Aepa Gemae 13:7 - The Keyagana NT and 25 OT books

⁷ Loti sipisipi anagaʼaleʼe pulumaka anagaʼaleʼeʼmo neʼyagaiya vayanagi Emalemi sipisipi anagaʼaleʼe pulumaka anagaʼaleʼemo neʼyagaiya vayanagi huʼa ke vaiʼnae. Ani afinaʼmo Kenani nofi vayaʼe Pelesi nofi vayaʼeʼmo ani haopaleʼmo maiʼnae.

Aepa Gemae 13:7 ပူးပေါင်းရင်းမြစ်များ

Aepa Gemae 10:19

Kenani nofi vayaʼai hakuʼapimo Saitoni taoniletiʼmo hanelinuno Kela taonimo katetiʼmo hanelinuno Gesa taoniletiʼmo hanelinuno Sotomi taonimo katetiʼmo hanelinuno Gomola taonilegatiʼmo hanelinuno Atama taonilegatiʼmo hanelinuno Yemovimi taoniletiʼmo hanelinuno muga Lasa taonileʼmo uʼniye.

Aepa Gemae 12:6

Emalemiʼa vayaʼaʼeʼmo uʼa Sekemi taonifi Mole haopalegamo mago alopa yosamo aepaleʼmo avaʼyi huʼnae. Ani afinaʼmo Kenani nofi vayaʼmo ani mopaleʼmo maiʼnae.

Aepa Gemae 21:25

Ani afinaʼmo Emalehamuʼa Amimelekifeʼmo, Aliʼyakamo neʼaliya vayaʼmogimo nagae ani keli kotuʼmo aliʼnana kavaʼmo hosu kavaʼmo huʼnane, huno ha paiʼniye.

Aepa Gemae 26:20

Huʼniyaʼmonanafa aniʼmo ageʼnayaʼmofeʼmo Gela vayaʼai pulumakale neʼyagaiya vayaʼmogi Aisaki pulumakale neʼyagaiya vayaʼmo ge hapauʼnae. Gela vayaʼmogimo, lagae aniʼmae, huʼa huʼnayaʼmofeʼmo Aisakiʼa ani aniʼmo agiʼamo Eseke ani kotune, huno ateʼniye. Ani agimo aepaʼamo ge vaiʼnona aniʼmae.

Aepa Gemae 34:30

Inagi Yekopuʼa Simiyoniʼe Livaiʼefeʼmo hana painoʼaeʼmo, lanakaemo lusi kana yaʼmo alitana namiʼnaʼanageʼna muki mani kote vayaʼai apaulagaleʼmo hosu atumo neʼaiya yakana huʼna maiguve. Lagaemo aise vayaʼmo maiʼnonaʼmofeʼmo Kenani vayaʼe Pelesi vayaʼeʼmo aliʼa anupa huteʼa nagaeʼe afamo anagaʼniʼeʼmo kamemo lahaegae, huno huʼnigeʼanaeʼmo

Aepa Gemae 46:34

geʼaleʼmo aeta atagaina hutapa ha paitapaeʼmo, muki afotimogimo aliʼnaya agufa aliʼyaʼmo neya vayaʼmo maiʼnona afinatetiʼmo pulumakaleʼe sipisipileʼeʼmo neʼyagauna vayaʼmo maiʼnone, hutapa ha paiyo. Isipi vayaʼmogimo sipisipileʼmo neʼyagaiya vayaʼaifeʼmo alagi ohapauʼnigeʼa hosu aliʼyaʼmo neʼaliya vayane, huʼa apakesamo neʼafiyaʼmofeʼmo ani ge hutapa ha paisagenoʼaeʼmo Goseni kotegamo afaʼa utapa maigae, hutapa ha paigae, huno hapa paiʼniye.

Hatu maeno apate'niya gemae 2:17

Eʼnayaʼmonanafa mago alu sipisipileʼmo yagaiʼa neʼapataya vayaʼmogimo eʼa ani a mafaʼne anagaʼmo aliʼa hapafaiʼa apataleʼnae. Aliʼa hapafaiʼa apataleʼnayaʼmonanafa Moseseʼa he tino ani aʼmafaʼne anagaʼmo hapa maeno aniʼmo he fino sipisipi anagaʼapimo apamiʼniye.

Mai'naya kavane 20:3

Muki negi vayaʼmogimo ge vaisaya kavaʼmo aliʼa he tiʼa ategayaʼmonanafa ge vaisaya kavaʼmo aliʼa hano huʼa atalesaya vayaʼmogi ala apakimo aligae.

Maki 3:25

Ina kava huʼa magoke afamo anagaʼmogimo aliʼa fako huʼa kaveta hisayana magokepi alagepa huʼa lokaeʼa oʼmaigae.

1 Kolitiyani 3:3

Lapakufamoʼmo hauʼniya kavaʼmo akame huʼnayanagetapa hemeniʼeʼmo afaʼageʼmo akame nehae. Lapakaitapifiʼmo lapaipa kafa hapaege ge vaige alita fako hutapa alu vaya alu vayaʼmo maige hutapa maiʼnetapaeʼmo lapakufamoʼmo hauʼniya kavaʼmo akame nehutapa ma mopafi vayakana hutapa maiʼnae.

Galesiya 5:20

Aigofe gotiʼapimogitefeʼmo mono nehuʼapaeʼmo apaune kavaʼmo huge lusa kavaʼmo huge analisa apamagige apaini huʼa apatege ge vaige apaipa kafa hapaege apaipa lege apakaiʼapieʼmo apakesamo afige alu apaipa alu apaipamo kalige aliʼa fako huʼa apatege nehae.

Kolosi 4:5

Lapakaemo malaga vayaʼaifeʼmo alagepa huta lapakesamo afitetapa alagepa kavaʼmo hiyo. Lapakaemo alagepa kavaʼmo hisaya afinaʼmo ago hano hugiyanagi alagepa kavaʼmo hutapa alagepa aliʼyaʼmo aliyo.

1 Tesaloniyani 4:12

Malaga vayaʼaitegamo alagepa kavaʼmo hutetapa kafu osisayafeʼmo aliʼyaʼmo aliyo.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Yemisi 3:16

Mono vayaʼmogi apaipa kafa hapaege ala apaki alisaya kavafeʼmo hapauge huʼnisiyana siosi vayaʼmo alagepa huʼa oʼmaiʼa muki alu hosu kava alu hosu kavaʼmo hugae.

Yemisi 4:1

Kame huge kaveta huge nehaya kavaʼmo aepaʼaeʼmo lapa paigesuve. Lapakufamoʼmo hauʼniya kavatapimoʼa lapakufafiʼmo kamemo nehigenoʼaeʼmo kaveta nehaya kavaʼe kame hutapa neʼapataya kavaʼeʼmo afole aiye.

1 Pita 2:12

Lapakaemo ma mopafi vayaʼaitegamo alagepa kavaʼmo hiyo. Apakaemo lapakaefeʼmo huʼapaeʼmo, hosu kavaʼmo nehae, huteʼa huʼa faipa huʼa lapatesaya vayaʼmogimo alagepa kavatapimo agesagenoʼaeʼmo Gotiʼa apakaeteʼmo emineno yagaino apatesiya afinaʼmo agiʼaleʼmo aliʼa asaga hugae.