Aepa Gemae 14:13 - The Keyagana NT and 25 OT books

¹³ Mago vekamo faino kasalo paetaleno eʼniya vekamoʼmo eno Himulu vekamo Emalemifeʼmo ha paiʼniye. Emalemiʼa maiʼniya alopa yosa aepafiʼmo Emo nofi vekamo Mamali yosamo aepafiʼmo maiʼniye. Lole konagalaʼmo Esikoliʼe Aneʼeʼmo Emalemiʼeʼmo aliʼana anao ya huteʼa maiʼnae.

Aepa Gemae 14:13 ပူးပေါင်းရင်းမြစ်များ

Aepa Gemae 10:16

Ani kava huno Kenanipatiʼmo Yemu nofi vayanagi Amo nofi vayanagi Gigasi nofi vayanagi

Aepa Gemae 13:18

Ha paitegenoʼaeʼmo Emalemiʼa ani kotetiʼmo ataleno uno Hipaloni taonifiʼmo alopa yosamo Mamali yosamo aepafiʼmo ofalinimo nehaya hiʼyalamuʼmo Ala kava netefeʼmo huʼniye.

Aepa Gemae 14:24

Nagaiʼnimo magoke yakamo alagi oʼaliguvaʼmonanafa vayaʼnimogigeʼmo ago neʼnaya neʼyaʼakageʼmo ago aliʼnove. Navagi vayaʼmo Aneʼagi Esikoliʼagi Mamaliʼagi huka afaʼa apatalegeʼa hetamaʼapimo afaʼa aliyo, huno ha paiʼniye.

Aepa Gemae 18:1

Henagaʼamo Mamale kotega alopa yosamo aepafiʼmo Ala kava neʼmo agaetegamo afole aiʼniyana Emalehamuʼmo lusi kava huno amuko huʼniya afinaʼmogeno seli noʼamo kipateʼmo itopaleʼmo fai maiʼniye.

Aepa Gemae 21:24

Inagi Emalehamuʼa agoʼya ataleteno, ani kavaʼmo afaʼa huguve, huno ha paiʼniye.

Aepa Gemae 21:27

Inagi Emalehamuʼa sipisipiʼe pulumakaʼeʼmo apavalelineno Amimelekiʼmo amitegeʼanaeʼmo anakaemo kotalakemo huʼnaʼae.

Aepa Gemae 21:32

Anakaemo kotalakemo hu maleta ageʼanaeʼmo Amimelekiʼe Faikoʼmo ami vayaʼaleʼmo yagaino neʼapateya vekaʼeʼmo ataleʼana halate Filisatini kotegamo uʼnaʼae.

Aepa Gemae 39:14

Ani akanomoʼa noʼafiʼmo aliʼya neʼaliya vayaʼaifeʼmo ge huʼnigeʼa eʼnageno hapa painoʼaeʼmo, Ageyo, huno, anauʼnimoʼa ani Himulu nofi vekamo noʼnifiʼmo avaleno ateʼniya vekamoʼmo lagaemo alino afepiʼmo latesiyafeʼmo huʼniye. Agaemo nagaeʼeʼmo magokepi lokaeno havaesiyafeʼmo eno haineʼniyaʼmonanafa nagaemo alopa gefatiʼmo keya aeʼna ge huʼnogeno afitenoʼaeʼmo kukenaʼamo nagaepiʼmo aeno asagino ateno aune hetaleno kumatega uno lamiʼniye, huno hapa paiʼniye.

Aepa Gemae 40:15

Hogoteʼapa vayaʼmogimo Himulu vayaʼai mopaletiʼmo kumaya navaleliʼa mani koteʼmo eʼnae. Mani koteʼmo eʼna maiʼnova afinatetiʼmo kalavusi huʼa natesaya agufa hosu kavaʼmo alagi osuʼnove, huno ha paiʼniye.

Aepa Gemae 41:12

Mago Himulu neya vekamo laʼagaeʼeʼmo magokepi lokaeno maiʼniye. Agaemo ami vayakaleʼmo yagaino neʼapateya vekamo aliʼyaʼamo neʼaliye. Laʼagaemo ani neya vekaeʼmo alagamuna ageʼnoʼa kavafeʼmo ha paiʼnoʼagenoʼaeʼmo alagamunamo aepaʼamo laʼaha paiʼniye.

