa aeʼa apaka seʼnae. Uʼa Susa nofi vayanagi Hamu taonifi vayanagi Ema nofi vayanagi Kiliyataimu taonifi vayanagi Hova nofi vayanagi Siya aveleʼmo maiʼnaya vayanagi huʼa kamemo huʼa aeʼa apaka seʼa apavegala aeʼa hapaeliʼuʼa Elopaleni kotega vayaʼmo oʼmaiʼnaya haopalegamo apataleʼnae.

Aepa Gemae 14:10

Sitimi otufiʼmo asole kelimo anupa kameʼmo haneʼniya keligoʼmo haneʼniye. Gomola kini vekagi Sotomi kini vekagi ati vayaʼanigi huʼa kamemo osuʼa ataleʼa apaune heʼa uʼnayategamo uʼa ani kelifiʼmo asagauʼa aitageʼapaeʼmo mago ati vayaʼamo avelegamo apaune hetaleʼa uʼa haiʼnae.

Mai'naya kavane 14:20

Muki vayaʼmogimo konagaʼapimogimo maiʼnayana kagemi yaʼamo ohaneʼniya vekaeʼmo nohapaiyaʼmonanafa kagemi yaʼamo haneʼniya vekamo ao vayaʼmo asole vayaʼmo maiʼnae.

Mai'naya kavane 19:4

Kagemi yaʼamo haneʼniya vekamoʼmo asole ao vayaʼmo maiʼnayaʼmonanafa kagemi yaʼamo ohaneʼniya vekamo ao vayaʼmogimo ataleʼa uʼnae.

Himulu 7:1

Ani vekamo Melikisetekiʼa akeyaʼvilagamo Selemi taonifiʼmo maiʼnaya vayaʼaiteʼmo yagaino neʼapateya kini vekamo maiʼniye. Agaemo hogote vekamo anaga Goti vekaʼamo mono huno neʼapateya vekamo maiʼniye. Emalehamuʼa mago kini vayaʼeʼmo kamemo huteʼa huno aeno apakasetenoʼaeʼmo atagineno eno Melikisetekiʼeʼmo fotu huʼnaʼae. Melikisetekiʼmo hunoʼaeʼmo, Gotiʼa alino auleno kateno, huno ha paiʼniye.

1 Samiyo 18:6

Neviniʼa Golaiyatiʼmo kamitimo amagitegeʼapaeʼmo Isaleli ati vayaʼe Neviniʼeʼmo halate koʼapilegamo neʼageʼapaeʼmo muki Isaleli vayaʼai taonifatiʼmo aʼne anagaʼmogimo emiʼeʼa kategamo kini vekamo Soloʼeʼmo fotu hisayafeʼmo eʼnae. Apakaemo magokepiʼmo apamogaga aige yokemo huʼa ogefage huge tamolini amagige alu yoke nehaya nahaya yatetiʼe yatetiʼeʼmo yoke huge huliʼa eʼnae.