Aepa Gemae 43:32

Apakaemo Yosefeʼmo aote hiʼyalamuteʼmo neʼyaʼamo hatiʼa atege nepuʼamogimo apaote hiʼyalamuteʼmo hatiʼa apatege Isipi vayaʼmo apakaeʼeʼmo neʼyaʼmo neʼnaya vayaʼmo apaote apatege huteʼa hiʼyalamutetiʼmo neʼnae. Isipi vayaʼmogimo Himulu vayaʼeʼmo magokepi lokaeʼa maiʼneʼa neʼyaʼmo noʼnayaʼmofeʼmo Yosefeʼmo aote hiʼyalamutetiʼmo neʼnigeʼa konagaʼamogimo apaote hiʼyalamuteʼmo neʼnageʼa Isipi vayaʼmo apaote hiʼyalamuteʼmo maiʼneʼa neʼyaʼmo neʼnageʼa huʼnae. Himulu vayaʼeʼmo magokepi lokaeʼa maiʼneʼa neʼyaʼmo nesaya kavaʼmo Isipi vayaʼai apaulagaleʼmo alagi kanale kavaʼmo ohaneʼniyaʼmofeʼmae.

Hatu maeno apate'niya gemae 2:11

Inagi henagaʼamo, Moseseʼa kositenoʼaeʼmo uno vayaʼamo Himulu vayaʼmo apakeʼniyana lusi hapaise vose aliʼyaʼmo neʼaligeno apakeʼniye. Moseseʼa ageʼniyana Isipi vekamoʼmo agaiʼa nofi vekamo Himalu vekamo neʼamagigeno ageʼniye.

Hatu maeno apate'niya gemae 2:6

Kini vekamo a mafaʼnemoʼmo hona yuvapamo avayaʼamo alino akalino ageʼniyana ve mafaʼnemo maiʼneno aviʼyaʼmo nehigeno agetenoʼaeʼmo hau huno ateteno, Ani mafaʼnemo Himulu nofi vayaʼmogi mafaʼnemo maiʼniye, huno huʼniye.

Hatu maeno apate'niya gemae 3:18

Ani ge huka hapa paisanaʼmoʼmo gekamo afaʼa afigae. Kagaeʼe Isaleli vayatama vayaʼeʼmo Isipi kini vekalegamo utapa ha paitapaeʼmo, Ala kava neʼmo Himulu vayaʼmogita Gotitimoʼmo lagaemo alino anupa huno lateʼniye. Kahaoke honanagi, afaʼa latalegeta loleʼe magoʼe felugamo uta kaʼme kotegamo Ala kava neʼmo Gotitimoʼmo ofalini amigune, hutapa ha paiyo.

Yona 1:9

Afi geʼnagenoʼaeʼmo, Himulu nofi vekamo maiʼnove. Ala kava neʼmo kokuʼnapi neʼmaiya Gotiʼmo solovalate aniʼe mopaʼeʼmo alo huʼniya Gotitefeʼmo mono nehuva vekamo maiʼnove, huno hapa paiʼniye.

Napa 13:23

Inagi apakaemo Esakoli kagoʼmu koteʼmo uʼa avaʼyi huteʼapaeʼmo nofiʼmoʼa asole alagamo aeʼniya akopamo magokeʼageʼmo hatagauʼnae. Lole vekalaʼmoganimo ani akopamo kayoteʼmo maleʼana nofi kiteʼana aliniʼana eʼnaʼae. Aliteʼapaeʼmo fiki yosa alagamo lagiʼa alige pamagalanati yosa alagamo lagiʼa alige huliʼa uʼnae.

2 Kolitiyani 11:22

Apakaemo Himulu nofi vayaʼmo maiʼnafiye. He, nagaeʼeʼmo Himulu nofi vekamo maiʼnove. Isaleli vayaʼmo maiʼnafiye. He, nagaeʼeʼmo Isaleli vekamo maiʼnove. Apakaemo Emalehamu aginago vayaʼmo maiʼnafiye. He, nagaeʼeʼmo Emalehamu aginago vekamo maiʼnove.

Filipai 2:5

Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.

1 Samiyo 29:3

Filisatini ati vayaʼaiteʼmo neʼyagaiya vayaʼmogimo huʼapaeʼmo, Ani Himulu vayaʼmo manileʼmo na kavaʼmo nehae, huʼa huʼnageno Ekisiʼmo Filisatini vayaʼaiteʼmo neʼyagaiya vayaʼaifeʼmo hapa painoʼaeʼmo, Ani vekamo Neviniʼmo hogoteno Soloʼmo Isaleli vayaʼai kini vekaleʼmo aliʼyaʼmo aliʼniya vekamo maiʼniyaʼmonanafa Soloʼmo ataleʼneno yatala afinaʼmo agaemo nagaeʼeʼmo magokepi lokaeno maiʼniye. Agaemo muki afinaʼaeʼmo nagaeʼeʼmo magokepiʼmo lokaeno maiʼniyana nagaemo mago hosu kavaʼamo oʼageʼnove.

1 Samiyo 4:12

Mago ati vekamo Menisameni nofi vayapati vekamoʼmo kame nehaya yatetiʼmo ataleno nagu nagu huno ani afinakeʼmo Sailo taonifilagamo eno avaʼyi huʼniye. Agaemo kukenaʼamo alino apake aino ataleteno mopamo alino agenopafiʼmo maleteno eno avaʼyi huʼniye.